ପୁଅ ଜନ୍ମ ନ କରିବାରୁ ସ୍ତ୍ରୀକୁ ସ୍ୱାମୀର ନିସ୍ତୁକ ମାଡ,ସହିନପାରି ମହିଳା କଲେ ଆତ୍ମହତ୍ୟା,ଜଣାନ୍ତୁ ପୁରା ମାମଲା

ଆମେରିକାର ନ୍ୟୁୱର୍କରେ ପ୍ରାୟ ଚାରି ବର୍ଷ ଧରି ରହୁଥିବା ଜଣେ ଭାରତୀୟ ମହିଳା ସ୍ଵାମୀଙ୍କ ମାରପିଟ କାରଣରୁ ବିଚଳିତ ହୋଇ ଜୀବନ ଦେଇଛନ୍ତି । ମୃତକ ମହିଳାଙ୍କ ନାମ ମନ୍ଦିପ କୌର ଅଟେ । ସେହିପରି ତାଙ୍କ ନିର୍ଦ୍ଦୟ ସ୍ଵାମୀଙ୍କ ନାମ ରନଯୋଧବୀର ସିଂହ ଅଟେ ।

ନିର୍ଦ୍ଦୟ ରନଯୋଧବୀର ସିଂହ ନିଜର ସ୍ତ୍ରୀକୁ ବହୁତ୍ ହଇରାଣ କରୁଥିଲା । ସେ ନିଜ ସ୍ତ୍ରୀ ପାଇଁ କୌଣସି କାଳ ଠାରୁ ମଧ୍ୟ କମ୍ ନଥିଲା । ମନ୍ଦିପ କୌରଙ୍କ ସ୍ବାମୀ ପ୍ରତିଦିନ ତାଙ୍କ ସହ ମାରପିଟ କରୁଥିଲେ । ତାଙ୍କ ସ୍ଵାମୀ ତାଙ୍କ ଜୀବନ ନର୍କ କରିଦେଇଥିଲେ । ଶିଖ ମହିଳା ମନ୍ଦିପ କୌରଙ୍କ ମୃତ୍ୟୁକୁ ନେଇ ଆମେରିକା ଠାରୁ ନେଇ ଭାରତ ପର୍ଯ୍ୟନ୍ତ ସବୁଠି ଅସନ୍ତୁଷ୍ଟ ରହିଛି ।

କୁହାଯାଉଛି ଯେ ମୃତକ ମନ୍ଦିପ କୌରଙ୍କ ବୟସ ମାତ୍ର 32 ବର୍ଷ ଥିଲା । ସେ ନିଜ ସ୍ବାମୀ ସହିତ 2018 ମସିହାରୁ ଆମେରିକାରେ ରହୁଥିଲେ । ମନ୍ଦିପ ଉତ୍ତରପ୍ରଦେଶର ବିଜନୌରର ବାସିନ୍ଦା ଥିଲେ । ସୋସିଆଲ ମିଡିଆରେ ସେହି ଭିଡିଓ ମଧ୍ୟ ଭାଇରାଲ୍ ହେଉଛି, ଯେଉଁଥିରେ ରନଯୋଧବୀର ସିଂହ ନିଜ ସ୍ତ୍ରୀକୁ ବହୁତ୍ ମାଡ ମାରୁଛନ୍ତି ।

ମନ୍ଦିପ ଏବଂ ରନଯୋଧବୀର ସିଂହଙ୍କର ଦୁଇଟି ଝିଅ ଅଛନ୍ତି । ମନ୍ଦିପଙ୍କୁ ତାଙ୍କ ସ୍ଵାମୀ ତାଙ୍କ ଝିଅଙ୍କ ସାମ୍ନାରେ ହିଁ ପିଟୁଥିଲା । ମାକୁ ମାଡ ମରାଯାଉଥିବା ଦେଖି ଦୁଇ ଝିଅ ମଧ୍ୟ ଡରି ଯାଉଥିଲେ ।

ସେମାନେ ନିଜ ବାପାଙ୍କ ସାମ୍ନାରେ ମାକୁ ନ ମାରିବାକୁ ଗୁହାରି କରୁଥିଲେ । ତେବେ ନିର୍ଦ୍ଦୟ ରନଯୋଧବୀର ସିଂହ ନିଜ ସ୍ତ୍ରୀ ଉପରେ ଟିକେ ବି ଦୟା ଦେଖାଉନଥିଲେ । ଝିଅମାନଙ୍କ ସାମ୍ନାରେ ହିଁ ରନଯୋଧବୀର ନିଜ ସ୍ତ୍ରୀକୁ ମାଡ ମାରୁଥିଲେ ।

