ତେବେ ବନ୍ଧୁଗଣ ଯଦି ଆପଣ ନିକଟରେ ଭ୍ରମଣ କରିବାକୁ କିଛି ଯୋଜନା କରୁଛନ୍ତି ତେବେ ଆପଣଙ୍କ ପାଇଁ ଏକ ବଡ଼ ଅଫର ଅଛି । ଯେଉଁଠାରେ ଆପଣ କେବଳ ମାତ୍ର ୯ ଟଙ୍କା ଖର୍ଚ୍ଚ କରି ବିମାନରେ ଯାତ୍ରା କରିପାରିବେ । କଣ ଅଫର୍ ଶୁଣି ଚମକି ପଡ଼ିଲେ କି? ତେବେ ହଁ ଆଜ୍ଞା ବନ୍ଧୁଗଣ ମାତ୍ର ୯ ଟଙ୍କା ଖର୍ଚ୍ଚ କରି ଆପଣ ବିଦେଶ ଯାଇ ବୁଲି ପାରିବେ । ଆପଣ ଏହା ପଢି ବିଶ୍ୱାସ କରୁନାହାନ୍ତି କି? ତେବେ ଏହି କଥାଟି ଏକଦମ ସତ । ଆଉ ମାତ୍ର ୯ ଟଙ୍କାରେ ଆପଣ ଭାରତରୁ ଭିଏତନାମକୁ ଯାତ୍ରା କରିପାରିବେ ।
ସୂଚନା ଥାଉ କି ଯେ ଆନ୍ତର୍ଜାତୀୟ ବିମାନ କମ୍ପାନି ଭିଏତଜେଟ୍ ୯ ଟଙ୍କାରେ ବିମାନ ଟିକେଟ ଅଫର ଲଞ୍ଚ କରିଛି । ଏଥିପାଇଁ ବୁକିଂ ୪ ଅଗଷ୍ଟରୁ ଆରମ୍ଭ ହୋଇଛି । ଆଉ ଏହି ଅଫର ୨୬ ଅଗଷ୍ଟ ପର୍ଯ୍ୟନ୍ତ ଚାଲିବାକୁ ଥିବାବେଳେ ଯଦି ଆପଣ ଅଗଷ୍ଟ ୪ ରୁ ୨୬ ମଧ୍ୟରେ ବୁଧବାର, ଗୁରୁବାର ଏବଂ ଶୁକ୍ରବାର ଦିନ ଟିକେଟ ବୁକ୍ କରନ୍ତି, ତେବେ ଆପଣ ଏହି ସୁଯୋଗ ପାଇପାରିବେ ଯାହାକି କମ୍ପାନୀର ସର୍ତ୍ତ ଅଛି ।
ତେବେ ଭିଏତଜେଟ ପକ୍ଷରୁ କୁହାଯାଇଛି ଯେ ଭାରତରୁ ଭିଏତନାମ ଯାତ୍ରା କରିବା ପାଇଁ ପ୍ରାୟ ୩୦୦୦୦ ପ୍ରମୋସନାଲ ଟିକେଟ ଲଞ୍ଚ କରିଛି । ମାତ୍ର ୯ ଟଙ୍କାରୁ ଟିକେଟର ମୂଲ୍ୟ ଆରମ୍ଭ ହୋଇଥିବା ବେଳେ ଅଗଷ୍ଟ ୧୫, ୨୦୨୨ ରୁ ମାର୍ଚ୍ଚ ୨୬, ୨୦୨୩ ମଧ୍ୟରେ ଯାତ୍ରା କରିପାରିବେ ।
ଏୟାରଲାଇନ୍ସର କହିବା ଅନୁଯାୟୀ ଅଗଷ୍ଟ ୪ ତାରିଖରୁ ଅଗଷ୍ଟ ୨୬ ପର୍ଯ୍ୟନ୍ତ ପ୍ରତ୍ୟେକ ବୁଧବାର, ଗୁରୁବାର ଏବଂ ଶୁକ୍ରବାର ଦିନ ଟିକେଟ ବୁକିଂ ଉପରେ ଆପଣ ପ୍ରମୋସନାଲ ଟିକେଟ୍ ନିହାତି ଭାବରେ ପାଇ ପାରିବେ । ଭିଏତଜେଟ୍ ଅକ୍ଟୋବର ୧୭ ଏବଂ ୧୮ରୁ ମୁମ୍ବାଇ ଏବଂ ନୂଆଦିଲ୍ଲୀକୁ ଭିଏତନାମର ଡା ନାଙ୍ଗକୁ ସିଧାସଳଖ ବିମାନ ଉଡାଣ କରିବ । ଆଉ ସେହିପରି ନଭେମ୍ବର ୨୮, ୨୯ ତାରିଖ ଏବଂ ଡିସେମ୍ବର ୧ରୁ ଯଥାକ୍ରମେ ବେଙ୍ଗାଲୁରୁ, ହାଇଦ୍ରାବାଦ ଏବଂ ଅହମ୍ମଦାବାଦରୁ ତିନୋଟି ରୁଟ୍ ରେ ଉଡାଣ ଆରମ୍ଭ କରିବ ।