ଘର ଛାଡ଼ି ଚାଲି ଯାଉଥିବା ସାଙ୍ଗମାନଙ୍କ ପଛରେ 5 କିଲୋମିଟର୍ ପର୍ଯ୍ୟନ୍ତ ଦୌଡିଲା କୁକୁର, ଦେଖନ୍ତୁ ଭାବୁକ କରିଦେବା ପରି ଭିଡିଓ

କୁକୁର ଯେ କେତେ ବିଶ୍ଵସ୍ତ ସେ ବିଷୟରେ ସାରା ଦୁନିଆ ଜାଣିଛି । ଏହାମଧ୍ୟରେ ସୋସିଆଲ ମିଡିଆରେ ଗୋଟିଏ ଭିଡିଓ ଖୁବ୍ ଭାଇରାଲ୍ ହେଉଛି, ଯେଉଁଥିରେ ପୁଣିଥରେ ମଣିଷ ପ୍ରତି ଏହି କୁକୁରଙ୍କ ବିଶ୍ୱସ୍ତତା ଏବଂ ବନ୍ଧୁତାର ସାକ୍ଷୀ ପାଲଟିଛି । ବାସ୍ତବରେ ଉତ୍ତରପ୍ରଦେଶ ଆଗ୍ରାର ଗୋଟିଏ ରାସ୍ତାକଡ଼ର କୁକୁରର ଭିଡିଓ ଆଜିକାଲି ସୋସିଆଲ ମିଡିଆରେ ଖୁବ୍ ଭାଇରାଲ୍ ହେଉଛି ।

ଏହି ଭିଡ଼ିଓରେ ଦେଖାଯାଇପାରେ ଯେ ଗୋଟିଏ କୁକୁର ଗୋଟିଏ ବ୍ୟାଟେରୀ ରିକ୍ସା ପଛରେ ପ୍ରାୟ 5 କିଲୋମିଟର୍ ପର୍ଯ୍ୟନ୍ତ ଦୌଡେ । ବର୍ତ୍ତମାନ ଆପଣ ଏହା ଭାବୁଥିବେ ଯେ ପ୍ରକୃତରେ ଏହି କୁକୁର ରିକ୍ସା ପଛରେ କାହିଁକି ଦୌଡୁଛି ? ତେବେ ଆମେ ଆପଣଙ୍କୁ କହିରଖୁଛୁ ଯେ ବ୍ୟାଟେରୀ ରିକ୍ସାରେ ଗୋଟିଏ ପରିବାର ନିଜ ଜିନିଷ ସହିତ ଘର ଛାଡ଼ି ଯାଉଥିଲା, ତେଣୁ କୁକୁର ମଧ୍ୟ ସେମାନଙ୍କ ପଛରେ ଦୌଡିବାକୁ ଲାଗିଲା ।

ପିଲାମାନଙ୍କ ସହ ହୋଇଯାଇଥିଲା ବନ୍ଧୁତାର ସମ୍ପର୍କ :-

ବାସ୍ତବରେ, ଆଗ୍ରା ଜଗଦୀଶପୁରାର ମାରୁତି ରାଜ୍ୟ ଛକ ନିକଟରେ ରହୁଥିବା ଗୋଟିଏ ପରିବାର ଏକ ଭଡା ଘରୁ ଅନ୍ୟ ଏକ ସ୍ଥାନକୁ ଯାଉଥିଲେ ଏବଂ ଏହି ପରିବାର ଗୋଟିଏ ବ୍ୟାଟେରୀ ରିକ୍ସା ଭଡ଼ା କରି ନିଜ ଜିନିଷ ପତ୍ର ଧରି ଅନ୍ୟ ଘରକୁ ଯାଉଥିଲେ । ତେଣୁ ସେହି ଗଳିର ଗୋଟିଏ କୁକୁର ସେମାନଙ୍କ ପଛରେ 5 କିଲୋମିଟର୍ ପର୍ଯ୍ୟନ୍ତ ଦୌଡିଲା ।

