ମହାରାଷ୍ଟ୍ରର ଭିଭଣ୍ଡିରୁ ଗୋଟିଏ ହତ୍ୟାର ମାମଲା ସାମ୍ନାକୁ ଆସିଛି । ଯେଉଁଠାରେ ଜଣେ ବ୍ୟକ୍ତି ନିଜ ସ୍ତ୍ରୀକୁ ହତ୍ୟା କରିଦେଲା । ଏହି ଘଟଣା ପରେ ହତ୍ୟା କରିଥିବା ଅଭିଯୁକ୍ତ ସ୍ବାମୀ ଥାନାରେ ପହଞ୍ଚିଲା ଏବଂ ନିଜକୁ ପୋଲିସ ଠାରେ ସରେଣ୍ଡର କରିଦେଲା । ଥାନାରେ ପହଞ୍ଚି ଅଭିଯୁକ୍ତ ପୋଲିସକୁ କହିଲା ଯେ ସେ ସ୍ତ୍ରୀର ବେକ କାଟିକି ଆସିଛି । ତାର ଲାସ ଘରେ ପଡ଼ିଛି । ତୁରନ୍ତ ଅଭିଯୁକ୍ତଙ୍କୁ ପୋଲିସ ଗିରଫ କରିନେଲା । ଘଟଣାସ୍ଥଳରେ ପହଞ୍ଚି ପୋଲିସ ଶବକୁ ନିଜ କବଜାକୁ ନେଇଗଲା ଏବଂ ପୋଷ୍ଟମର୍ଟମ ପାଇଁ ପଠାଇ ଦେଇ ମାମଲାର ଯାଞ୍ଚ୍ ଆରମ୍ଭ କରିଦେଲା ।
ୟୁପିର ସିଦ୍ଧାର୍ଥପୁର ଜିଲ୍ଲାର ବାସିନ୍ଦା ମହମ୍ମଦ ମୁସ୍ତାକ ଭିଭଣ୍ଡିର କାଲହେର ଅଞ୍ଚଳରେ ସ୍ତ୍ରୀ ଏବଂ ପାଞ୍ଚଜଣ ପିଲାଙ୍କ ସହିତ ରହୁଥିଲା । ତାଙ୍କ ବିବାହ 15 ବର୍ଷ ପୂର୍ବରୁ ଆବିଦା ଖାଟୁନ ନାମକ ମହିଳାଙ୍କ ସହିତ ହୋଇଥିଲା । ଅଭିଯୁକ୍ତ ପୋଲିସକୁ କହିଛନ୍ତି ଯେ ତାଙ୍କ ସ୍ତ୍ରୀ ଅନ୍ୟ ବ୍ୟକ୍ତି ସହିତ ଅବୈଧ ସମ୍ପର୍କ ରଖିଥିଲା । ସେ ନିଜ ସ୍ତ୍ରୀକୁ ତାର ପ୍ରେମିକ ସହିତ ଆପତ୍ତିଜନକ ଅବସ୍ଥାରେ ଧରି ନେଇଥିଲା । ଯାହାର ରୁମରେ ପଡ଼ିଥିବା ତାର ସାହାଯ୍ୟରେ ସେ ନିଜ ସ୍ତ୍ରୀର ବେକ ଚିପି ହତ୍ୟା କରିଦେଲା ।
ସ୍ତ୍ରୀକୁ ହତ୍ୟା କରିବାପରେ ଅଭିଯୁକ୍ତ ସିଧା ନରପୋଲି ପୋଲିସ ଷ୍ଟେସନରେ ପହଞ୍ଚିଲା ଏବଂ ପୋଲିସ ସାମ୍ନାରେ ପୁରା କାହାଣୀ କହି ସରେଣ୍ଡର କରିଦେଲା । ଅଭିଯୁକ୍ତଙ୍କର ମୋଟ 5 ଟି ପିଲା ଅଛନ୍ତି । ଯେଉଁଥିରେ ତିନିଜଣ ପୁଅ ଏବଂ ଦୁଇଜଣ ଝିଅ ଅଛନ୍ତି । ଏହି ଘଟଣା ପରଠାରୁ ଅଞ୍ଚଳରେ ସମ୍ବେଦନଶୀଳ ଖେଳିଯାଇଛି ।
ପୋଲିସ କହିଛି ଯେ ସ୍ତ୍ରୀର ହତ୍ୟା ପରେ ଅଭିଯୁକ୍ତ ଥାନାରେ ସରେଣ୍ଡର କରିଦେଲା । ଅଭିଯୁକ୍ତଂକୁ ଗିରଫ କରି ପରବର୍ତ୍ତୀ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉଛି । ପୋଷ୍ଟମର୍ଟମ ପରେ ପରିବାର ଲୋକଙ୍କୁ ମହିଳାଙ୍କ ଶବ ହସ୍ତାନ୍ତର କରାଯିବ ।