ଲୋକମାନେ କହନ୍ତି ଯେ ପଢ଼ାପଢ଼ି, ଖେଳକୁଦ,ଓ ଅନ୍ୟାନ୍ୟ କ୍ଷେତ୍ରରେ ଆଗକୁ ବଢିବା ପାଇଁ ପରିବାରର ସାହାଯ୍ୟ ଆବଶ୍ୟକ,କାରଣ ଗରିବ ପରିବାରର ପିଲାମାନେ ଅସୁବିଧା ଓ ଅଭାବ ଯୋଗୁଁ ଏହାର ମୁକାବିଲା କରିପାରନ୍ତି ନାହିଁ|କିନ୍ତୁ ଏହି କଥାକୁ ଜଣେ ଭୁଲ ସାବ୍ୟସ୍ତ କରିଛନ୍ତି|ଏଵେ ଜୟପୁରର ସୁହାନୀ ଅଗ୍ରୱାଲ ଏହା ସାବ୍ୟସ୍ତ କରିଛନ୍ତି ଯେ ଗରିବ ଓ କଠିନାଇକୁ ତପରେ ପରିଣତ କରି ସଂକଳ୍ପ ନେଇ ଏହା ପୂର୍ଣ୍ଣ ହେବ|
ଅଶିକ୍ଷିତ ଅଟୋ ଚାଳକ, ଅଶିକ୍ଷିତ ମା ର ସନ୍ତାନ ସୁହାନୀ ୧୫ ବର୍ଷୀୟା ସୁହାନୀ ଅଗ୍ରୱାଲ ରାଜସ୍ଥାନର ଦଶମ ପରୀକ୍ଷାରେ ନା କେବଳ ଟପ କରିଛନ୍ତି,ଏହା ସହ ଅନ୍ୟ ମାନଙ୍କ ପାଇଁ ପ୍ରେରଣା ବନିଛନ୍ତି|ଏଥିରେ ସେ ୯୬% ନମ୍ବର ରଖି ସ୍କୁଲର ନାଁ ଗୈାରବ ଆଣିଛନ୍ତି|
ତାଙ୍କ ବାପା କଠିନ ପରିଶ୍ରମ କରି ଝିଅକୁ ସ୍କୁଲ ପଠେଇଥିଲେ ଫଳରେ ଝିଅ ଏହାକୁ ହୃଦୟଙ୍ଗମ କରି ଏହାର ମର୍ଯ୍ୟାଦା ରଖିଛନ୍ତି|କରୋନା ସମୟରେ ଯେତେବେଳେ ଅଟୋ ବନ୍ଦ ହୋଇଯାଇଥିଲା ସେତେବେଳେ ପରିବାର କଠିନ ପରିସ୍ଥିତିରେ ଥିଲେ|ଏହି ସମୟରେ ତାଙ୍କ ମା ଅନ୍ୟ ଘରର କପଡା ଧୋଇ ପରିବାର ଚଳାଇଥିଲେ|
କରୋନା ସମୟରେ ପରିବାର କଠିନ ପରିସ୍ଥିତିର ସାମ୍ନା କରିବା ସତ୍ତ୍ୱେ ହାର ମାନି ନଥିଲେ|ଏହି ସମୟରେ ସେ ପଢ଼ାପଢ଼ି ସହ ମାଙ୍କୁ କାମରେ ସାହାଯ୍ୟ କରୁଥିଲେ|ସେ ସମୟରେ ମୋବାଇଲର ଉପଯୋଗ କରି ଅନଲାଇନ ପଢ଼ାପଢ଼ି କରୁଥିଲେ|
ସେ ଜୟପୁରର ସି ସ୍କିମ ସ୍ଥିତ କାଶୀବାଇ ଛଗନଲାଲ ଢବେରୀ ସ୍କୁଲରେ ପଢନ୍ତି|ସ୍କୁଲର ପ୍ରିନ୍ସିପାଲ ଦେବେନ୍ଦ୍ର କୁମାର ବାଜା ତାଙ୍କ ପ୍ରଦର୍ଶନରେ ପ୍ରଭାବିତ|ସେ କହିଛନ୍ତି ସୁହାନୀ ପଢାଇରେ ଭଲ ଯୋଗୁଁ ପ୍ରଥମରୁ ତାଙ୍କ ଫି ଛାଡ ହୋଇଥିଲା|ସେ ଦୈନିକ ୬ ଘଣ୍ଟା ପଢୁଥିଲେ|ଏହାପରେ ସେ କମର୍ସ ପଢି ସିଏ ବନିବାକୁ ଲକ୍ଷ୍ୟ ରଖିଛନ୍ତି|