ଏହି କିଛି ମାସ ହେବ ପାଖାପାଖି ବର୍ଷେ କିମ୍ବା ଦେଢ଼ ବର୍ଷ ହୋଇଯିବ ଆମ ଓଲିଉଡ୍ ଜଗତକୁ ନେଇ ଅନେକ ଦୁଃଖଦ ଖବର ଶୁଣିବାକୁ ମିଳୁଛି। କରୋନା ପାଖରୁ ଅନେକ ଲୋକପ୍ରିୟ ଅଭିନେତା, ଅଭିନେତ୍ରୀ, ସିଙ୍ଗର୍ ଆଦି ମାନେ ଅନେକ କାରଣରୁ ମୃତ୍ୟୁବରଣ ବରଣ କରୁଛନ୍ତି ଆଉ ଆମେମାନେ ଆମର ଜଣେ ଜଣେ ପ୍ରତିଷ୍ଠିତ ବ୍ୟକ୍ତି ମାନଙ୍କୁ ହରାଉଛୁ। ଅନେକ କଳାକାର ତଥା ସିଙ୍ଗର୍ ମାନେ ଏପରି ଭାବରେ ମୃତ୍ୟୁବରଣ କରି ଏହି ଦୁନିଆରୁ ଚାଲି ଯାଇଛନ୍ତି ଯେ ଯେଉଁ ସତକୁ କି ଆମେମାନେ ଆଜି ପର୍ଯ୍ୟନ୍ତ ଆପଣେଇ ପାରୁନାହୁଁ।
ଏହି କିଛିଦିନ ତଳେ ଓଲିଉଡ୍ ର ବହୁତ ହି ଲୋକପ୍ରିୟ କଳାକାର ଯିଏକି ଦର୍ଶକ ମାନଙ୍କ ଆଗକୁ ପରଦାରେ ସବୁବେଳେ ଖଳନାୟକ ଚରିତ୍ରରେ ଆସୁଥିଲେ ତାଙ୍କର ହଠାତ୍ ମୃତ୍ୟୁ କୁ ଆଜି ପର୍ଯ୍ୟନ୍ତ ଲୋକମାନେ ବିଶ୍ୱାସ କରି ପାରୁ ନାହାଁନ୍ତି। ରାଇମୋହନ ଆତ୍ମହତ୍ୟା କରି ମରିଥିବା କଥାକୁ କେହି ଅତି ସହଜରେ ଗ୍ରହଣ କରି ପାରୁନଥିଲେ, ଆଉ ତାଙ୍କ ମୃତ୍ୟୁକୁ ମାସେ ନପୂରୁଣୁ ଓଲିଉଡ୍ ଜଗତକୁ ନେଇ ଆଉ ଏକ ଦୁଃଖଦ ଖବର ଶୁଣିବାକୁ ମିଳିଛି।
ଏକାଧିକ ଓଡ଼ିଆ ଧାରାବାହିକରେ ଅଭିନୟ କରି ପ୍ରଶଂସା ସାଉଁଟି ଥିବ ଓଡିଆ ଟେଲି ଅଭିନେତ୍ରୀ ରାଜେଶ୍ୱରୀ ରାୟ ମହାପାତ୍ରଙ୍କର ମୃତ୍ୟୁ ଘଟିଛି। ଗତକାଲି ବିଳମ୍ବିତ ରାତିରେ ଭୁବନେଶ୍ୱରର ଏକ ଘରୋଇ ହସ୍ପିଟାଲ୍ରେ ତାଙ୍କର ଦେହାନ୍ତ ହୋଇଛି। କ୍ୟାନ୍ସର ପୀଡିତ ହୋଇ ଏକ ଘରୋଇ ହସ୍ପିଟାଲ୍ରେ ରାଜେଶ୍ୱରୀ ଚିକିତ୍ସିତ ହେଉଥିଲେ। ଏକାଧିକ ଓଡ଼ିଆ ଧାରାବାହିକରେ ଅଭିନୟ କରି ସେ ପ୍ରଶଂସା ସାଉଁଟିଥିଲେ। ଧାରାବାହିକ ‘ଉଆଁସି କନ୍ୟା’ରେ ଅଳକା ଚରିତ୍ରରେ ରାଜେଶ୍ୱରୀ ଅଭିନୟ କରିଥିଲେ।