ମହାରାଷ୍ଟ୍ରର ସାଙ୍ଗଲି ଜିଲ୍ଲାର ଦୁଇ ଭାଇ ଶିକ୍ଷକ ପୋପଟ ବନମୋର୍(54) ଏବଂ ପଶୁ ଚିକିତ୍ସକ ଡାକ୍ତର ମାଣିକ ବନମୋର୍(49)ଙ୍କ ଘରୁ ଲାସ୍ ମିଳିଥିଲା । ଏହି ଲାସରେ ଦୁଇ ଭାଇଙ୍କ ବ୍ୟତୀତ 74 ବର୍ଷୀୟ ତାଙ୍କ ମା, ଦୁଇ ଭାଇଙ୍କ ସ୍ତ୍ରୀମାନେ ଏବଂ 4ଟି ପିଲା ମୃତ ଅବସ୍ଥାରେ ମିଳିଥିଲେ । ଏହାସହିତ ଗୋଟିଏ ସୁସାଇଡ ନୋଟ ମଧ୍ୟ ମିଳିଥିଲା, ଯେଉଁଥିରେ ଋଣ ପାଇଁ ଚିନ୍ତିତ ହୋଇ ଆତ୍ମହତ୍ୟା କରିଥିବା କଥା ଲେଖା ହୋଇଥିଲା । ଆରମ୍ଭରେ ପୋଲିସକୁ ଏହା ଗୋଟିଏ ସାମୁହିକ ଆତ୍ମହତ୍ୟା ମାମଲା ଲାଗିଥିଲା । କିନ୍ତୁ ବର୍ତ୍ତମାନ ଏହି କେସରେ ଗୋଟିଏ ସମ୍ବେଦନଶୀଳ ଖୁଲାସା ହୋଇଛି ।
ଗୁପ୍ତ ଧନ ଖୋଜିବା ବାହାନାରେ ତାନ୍ତ୍ରିକ ଲୁଟି ନେଲା ଏକ କୋଟି ଟଙ୍କା :-
କୋଲାପୂର୍ ରେଞ୍ଜର ଆଇଜି ମନୋଜ କୁମାର ଲୋହିଆଙ୍କ ଅନୁଯାୟୀ ଏହା ସାମୁହିକ ଆତ୍ମହତ୍ୟା ନୁହେଁ, ବରଂ ହତ୍ୟା ମାମଲା ଅଟେ । ଏହି ହତ୍ୟା ତାନ୍ତ୍ରିକ ଅବ୍ବାସ ମହମ୍ମଦ ଅଲି ଏବଂ ତାର ଡ୍ରାଇଭର ଧିରଜ୍ ଚନ୍ଦ୍ରକାନ୍ତ ସୁରବସେ କରିଛନ୍ତି । ଦୁହେଁ ଭାବି ଚିନ୍ତି ଷଡ଼ଯନ୍ତ୍ର କରି ଏହି ହତ୍ୟାକୁ ଆତ୍ମହତ୍ୟା ରୂପ ଦେଲେ । ବାସ୍ତବରେ ତାନ୍ତ୍ରିକ ମ୍ୟାସଲ ଗାଁରେ ରହୁଥିବା ଦୁଇ ଭାଇ ପୋପଟ ବନମୋର୍ ଏବଂ ମାଣିକ ବନମୋରଙ୍କୁ ଗୁପ୍ତ ଧନ ଖୋଜିବାକୁ ଲୋଭ ଦେଖାଇଥିଲା ।
ଏହି ଗୁପ୍ତ ଧନକୁ ହାସଲ କରିବାପାଇଁ ତାନ୍ତ୍ରିକ ସେମାନଙ୍କୁ ଅଲଗା ଅଲଗା ଉପାୟ କହିଥିଲା, ଯାହା ନାମରେ ସେମାନଙ୍କ ଠାରୁ ଏକ କୋଟିରୁ ଅଧିକ ଟଙ୍କା ନେଇଗଲା । ତାନ୍ତ୍ରିକ ପ୍ରଥମେ ତ ଧନ ଖୋଜିବାକୁ ନେଇ ବହୁତ୍ ଡ୍ରାମା କଲା । କିନ୍ତୁ ଯେତେବେଳେ ସେହି ଲୁଚିଥିବା ଧନ ଖୋଜି ପାରିଲା ନାହିଁ, ସେତେବେଳେ ବନମୋର୍ ଭାଇମାନେ ତା ଉପରେ ପଇସା ଫେରାଇବା ପାଇଁ ଚାପ ପକାଇଲେ । ତାନ୍ତ୍ରିକ ଅବ୍ବାସ ମହମ୍ମଦ ଅଲି ପଇସା ଫେରାଇବା ଚକ୍କରରେ ନଥିଲା । ଏପରି ପରିସ୍ଥିତିରେ ସେ ପୁରା ପରିବାରକୁ ହିଁ ହତ୍ୟା କରି ମାରିବାକୁ ପ୍ଲାନ କଲା ।
ବିଷାକ୍ତ ଚା ପିଆଇ 9 ଜଣ ଲୋକଙ୍କୁ ମାରିଦେଲା :-
ତାନ୍ତ୍ରିକ ଅବ୍ବାସ ମହମ୍ମଦ ଅଲି ନିଜ ଡ୍ରାଇଭର ଧିରଜ୍ ଚନ୍ଦ୍ରକାନ୍ତ ସୁରବସେ ସହିତ ଜୁନ 19 ତାରିଖ ରାତିରେ ମ୍ୟାସଲ୍ ଗାଁରେ ଥିବା ବନମୋରେ ଭାଇଙ୍କ ଘରକୁ ଗଲା । ଏଠାରେ ସେ ସେମାନଙ୍କୁ ଗୁପ୍ତ ଧନ ଖୋଜିବା ପାଇଁ ପୁଣି ଥରେ କଥା ଦେଲା । ସେ ନିଜର ତନ୍ତ୍ର ମନ୍ତ୍ର ଆରମ୍ଭ କରିଦେଲା । ତାପରେ ଘରର ସବୁ ଲୋକଙ୍କୁ ଛାତ ଉପରକୁ ପଠାଇ ଦେଲା । ତାପରେ ଜଣ ଜଣ କରି ସମସ୍ତଙ୍କୁ ତଳକୁ ଡାକିଲା ଏବଂ ନିଜେ ତିଆରି କରିଥିବା ମନ୍ତ୍ର ବାଲା ଖାସ ଚା ପିଆଇଲା । ସେହି ଚା ପିଇବା ପରେ ବନମୋରେ ବଂଶର ସମସ୍ତ 9ଜଣ ଲୋକ ଧୀରେ ଧୀରେ ବେହୋସ୍ ହୋଇ ମୃତ୍ୟୁ ମୁହଁକୁ ଚାଲିଗଲେ ।
ଏହାପରେ ସୂଚନା ପାଇ ପୋଲିସ ଆସିଲା ଏବଂ ଘଟଣାସ୍ଥଳରେ ଯାଞ୍ଚ୍ ଆରମ୍ଭ କରିଦେଲା । ଘଟଣାସ୍ଥଳରୁ ପୋଲିସ ଗୋଟିଏ ସୁସାଇଡ ନୋଟ ପାଇଥିଲା, ଯେଉଁଥିରେ 19 ଜଣ ଲୋକଙ୍କ ଠାରୁ ରୁଣ ଆଣିଥିବା ଏବଂ ସେମାନଙ୍କୁ ସେ ପଇସା ସୁଝି ନ ପାରିବାରୁ ଆତ୍ମହତ୍ୟା କରିଛନ୍ତି ବୋଲି ଲେଖା ଯାଇଥିଲା । ତେଣୁ ପୋଲିସ ଏହାକୁ ଆତ୍ମହତ୍ୟା ମାମଲା ଭାବି କେସକୁ ଯାଞ୍ଚ୍ କଲା । କିନ୍ତୁ ପ୍ରକୃତ ମାମଲା ସେତେବେଳେ ସାମ୍ନାକୁ ଆସିଲା, ଯେତେବେଳେ ପୋଲିସକୁ ଆତ୍ମହତ୍ୟା ନୋଟ ଉପରେ ସନ୍ଦେହ ହେଲା ଏବଂ ଏ ବିଷୟରେ ସେ ତାନ୍ତ୍ରିକକୁ ପଚରା ଉଚରା କରିବାକୁ ଲାଗିଲା । ତାପରେ ତାନ୍ତ୍ରିକ ସବୁ କଥା ବାନ୍ତି କରିଦେଲା ଏବଂ ବର୍ତ୍ତମାନ ପୋଲିସ ତାକୁ ଗିରଫ କରି ଧାରା 302 ଅନୁଯାୟୀ ହତ୍ୟା କେସ ରିପୋର୍ଟ୍ କରିଛି । ବର୍ତ୍ତମାନ ଅଭିଯୁକ୍ତକୁ ପଚରାଉଚରା ଜାରି ରହିଛି ।