ମନ୍ଦିପ ବାପାଙ୍କୁ ପଠାଇଥିଲେ ଶେଷ ଭିଡିଓ :-

ଅଗଷ୍ଟ 1 ତାରିଖରେ ମନ୍ଦିପ କୌର ନିଜ ବାପାଙ୍କୁ ଶେଷ ଭିଡିଓ ପଠାଇଥିଲେ । ଭିଡ଼ିଓରେ କାନ୍ଦି କାନ୍ଦି ମୃତକ ମନ୍ଦିପ କହିଥିଲେ ଯେ ” ମୋ ସ୍ବାମୀ ମତେ ଲଗାତାର ପିଟୁଛି । ତାର ଅନେକ ମହିଳାଙ୍କ ସହ ସମ୍ପର୍କ ଅଛି । ମୋ ବାପା ତା ବିରୋଧରେ ଭାରତରେ କେସ କରିଥିଲେ, କିନ୍ତୁ ସେ ମୋ ସାମ୍ନାରେ ହାତ ଯୋଡ଼ି ନିଜକୁ ବଞ୍ଚାଇବା ପାଇଁ ଗୁହାରୀ କଲା ଏବଂ ମୁଁ ଏପରି ହିଁ କଲି । ପ୍ରଥମେ ମତେ ଲାଗିଲା ଯେ ସେ ଧୀରେ ଧୀରେ ବଦଳି ଯିବ, କିନ୍ତୁ ତାର ଖରାପ କାମ ବଢ଼ିବାରେ ଲାଗିଲା । ମୁଁ ବର୍ତ୍ତମାନ ଏହାକୁ ଆଉ ସହିପାରିବି ନାହିଁ । ମୁଁ ନିଜକୁ ମାରିବାକୁ ଯାଉଛି । ମତେ କ୍ଷମା କରିଦେବ ବାପା ।”

ପରିବାର ଲୋକେ କହିଛନ୍ତି ଯେ 2015 ମସିହାରେ ମନ୍ଦିପ କୌର ଏବଂ ରନଯୋଧବୀର ସିଂହ ବିବାହ କରିଥିଲେ । ବିବାହ ପରେ ଉଭୟଙ୍କର ଦୁଇଟି ଝିଅ ହୋଇଥିଲେ । ବଡ ଝିଅର ନାମ ଆଲିଶା, ଯିଏକି 6 ବର୍ଷର ଅଟେ । ଏହି ସମୟରେ, ସାନ ଝିଅର ନାମ ଅମରିନ, ଯିଏକି ଚାରି ବର୍ଷର ଅଟେ | କୁହାଯାଏ ଯେ ରନଯୋଧବୀର ସିଂହ ସ୍ତ୍ରୀର ପୁଅ ହେଉନଥିବାରୁ ମନ୍ଦିପଙ୍କୁ ପ୍ରତିଦିନ ମାଡ ମାରୁଥିଲେ ।

ମନ୍ଦିପଙ୍କ ପାଇଁ ଉଠିଲା ନ୍ୟାୟ ପାଇଁ ଦାବି :-

ସୋସିଆଲ ମିଡିଆରେ ଆମେରିକାରୁ ନେଇ ଭାରତ ପର୍ଯ୍ୟନ୍ତ ଲୋକମାନେ ମୃତକାଙ୍କ ପାଇଁ ନ୍ୟାୟ ପାଇଁ ଦାବି କରୁଛନ୍ତି । ଦକ୍ଷିଣ ଏସିଆଇ ମହିଳାଙ୍କ ପାଇଁ ନିଜ ଦ୍ଵାରା ଉଠାଇଥିବା ଅନଲାଇନ୍ ପୋର୍ଟାଲ ” ଦି କୌର ମୁଭମେଣ୍ଟ” ସୋସିଆଲ ମିଡିଆରେ ମୃତକାଙ୍କ ଭିଡିଓ ସେୟାର କରି ନ୍ୟାୟ ମାଗିଛନ୍ତି ।