ଉତ୍ତରପ୍ରଦେଶର ଶାହଜହାନପୂର୍ ଜିଲ୍ଲାରେ ଜଣେ ପ୍ରେମିକ ଯୁବକଙ୍କୁ ବାନ୍ଧି ଖୁବ୍ ନିର୍ଦ୍ଦୟ ଭାବରେ ମାରପିଟ କରାଯିବାର ଭିଡିଓ ସାମ୍ନାକୁ ଆସିଛି । ଭାଇରାଲ୍ ଭିଡ଼ିଓରେ ଯୁବକଙ୍କ ସହିତ ଲୋକମାନେ ତାଲିବାନି ଷ୍ଟାଇଲରେ ମାରପିଟ କରୁଥିବାର ଦେଖାଯାଇଛି । ଏହାବ୍ୟତୀତ ପରିବାର ଲୋକେ ବିବାହିତା ପ୍ରେମିକା ସହିତ ମଧ୍ୟ ମାରପିଟ କରି ଗାଁରେ ବୁଲାଇଲେ । ଏହାର ଭିଡ଼ିଓ ମଧ୍ୟ ସାମ୍ନାକୁ ଆସିଛି । ବର୍ତ୍ତମାନ ଏହି ମାମଲାରେ ପୋଲିସ ଆକ୍ସନ ନେବା ବିଷୟରେ କହିଛି ।
ସୂଚନା ଅନୁଯାୟୀ, ପିଲିଭିତରେ ରହୁଥିବା ଯୁବକ ନିଜର ବିବାହିତା ପ୍ରେମିକା ସହ ଦେଖା କରିବାକୁ ତା ଘରେ ରାତିରେ ପହଞ୍ଚିଗଲା । ଏହା ମଧ୍ୟରେ ପରିବାରର ଲୋକମାନେ ଉଠିପଡିଲେ ଏବଂ ସେମାନଙ୍କୁ ଧରି ଯୁବକଙ୍କ ସହିତ ବହୁତ୍ ପିଟିଲେ । ଏହାସହିତ ତାଲିବାନି ଷ୍ଟାଇଲରେ ତାକୁ ରସି ଦ୍ଵାରା ବାନ୍ଧିଦେଲେ । ଏହି ମାରପିଟ କାରଣରୁ ଯୁବକ ଜଣକ ଗୁରୁତର ଭାବେ ଆହତ ହୋଇଗଲେ ।
ଏହାବ୍ୟତୀତ ପରିବାର ଲୋକମାନେ ବିବାହିତା ପ୍ରେମିକାକୁ ମଧ୍ୟ ଚପଲରେ ପିଟି ପିଟି ଗାଁ ସାରା ବୁଲାଇଲେ । ପ୍ରେମିକ ଏବଂ ପ୍ରେମିକାକୁ ମାରପିଟ କରିବାର ଭିଡିଓ କେହି ଜଣେ ସୋସିଆଲ ମିଡିଆରେ ଭାଇରାଲ୍ କରିଦେଲା । ଏହି ଘଟଣାଟି ଜୁଲାଇ 2 ତାରିଖର ବୋଲି କୁହାଯାଉଛି ।
ବର୍ତ୍ତମାନ ପୋଲିସ ଏହି ମାମଲାରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି କହିଛି । ଏଏସପି ସଞ୍ଜୀବ ବାଜପେୟୀ କହିଛନ୍ତି ଯେ ଏହି ଘଟଣା ଖୁଦାଗଞ୍ଜ ଥାନା ଅଂଚଳର ଗୋଟିଏ ଗାଁର ଅଟେ । ଜଣେ ବ୍ୟକ୍ତି ଜୁଲାଇ 2 ତାରିଖ ରାତିରେ ବିଲସଂଡା ଥାନା ଅଞ୍ଚଳ ପିଲିଭିତ ଠାରେ ପହଞ୍ଚିଥିଲା । ଏହି ମାମଲାରେ ମାମଲା ପଞ୍ଜିକରଣ କରି କାର୍ଯ୍ୟାନୁଷ୍ଠାନ ଗ୍ରହଣ କରାଯାଉଛି ।