ତାର କାରଣ ଏହା ଯେ ଏହି ପରିବାରର ପିଲାମାନେ ନିଜ ଗଳିରେ ରହୁଥିବା ଏହି କୁକୁରକୁ ପ୍ରାୟତଃ ରୋଟି ଖାଇବାକୁ ଦେଉଥିଲେ । ଏହି କାରଣରୁ କୁକୁର ସେମାନଙ୍କ ସହିତ ବହୁତ୍ ମିଶି ଯାଇଥିଲା । ପିଲାମାନେ ମଧ୍ୟ ଏହି ରାସ୍ତାକଡ଼ର କୁକୁର ସହିତ ଖୁବ୍ ଖେଳୁଥିଲେ । ଏହି ଖେଳ ଖେଳରେ କୁକୁର ଏବଂ ପିଲାଙ୍କ ମଧ୍ୟରେ ବନ୍ଧୁତାର ସମ୍ପର୍କ ହୋଇଯାଇଥିଲା ।

ପରିବାର ନେଲା ନୂଆଁ ଘର :-

ତେବେ ପିଲାମାନଙ୍କର ବାପା ଅନ୍ୟ ଗୋଟିଏ ଘର ଭଡା ନେଲେ । ଯେତେବେଳେ ପରିବାର ନିଜର ଲଗେଜ ଧରି ଇ-ରିକ୍ସା ଦ୍ୱାରା ଲୋହମାଣ୍ଡି ଆଡକୁ ଯାଉଥିଲେ, ସେତେବେଳେ ସେହି କୁକୁରଟି ମଧ୍ୟ ପ୍ରାୟ 5 କିଲୋମିଟର ପର୍ଯ୍ୟନ୍ତ ଲଗାତାର ଭାବରେ ରିକ୍ସା ପଛରେ ଦୌଡ଼ୁଥିଲା ଏବଂ ଶେଷ ପର୍ଯ୍ୟନ୍ତ ପରିବାରର ପିଛା ଛାଡି ନଥିଲା । ଶେଷରେ, ସେହି କୁକୁରର ପ୍ରେମ ଜିତିଲା ଏବଂ ପିଲାମାନଙ୍କ ପରିବାର ମଧ୍ୟ ତାକୁ ସେମାନଙ୍କ ସହିତ ରଖିବାକୁ ରାଜି ହେଲେ ।

ଭିଡିଓ ହେଲା ଭାଇରାଲ :-

ଯେତେବେଳେ ରାସ୍ତାରେ ଯାଉଥିବା ରବି ଗୋସ୍ୱାମୀ ଏହି କୁକୁରକୁ ଇ-ରିକ୍ସା ପଛରେ ଦୌଡୁଥିବାର ଦେଖିଲେ, ସେତେବେଳେ ସେ ଏହାର ଗୋଟିଏ ଭିଡିଓ କରିଥିଲେ । ବର୍ତ୍ତମାନ ଏହି ଭିଡିଓ ସୋସିଆଲ ମିଡିଆରେ ଖୁବ୍ ଭାଇରାଲ୍ ହେଉଛି । ଏହି ଭିଡିଓ ପ୍ରସ୍ତୁତ କରିଥିବା ରବି ଗୋସ୍ୱାମୀ ମିଡ଼ିଆ ସହ କଥାବାର୍ତ୍ତା କରି କହିଛନ୍ତି ଯେ ଏହି କୁକୁରଟି ଦୀର୍ଘ ସମୟ ଧରି ଇ-ରିକ୍ସା ପଛରେ ଦୌଡ଼ୁଥିଲା । ଏହା ପରେ ପରିବାର ଲୋକ ରିକ୍ସା ବନ୍ଦ କରି କୁକୁରକୁ ସାଙ୍ଗରେ ନେଇଗଲେ । ପଶୁ ଏବଂ ମଣିଷ ମଧ୍ୟରେ ଥିବା ଏହି ଗଭୀର ସମ୍ପର୍କର ଭିଡିଓ ବର୍ତ୍ତମାନ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଏହି ଦୃଶ୍ୟ ଦେଖିବା ପରେ ସମସ୍ତେ ଭାବପ୍ରବଣ ହେଉଛନ୍ତି ଏବଂ ପଶୁଙ୍କ ପ୍ରେମକୁ ପ୍ରଶଂସା କରୁଛନ୍ତି ।