ମାତ୍ର 20 ଦିନ ପୂର୍ବରୁ ଲଭ ମ୍ୟାରେଜ କରିଥିବା ଜଣେ ଯୁବକଙ୍କର ଆତ୍ମହତ୍ୟା କରିବାର ଗୋଟିଏ ମାମଲା ସାରା ସହରକୁ ଆଶ୍ଚର୍ଯ୍ୟ କରିଦେଇଛି । ଇଟାବାର ଉସରାହାର ଅଞ୍ଚଳରେ ହୋଇଥିବା ଏହି ଘଟଣା ପରେ ପୋଲିସ ମଧ୍ୟ ଆଶ୍ଚର୍ଯ୍ୟ ଯେ ପ୍ରକୃତରେ ଏପରି କଣ୍ ହେଲା, ଯେଉଁଥିପାଇଁ ଯୁବକ ଆତ୍ମହତ୍ୟା କରିଦେଲେ । ବର୍ତ୍ତମାନ ମାମଲାର ଯାଞ୍ଚ କରାଯାଉଛି । ସୂଚନା ଅନୁଯାୟୀ, ଆତ୍ମହତ୍ୟା କରିବା ପୂର୍ବରୁ ଯୁବକଙ୍କର ସ୍ତ୍ରୀ ସହିତ କୌଣସି କଥାକୁ ନେଇ ଝଗଡ଼ା ହୋଇଥିଲା । ପୋଲିସ ବର୍ତ୍ତମାନ ଯୁବକଙ୍କର ଶବକୁ କବଜାକୁ ନେଇ ପୋଷ୍ଟମର୍ଟମ ପାଇଁ ପଠାଇ ଦେଇଛି । ସେହିପରି ସ୍ଥାନୀୟ ପୋଲିସ ମାମଲା ରୁଜ୍ଜୁ କରି ଯାଞ୍ଚ୍ ଆରମ୍ଭ କରିଦେଇଛି ।
ପରିବାର ବିରୋଧରେ କରିଥିଲେ ବିବାହ :-
ସୂଚନା ଅନୁଯାୟୀ ଉଦୟପୁର କଲା ନିବାସୀ ବିକ୍ରମ ସିଂହ ଯାଦବ 20 ଦିନ ପୂର୍ବରୁ ପରିବାର ବିରୋଧରେ ଯାଇ ନିଜେ ପସନ୍ଦ କରୁଥିବା ଯୁବତୀଙ୍କ ସହିତ ଲଭ୍ ମ୍ୟାରେଜ କରିଥିଲେ । ବିକ୍ରମଙ୍କ ବିବାହ ମେ 12 ତାରିଖରେ ମଥୁରାରେ ହୋଇଥିଲା । ତାଙ୍କ ସ୍ତ୍ରୀର ବଡ ଭଉଣୀର ବିବାହ ବିକ୍ରମଙ୍କ ଭାଇ ସହିତ ହୋଇଛି । ବିକ୍ରମଙ୍କ ବାପା ଶିବରାମ ସିଂହ କହିଛନ୍ତି ଯେ ମଙ୍ଗଳବାର ରାତିରେ ସ୍ବାମୀ ସ୍ତ୍ରୀଙ୍କ ମଧ୍ୟରେ କୌଣସି କଥାକୁ ନେଇ ଝଗଡ଼ା ହେଲା ଏବଂ ଏହାପରେ ବିକ୍ରମ ଖାଇସାରି ନିଜ ରୁମକୁ ଶୋଇବାପାଇଁ ଚାଲିଗଲା । ଏହାପରେ ସକାଳେ ତାର ଶବ ରୁମରେ ଝୁଲୁଥିବା ଅବସ୍ଥାରେ ମିଳିଲା । ଏହାପରେ ପୋଲିସକୁ ସୂଚନା ଦିଆଗଲା ।
ପୋଲିସ ଘଟଣାସ୍ଥଳରେ ପହଞ୍ଚି ବିକ୍ରମଙ୍କ ଶବକୁ ଫାଶରୁ ତଳକୁ ଓହ୍ଲାଇ ଦିଆଗଲା ଏବଂ ତାପରେ ପୋଷ୍ଟମର୍ଟମ ପାଇଁ ପଠାଇ ଦେଲା । ତେବେ ବର୍ତ୍ତମାନ ସୁଦ୍ଧା ଏହି କଥା ସ୍ପଷ୍ଟ ହୋଇପାରୁ ନାହିଁ ଯେ ବିକ୍ରମ୍ ଆତ୍ମହତ୍ୟା ଭଳି ପଦକ୍ଷେପ କାହିଁକି ନେଲେ । ସେହିପରି ପରିବାର ଲୋକଙ୍କୁ ମଧ୍ୟ ଏ ସମ୍ପର୍କରେ କିଛି ବି ଜଣା ନାହିଁ । ପୋଲିସ ବର୍ତ୍ତମାନ ସବୁକିଛି ଦୃଷ୍ଟିରେ ରଖି ଯାଞ୍ଚ କରୁଛି ।
ପୋଲିସ ବିକ୍ରମଙ୍କ ସମ୍ପର୍କୀୟଙ୍କ ସହିତ ତାଙ୍କ ