ବିବାଦରେ ଫିଲ୍ମ ନିର୍ମାତା ଲୀନା, କାଳୀଙ୍କ ମୁହଁରେ ଧରାଇଲେ ସିଗାରେଟ

ନିକଟରେ ଫିଲ୍ମ ନିର୍ମାତା ଲୀନା ମଣିମେକାଲାଇଙ୍କର ଏକ ଡକ୍ୟୁମେଣ୍ଟାରୀ ପୋଷ୍ଟର ‘କାଲୀ’ ରିଲିଜ ହୋଇଛି। ଏହି ପୋଷ୍ଟରରେ ଆପଣ ଦେଖିପାରିବେକି ହିନ୍ଦୁ ଧର୍ମ ସହିତ ଜଡିତ ଲୋକମାନଙ୍କ ଭାବନାରେ କ୍ଷତିଗ୍ରସ୍ତ ହୋଇଛି। ଏହାକୁ ନେଇ ସୋସିଆଲ ମିଡିଆରେ ଅନେକ ପ୍ରକାର ବିବାଦ ଉପୁଜିଛି। ଏହି ପୋଷ୍ଟରରେ ମା’ କାଳୀଙ୍କୁ ଅପମାନିତ କରାଯାଇଛି।

ପୋଷ୍ଟରରେ ଦେବୀଙ୍କୁ ଏକ ଆପତ୍ତିଜନକ ସ୍ଥିତିରେ ଦେଖାଇଛନ୍ତି। ଯେଉଁଥି ପାଇଁ ସୋସିଆଲ ମିଡିଆ ୟୁଜର୍ସ ଲୀନାଙ୍କୁ ବିଦ୍ରୋହ କରୁଛନ୍ତି। ପୋଲିସ ଏବଂ କେନ୍ଦ୍ର ଗୃହ ମନ୍ତ୍ରଣାଳୟକୁ ଟ୍ୟାଗକୁ ବ୍ୟବହାର କରି ଏହାକୁ ବ୍ୟବହାର କରିଥିବା ବ୍ୟକ୍ତିଙ୍କ ବିରୋଧରେ କାର୍ଯ୍ୟାନୁଷ୍ଠାନ ନେବା ପାଇଁ ଦାବି କରୁଛନ୍ତି, ସେହିପରି ଅନେକ ଲୋକ ଫିଲ୍ମ ନିର୍ମାତାଙ୍କୁ ମଧ୍ୟ ଗିରଫ କରିବା ପାଇଁ ଦାବି କରୁଛନ୍ତି।

ପୋଷ୍ଟରକୁ ନେଇ ତେଜିଲା ବିବାଦ:-

ନିକଟରେ ଫିଲ୍ମ ନିର୍ମାତା ଲୀନା ନିଜର ଟ୍ୱିଟର ଏକାଉଣ୍ଟରେ ତାଙ୍କ ଡକ୍ୟୁମେଣ୍ଟାରୀ ‘କାଳୀ’ର ପୋଷ୍ଟରକୁ ସେୟାର କରିଛନ୍ତି। ଏହି ପୋଷ୍ଟର ମାଧ୍ୟମରେ ସେ ସୂଚନା ଦେଇଛନ୍ତିକି ସେ ବହୁତ ଉତ୍ସାହିତ ଅଛନ୍ତି କାରଣ ତାଙ୍କର ଏହି ଡକ୍ୟୁମେଣ୍ଟାରୀର ପୋଷ୍ଟର୍ ‘କାନାଡା ଚଳଚ୍ଚିତ୍ର ମହୋତ୍ସବ’ (ରିଥମ୍ସ ଅଫ୍ କାନାଡା) ରେ ଲଞ୍ଚ ହୋଇଛି।

ଏହି ପୋଷ୍ଟରରେ ମା’ କାଳୀ ସିଗାରେଟ୍‌ ଟାଣୁଥିବାର ଏକ ଦୃଶ୍ୟ ଅଛି। ଏହା ସହିତ ମା’ଙ୍କ ବେଶଭୁଷାରେ ଗୋଟିଏ ହାତରେ ତ୍ରୀଶୁଳ ଏବଂ ଆଉ ଗୋଟିଏ ହାତରେ LGBTQ ସମ୍ପ୍ରଦାୟର ଗର୍ବର ଏକ ପତାକା ଅଛି। ଏହାକୁ ଦେଖି ସୋସିଆଲ ମିଡିଆ ୟୁଜର୍ସମାନେ ନିଜର କ୍ରୋଧ ଦେଖାଉଛନ୍ତି।

ପିଏମଓ ଓ ଅମିତ ଶାହାଙ୍କ ନିକଟରେ କରିଲେ ଅଭିଯୋଗ:-

ଡକ୍ୟୁମେଣ୍ଟାରୀ ‘କାଲୀ’ର ପୋଷ୍ଟରକୁ ଦେଖି ଟ୍ୱିଟରରେ ୟୁଜର୍ସମାନେ ଲୀନାଙ୍କୁ ଅନେକ ମାତ୍ରାରେ ଟ୍ରୋଲ କରୁଛନ୍ତି। ଜଣେ ୟୁଜର୍ସ ଟ୍ୱିଟରରେ ଟ୍ୱିଟ କରି ଲେଖିଛନ୍ତି, ଦିନକୁ ଦିନ ହିନ୍ଦୁ ଧର୍ମର ଭାବନାରେ କ୍ଷତି ପହଞ୍ଚାଯାଉଅଛି। ବୋଧେ ସେମାନେ ଆମ ଧୈର୍ଯ୍ୟର ପରୀକ୍ଷା କରୁଛନ୍ତି।

କେବଳ ଏତିକି ନୁହେଁ, ଜଣେ ୟୁଜର୍ସ ଅମିତ ଶାହାଙ୍କ ଠାରୁ ନେଇ ପିଏମଓକୁ ଟ୍ୟାଗ କରି ଏହି ପୋଷ୍ଟର ଏବଂ ଚଳଚ୍ଚିତ୍ର ନିର୍ମାତା ଉପରେ ମଧ୍ୟ କାର୍ଯ୍ୟାନୁଷ୍ଠାନ ନେବା ପାଇଁ ଦାବି କରିଛନ୍ତି। କେତେକ ୟୁଜର୍ସ କହିଛନ୍ତିଯେ ଅନ୍ୟ ଧର୍ମର ଭଗବାନମାନଙ୍କୁ ଏହିପରି ଧୂମପାନ ଅବସ୍ଥାରେ ଦେଖାଯାଇ ପାରିବ କି? ସେହିପରି ଆଉ ଜଣେ ୟୁଜର୍ସ ଏହାକୁ ନିନ୍ଦା କରିବା ସହିତ ହିନ୍ଦୁମାନଙ୍କର ଭାବନାକୁ ଆସିଥିବା ଆଘାତକୁ ନେଇ ଅଭିଯୋଗ କରିଛନ୍ତି।

ପୂର୍ବରୁ ମଧ୍ୟ ଅନେକ ଥର ବିବାଦ ହୋଇଛି:-

ତେବେ ଏହି ଘଟଣାଟି ପ୍ରଥମ ଘଟଣା ଥର ହୋଇନାହିଁ, ଯେଉଁଠାରେ ହିନ୍ଦୁ ଦେବତାମାନଙ୍କୁ ଏପରି ଆପତ୍ତିଜନକ ଅବସ୍ଥାରେ ଦର୍ଶାଯାଇଛି। ପୂର୍ବରୁ ମଧ୍ୟ ଅନେକ ଚଳଚ୍ଚିତ୍ରରେ ଏମିତି କିଛି ଦୃଶ୍ୟକୁ ନେଇ ଅନେକ ବିବାଦ ଲାଗି ରହିଛି। ଯେଉଁ ଚଳଚ୍ଚିତ୍ରରେ ଆମୀର ଖାନଙ୍କର ଫିଲ୍ମ ‘ପି.କେ’ ମଧ୍ୟ ଅନ୍ତର୍ଭୁକ୍ତ ଅଛି। ଏହି ଫିଲ୍ମରେ ଭଗବାନ ଶିବଙ୍କୁ ନେଇ ପରିହାସ କରାଯାଇଥିଲା।

ସେହିପରି ଆଗକୁ ରଣବୀର କପୁର ଏବଂ ଆଲିଆ ଭଟ୍ଟଙ୍କର ଆଗାମୀ ଫିଲ୍ମ ‘ବ୍ରହ୍ମାସ୍ତ୍ର’ର ଟ୍ରେଲର ଲଞ୍ଚ ହୋଇଛି। ଏହି ଫିଲ୍ମର ପ୍ରଦର୍ଶିତ ହୋଇଥିବା ଏକ ଦୃଶ୍ୟକୁ ନେଇ ବିବାଦ ଉଠିଥିଲା। ଏହି ଟ୍ରେଲରକୁ ଦେଖି ପ୍ରଶଂସକମାନେ ଅଭିଯୋଗ କରିଥିଲେକି, ଏଥିରେ ଅଭିନେତା ରଣବୀର କପୁରଙ୍କୁ ମନ୍ଦିର ଭିତରେ ଜୋତା ପିନ୍ଧିଥିବାର ଦେଖାଯାଇଛି।