ପ୍ରକୃତି ମିଶ୍ରଙ୍କ ପ୍ରଥମ ବଲିଉଡ ଫିଲ୍ମ। ନାନା ପାଠେକରଙ୍କ ସହିତ ଅଭିନୟ କରିବେ ପ୍ରକୃତି। ଜାତୀୟ ପୁରସ୍କାର ପାଇଛନ୍ତି ଅଭିନେତ୍ରୀ ପ୍ରକୃତି ମିଶ୍ର। ସେ ବହୁତ ଶୀଘ୍ର ବଲିଉଡରେ ପାଦ ଦେବାକୁ ଯାଉଛନ୍ତି। ସେ ବଲିଉଡର ପ୍ରସିଦ୍ଧ ଅଭିନେତା ନାନା ପାଠେକରଙ୍କ ସହିତ ପରଦା ସେୟାର କରିବାକୁ ଯାଉଛନ୍ତି।
ଓଲିଉଡ ସୁନ୍ଦରୀ ପ୍ରକୃତି ମିଶ୍ର ବାବୁସାନଙ୍କ ସହିତ ଥୁକୁଲ ଚଳଚ୍ଚିତ୍ରରେ ଡେବ୍ୟୁ କରିଥିଲେ। ତାପରେ ଅନେକ ଚଳଚ୍ଚିତ୍ରରେ ସେ କାମ କରିଛନ୍ତି। ତାପରେ ସେ ଅନେକ କ୍ଷୁଦ୍ର କ୍ଷୁଦ୍ର ଚଳଚ୍ଚିତ୍ର ସହିତ ଅନେକ ମ୍ୟୁଜିକ ଭିଡିଓରେ ମଧ୍ୟ କାମ କରିଛନ୍ତି। ଆଉ ବର୍ତ୍ତମାନ ବଲିଉଡରେ ଡେବ୍ୟୁ କରି ଓଡ଼ିଆ ପାଇଁ ଗର୍ବ ସାଜିଛନ୍ତି ପ୍ରକୃତି। ଏହି ସିନେମାର ଶୀର୍ଷକ ବର୍ତ୍ତମାନ ପର୍ଯ୍ୟନ୍ତ ନିର୍ଦ୍ଧାରିତ ହୋଇନାହିଁ। ଏହି ଡେବ୍ୟୁ ପ୍ରକୃତି ମିଜାଜ ଜାଫ୍ରୀଙ୍କ ବିପକ୍ଷରେ ନଜର ଆସିବେ। ଏଥିରେ ନାନା ପାଠେକର ଏକ ଗୁରୁତ୍ବପୂର୍ଣ୍ଣ ଅଭିନୟ କରୁଥିବାର ଦେଖିବାକୁ ପାଇବେ। ନାନା ପାଠେକରଙ୍କ ସହିତ ପ୍ରକୃତିଙ୍କ ଫୋଟ ଆସିବା ପରେ ତାହା ବର୍ତ୍ତମାନ ସୋସିଆଲ ମିଡିଆରେ ଘୁରିବୁଲୁଛି। ଯାହାକୁ ନେଇ ଚାରିଆଡୁ ଶୁଭେଚ୍ଛା ଓ ଭଲ ପାଇବା ପ୍ରକୃତିଙ୍କ ଉପରେ ବର୍ଷା ହେଉଛି।
୨୦୦୦ ମସିହାରେ ଶିଶୁ କଳାକାର ଭାବରେ ଅଭିନୟ ଜଗତରେ ପାଦ ଦେଇଥିଲେ ପ୍ରକୃତି ମିଶ୍ର। ୨୦୦୬ ମସିହାରେ ଶାଶୁ ଘର ଚାଲିଯିବି ଶ୍ରେଷ୍ଠ ରାଜ୍ୟ ପୁରସ୍କାର ମଧ୍ୟ ପାଇଲେ। ୨୦୧୮ ମସିହାରେ ୬୫ ତମ ଜାତୀୟ ପୁରସ୍କାରର ମାନ୍ୟତା ହ୍ରାସ କରିଲେ। ଦୃଢ଼ ମନୋବଳ ଓ ଅକ୍ଲାନ୍ତ ପରିଶ୍ରମ ଫଳରେ ସେ ଏହି ସଫଳତା ପାଇଛନ୍ତି। ଦୀର୍ଘଦିନର ପରିଶ୍ରମ ପରେ ସେ ବଲିଉଡରେ ଲିଡ ରୂପରେ ସୁଯୋଗ ପାଇଛନ୍ତି।