ଏମିତି କୁହାଯାଏକି ମଜବୁତ ଇଚ୍ଛା ଶକ୍ତି ଓ କଡା ପରିଶ୍ରମ ଦମରେ ମଣିଷ ନିଜ ଜୀବନରେ ସଫଳତା ହାସିଲ କରିପାରେ। ଏହି କଥାକୁ ସତ ପ୍ରମାଣ କରିଦେଖାଇଛନ୍ତି ରାଜସ୍ଥାନର ଅଲବରର ରବୀନା। ସେ ଏକ ପ୍ରତିଭାର ଉଦାହରଣ ଅଟନ୍ତି। ରବୀନା ବିନା ସଂଶାଧନରେ ଗରିବୀ ମଧ୍ୟରେ ବଞ୍ଚି ଦ୍ଵାଦଶ ବୋର୍ଡ ଆର୍ଟସରେ ୯୩ ପ୍ରତିଶତ ମାର୍କ ଆଣି ସାରା ଦେଶରେ ନିଜର ପରିବାରର ନାମକୁ ଗର୍ବାନିତ କରିଛନ୍ତି। ତାଙ୍କ ପାଇଁ ଏସବୁ ସହଜ ନଥିଲା। ଏଥିପାଇଁ ତାଙ୍କୁ ଅନେକ କଷ୍ଟ କରିବାକୁ ପଡିଲା।
ରବୀନାଙ୍କର ଏହି ସଫଳତା ବହୁତ ଖାସ ଅଟେ କାରଣ ଏହାକୁ ପାଇବା ପାଇଁ ତାଙ୍କୁ ନିଜ ଜୀବନରେ ଅନେକ କଷ୍ଟର ସାମ୍ନା କରିବାକୁ ପଡ଼ିଥିଲା। ୧୨ ବର୍ଷ ପୂର୍ବେ ତାଙ୍କର ପିତାଙ୍କର ମୃତ୍ୟୁ ହୋଇଯାଇଥିଲା। ସେ ଦିନସାରା ଛେଳି ଚରାଇବା ପରେ ଏହି ସଫଳତାକୁ ହାସିଲ କରିପାରିଛନ୍ତି। ସଂଶାଧନ କଥା କହିଲେ ତାଙ୍କ ଘରେ ବିଜୁଳୀ ମଧ୍ୟ ନଥିଲା।
ଏମିତିରେ ସେ ମୋବାଇଲର ଟର୍ଚ୍ଚକୁ ବ୍ୟବହାର କରି ପଢୁଥିଲେ। କଡା ପରିଶ୍ରମ କରିବା ପରେ ତାଙ୍କୁ ଏହି ସଫଳତା ମିଳିଛି ଓ ସେ ଏହା ପ୍ରମାଣ କରି ଦେଖାଇଲେ। ତେବେ ଆସନ୍ତୁ ତାଙ୍କର ଏହି ପରିଶ୍ରମର କାହାଣୀ ବିଷୟରେ ଜାଣିବା।
ଆପଣଙ୍କୁ ଜଣାଇଦେଉଛୁକି ୧୭ ବର୍ଷୀୟ ରବୀନା ଗୁର୍ଜର ଜିଲ୍ଳାର ନାରାୟଣପୁର ଅଞ୍ଚଳ ସ୍ଥିତ ମାମୋଡ ଗାଆଁରେ ରୁହନ୍ତି। ରବୀନା ଗାଆଁ ସ୍କୁଲରେ ଦ୍ଵାଦଶ ପଢ଼ିଛନ୍ତି। ୧୨ ବର୍ଷ ପୂର୍ବେ ସାପ ଚୋଟରେ ପିତା ରମେଶଙ୍କର ମୃତ୍ୟ ହୋଇଯାଇଥିଲା। ସେ ନିଜର ୪ଟି ପିଲା ଓ ସ୍ତ୍ରୀଙ୍କୁ ଛାଡି ଚାଲିଗଲେ। ସମ୍ପୂର୍ଣ ପରିବାର ଗାଆଁରେ ଥିବା ଏକ ଚାଳଘରେ ରହୁଥିଲେ। ରବୀନାଙ୍କ ମାଆ ହାର୍ଟ ରୋଗୀ ଅଟନ୍ତି। ହାର୍ଟର ଦୁଇଟି ବଲବ ଖରାପ ହେବା କାରଣରୁ ତାଙ୍କର ଅପରେସନ ହୋଇସାରିଛି।
