ଜଣେ ଫେମସ ଅଭିନେତ୍ରୀ ଘୋଷଣା କରିଦେଲେ ଯେ ବର୍ତ୍ତମାନ ସେ ଫ୍ୟାନ୍ସଙ୍କୁ ନିଜ ସହିତ ରାସ୍ତାରେ ଯିବା ସମୟରେ ଫ୍ରିରେ ସେଲଫି ନେବାକୁ ଦେବେନାହିଁ । ବରଂ କଥାବାର୍ତ୍ତା କିମ୍ବା ସେଲଫି ପାଇଁ ସେ ଫ୍ୟାନ୍ସଙ୍କଠାରୁ 14 ହଜାରରୁ 38 ହଜାର ଟଙ୍କା ପର୍ଯ୍ୟନ୍ତ ଆଦାୟ କରିବେ ।
ଏହି ଅଭିନେତ୍ରୀଙ୍କ ନାମ ଏମିଲିୟା କ୍ଲାର୍କ ଅଟେ । ଗେମ୍ ଅଫ ଥ୍ରୋନ୍ସ ଫେମ୍ ଏମିଲିୟାଙ୍କ ସହ ମିଶି କଥାବାର୍ତ୍ତା ହେବାକୁ ଇଚ୍ଛା କରୁଥିବା ଫ୍ୟାନ୍ସଙ୍କୁ ଏଥିପାଇଁ ପ୍ରାୟ 38 ହଜାର ଟଙ୍କା (£400) ଦେବାକୁ ପଡ଼ିବ । ସେହିପରି ଡ୍ରିମ୍ ଇଟ ଫେଷ୍ଟ ଫ୍ୟାନ କନଭେନ୍ସନ ସମୟରେ ଯେଉଁ ଲୋକମାନେ ତାଙ୍କ ସହିତ ଫଟୋ ନେବାକୁ ଚାହାନ୍ତି, ତାଙ୍କୁ ଏଥିପାଇଁ ପ୍ରାୟ 14 ହଜାର ଟଙ୍କା (£150) ଦେବାକୁ ପଡ଼ିବ ।
ଏମିଲିୟା କ୍ଲାର୍କ ‘meet and greet’ ଟ୍ରେଣ୍ଡରେ ସାମିଲ ହେଉଥିବା ଲଟେଷ୍ଟ ଷ୍ଟାର ଅଟନ୍ତି । ଗତ ମାସରେ ଡେଲି ମେଲ ଏହି କଥାର ଖୁଲାସା କରିଥିଲା ଯେ ଜେଣ୍ଟେଲମ୍ୟାନ ଜ୍ୟାକ ଷ୍ଟାର ସୁରନ ଜୋନ୍ସ ଏବଂ ସୋଫି ରୁଣ୍ଡଲ, ବର୍ମିଘମ ଫ୍ୟାନ୍ସ କନଫରେନ୍ସ ସମୟରେ ନିଜ ସହିତ ସେଲଫି ନେବାପାଇଁ ପ୍ରାୟ 9 ହଜାର ଟଙ୍କା (£90) ନେବେ ।
ଏହାପୂର୍ବରୁ ଗୋଟିଏ ରିପୋର୍ଟରେ କୁହାଯାଇଥିଲା ଯେ 2017 ରେ ଏକ କନଭେନ୍ସନ ସମୟରେ ଶେରଲକ୍ ଷ୍ଟାର ବେନେଡିକ୍ଟ କମ୍ବରବ୍ୟାଚ ଫ୍ୟାନ୍ସଙ୍କ ସହିତ 3000 ଫଟୋ କ୍ଲିକ୍ କରି ପ୍ରାୟ 2 କୋଟି 30 ଲକ୍ଷ ଟଙ୍କା (£240,000) ରୋଜଗାର କରିଥିଲେ ।
ଏକ ରିପୋର୍ଟ୍ ଅନୁଯାୟୀ, ଏମିଲିୟା କ୍ଲାର୍କ ଗତ 2 ବର୍ଷ ମଧ୍ୟରେ ପ୍ରାୟ 72 କୋଟି ଟଙ୍କା ରୋଜଗାର କରିଛନ୍ତି । ଏମିଲିୟା 2021 ମସିହାରେ 37 କୋଟି ଟଙ୍କା ଏବଂ 2020 ମସିହାରେ ପ୍ରାୟ 34 କୋଟି ଟଙ୍କା ରୋଜଗାର କରିଛନ୍ତି ।
ଦ ସନର ଗୋଟିଏ ରିପୋର୍ଟ୍ ଅନୁଯାୟୀ, ଗେମ୍ ଅଫ ଥ୍ରୋନ୍ସରେ ଦେନେରିସ ଟାର୍ଗେରୀୟନର ବ୍ରେକଥ୍ରୁ ରୋଲ କାରଣରୁ ମିଳିଥିବା ପପୁଲାରିଟିର ଫାଇଦା ଏମିଲିୟା କ୍ଲାର୍କ ନିଜ ପରଫର୍ମିଂ ଆର୍ଟ କମ୍ପାନୀ Scenic Root ମାଧ୍ୟମରେ ଉଠାଇଛନ୍ତି । ଏହି କମ୍ପାନୀର 2014 ମସିହାରେ ପ୍ରତିଷ୍ଠା ହୋଇଥିଲା । କୁହାଯାଉଛି ଯେ 2019 ମସିହାରୁ ହିଁ ଏମିଲିୟା ବଡ ପରଦାରେ ଦେଖାଯାଇ ନାହାନ୍ତି ।