ଆପଣ ଟ୍ରେନରେ ଲୋକଙ୍କ ସହିତ ସେମାନଙ୍କ ପୋଷା କୁକୁର କିମ୍ବା ବିଲେଇକୁ ଯାତ୍ରା କରୁଥିବାର ଦେଖିଥିବେ, କିନ୍ତୁ କଣ ଆପଣ କେବେ କୌଣସି ଷଣ୍ଢକୁ ଟ୍ରେନରେ ଯାତ୍ରା କରୁଥିବାର ଦେଖିଛନ୍ତି କି ? ଆପଣ ଗୁହାଳରେ ଗାଈ, ବଳଦ ଏବଂ ମଇଁଷି ବନ୍ଧା ଯାଇଥିବାର ତ ନିଶ୍ଚୟ ଦେଖିଥିବେ, ଠିକ୍ ସେହିପରି କିଛି ଲୋକ ଟ୍ରେନରେ ଷଣ୍ଢକୁ ଚଢ଼ାଇଲେ ଏବଂ ତାପରେ ତାକୁ ଭିତରେ ହିଁ ବାନ୍ଧିଦେଲେ ।
ଏହି ମାମଲା ବିହାରର ଭାଗଲପୂର୍ ଜିଲ୍ଲାର ଅଟେ । ଟ୍ରେନରେ ଥିବା କିଛି ଲୋକ ଏହାର ଭିଡିଓ କଲେ ଏବଂ ସୋସିଆଲ ମିଡିଆରେ ପୋଷ୍ଟ କରିଦେଲେ । ଯେପରିକି ଆପଣ ଟ୍ରେନ ଭିତରେ ଷଣ୍ଢର ଯାତ୍ରା ଦେଖିପାରିବେ । ବୋଗିରେ ଉପସ୍ଥିତ ଜଣେ ବ୍ୟକ୍ତି କହିଛନ୍ତି ଯେ ମିର୍ଜାଚୌକି ଠାରୁ ସାହିବଗଞ୍ଜ ଯିବା ସମୟରେ ଏହି ମାମଲା ଦେଖାଯାଇଛି । କୁହାଯାଉଛି ଯେ ମିର୍ଜାଚୌକି ରେଲୱେ ଷ୍ଟେସନରେ ଲୋକାଲ ପାସେଞ୍ଜରରେ କିଛି ଅଜଣା ଲୋକ ଷଣ୍ଢକୁ ଟ୍ରେନ ଭିତରେ ହିଁ ବାନ୍ଧିଦେଲେ ।
ଟ୍ରେନ ଭିତରେ କେହି ଜଣେ ବାନ୍ଧିଦେଲା ଷଣ୍ଢ :-
ସୋସିଆଲ ମିଡିଆରେ ଗୋଟିଏ ଭିଡିଓ ଖୁବ୍ ଭାଇରାଲ ହେଉଛି । ଭାଇରାଲ୍ ଭିଡ଼ିଓ ଭାଗଲପୁରର କହଲ ଗାଁ ସ୍ଥିତ ମିର୍ଜାଚୌକି ରେଲୱେ ଷ୍ଟେସନର ବୋଲି କୁହାଯାଉଛି । ଯେଉଁଠାରେ ଅଜଣା ଲୋକଙ୍କ ଦ୍ବାରା ଜିନିଷ ପତ୍ର ବଦଳରେ ଗୋଟିଏ ଷଣ୍ଢକୁ ଆଣି ବାନ୍ଧି ଦିଆଗଲା । ବୋଗିରେ ଷଣ୍ଢକୁ ବନ୍ଧା ଯାଇଥିବାର ଯେତେବେଳେ ଲୋକମାନେ ଦେଖିଲେ, ସେତେବେଳେ ସେହି ବୋଗିକୁ ଲୋକମାନେ ଖାଲି କରିଦେଲେ ଏବଂ ଅନ୍ୟ ବୋଗିକୁ ଚାଲିଗଲେ । ପ୍ରତ୍ୟେକ୍ଷଦର୍ଶିମାନେ ଟ୍ରେନ ଭିତରେ ଥାଇ ଭିଡିଓ କରିବାକୁ ଲାଗିଲେ ଏବଂ ସୋସିଆଲ ମିଡିଆରେ ଭାଇରଲ କରିଦେଲେ । ବୋଗୀରେ ଷଣ୍ଢକୁ ଦେଖି ହଙ୍ଗାମା ସୃଷ୍ଟି ହେଇଗଲା ।
ଶାନ୍ତିର କଥା ଏହା ଯେ ଟ୍ରେନ ପରବର୍ତ୍ତୀ ଷ୍ଟେସନରେ ଅଟକିବା ମାତ୍ରେ ଟ୍ରେନ ଏବଂ ସ୍ଥାନୀୟ ଲୋକେ ମିଶି ଷଣ୍ଢକୁ ବାହାର କରିଥିଲେ । ଯଦି ଷଣ୍ଢ କାହା ଉପରେ ଆକ୍ରମଣ କରି ଦେଇଥାନ୍ତା, ତେବେ ଅନେକଲୋକ ଆହତ ମଧ୍ୟ ହୋଇଥାନ୍ତେ । ଏହି ଘଟଣା ଲୋକାଲ ଟ୍ରେନର ଅଟେ ଏବଂ ବର୍ତ୍ତମାନ ଏହା ସୋସିଆଲ ମିଡ଼ିଆର ଅନେକ ପ୍ଲାଟଫର୍ମରେ ଭାଇରାଲ ହେଉଛି ।