ପରିବାରରେ ଆର୍ଥିକ ସ୍ଥିତି ବହୁତ ଖରାପ ଅଟେ। ସମସ୍ତେ ଏକ ଚାଳ ଘରେ ରୁହନ୍ତି। ରବୀନା ନିଜର ରୋଗୀ ମାଆଙ୍କ ସହିତ ନିଜର ଭାଇ-ଭଉଣୀଙ୍କର ମଧ୍ୟ ଧ୍ୟାନ ରଖନ୍ତି। ସେ ସରକାରୀ ସ୍କୁଲରେ ପଢନ୍ତି। ତାଙ୍କର ବଡ ଭଉଣୀଙ୍କର ବିବାହ ହୋଇସାରିଛି। ପରିବାରର ଆର୍ଥିକ ସ୍ଥିତି ଖରାପ ଯୋଗୁଁ ତାଙ୍କ ପାଖରେ ଏତେ ମାତ୍ରାରେ ପଇସା ନାହିଁ, ଯାହାଫଳରେ ସେ ବିଜୁଳୀର ବ୍ୟବସ୍ଥା କରିପାରିବେ। ଏହି କାରଣରୁ ତାଙ୍କ ଘରେ ବିଜୁଳୀ ନାହିଁ।
ସକାଳେ ଉଠିବା ପରେ ରବୀନା ଘରର ସମସ୍ତ କାର୍ଯ୍ୟ କରନ୍ତି। ଖାଦ୍ୟ ତିଆରି କରିବା ପରେ ସେ ଛେଳି ଚରାଇବାକୁ ଯାଆନ୍ତି। ସନ୍ଧ୍ୟାରେ ସେଠାରୁ ଫେରିବା ପରେ ସେ ପୁଣି ଘରର ସମସ୍ତ କାମ କରନ୍ତି। ଏହା ପରେ ରାତିରେ ମୋବାଇଲ ଟର୍ଚ୍ଚର ଆଲୋକରେ ବସି ସେ ପ୍ରାୟ ୩ ଘଣ୍ଟା ଅଧ୍ୟୟନ କରନ୍ତି। ରବୀନାଙ୍କ ପରିବାରର ଅବସ୍ଥା ଏପରି ଯେ ଘରର ଖର୍ଚ୍ଚ କେବଳ ପାଲାନହର ଯୋଜନାରୁ ମିଳୁଥିବା ୨୦୦୦ ଟଙ୍କାରେ ବହନ ହୁଏ। ସେ ଅଧ୍ୟୟନ କରିବା ପାଇଁ ମୋବାଇଲ ନୋବେଲ ବିଜେତା କୈଳାଶ ସତ୍ୟାର୍ଥୀଙ୍କ ସମର୍ଥନ ପାଇଥିଲେ, ସେ ମୋବାଇଲ ଟର୍ଚ୍ଚର ଆଲୋକରେ ଅଧ୍ୟୟନ କରିଥିଲେ ଏବଂ ୯୩ ପ୍ରତିଶତ ମାର୍କ ହାସଲ କରି ନାରାୟଣପୁର ଉପଖଣ୍ଡରେ ଶୀର୍ଷରେ ରହିଛନ୍ତି।
ଆଜି ସମ୍ପୂର୍ଣ ଗାଆଁ ରବୀନାଙ୍କ ସଫଳତା ଉପରେ ତାଙ୍କୁ ସମ୍ବର୍ଦ୍ଧନା ଦେଉଛନ୍ତି। ବିପରୀତ ପରିସ୍ଥିତିରେ ପଢ଼ି ଟପ କରିଥିବା ରବୀନା ଗାଆଁରେ ବର୍ତ୍ତମାନ ଚର୍ଚ୍ଚାରେ ଅଛନ୍ତି। ପ୍ରତ୍ୟେକ ପିଲାଙ୍କୁ ତାଙ୍କ ଠାରୁ ଶିଖିବା ପାଇଁ କହୁଛନ୍ତି। ରବୀନାଙ୍କ ୯୦ ବର୍ଷୀୟ ଦାଦିଙ୍କର କହିବା କଥାକି ତାଙ୍କର ନାତୁଣୀ ରବୀନାଙ୍କ ପାଇଁ ବହୁତ ଖୁସି ଅଛନ୍ତି ଓ ତାଙ୍କୁ ସେ ଆଶୀର୍ବାଦ ମଧ୍ୟ ଦେଉଛନ୍ତି। ରବୀନା ପୋଲିସର ଭର୍ତ୍ତି ହୋଇ ଲୋକଙ୍କର ସେବା କରିବାକୁ ଚାହାନ୍ତି। ଗାଆଁର ରାଜକୀୟ ଉଚ୍ଚ ମାଧ୍ୟମିକ ବିଦ୍ୟାଳୟରେ ପଢୁଥିବା ରବୀନାଙ୍କୁ ତାଙ୍କର ସ୍କୁଲର ଶିକ୍ଷକ ଏହି ବିଷୟରେ ଜଣାଇ ତାଙ୍କୁ ଅଭିନନ୍ଦନ ଜଣାଇଲେ।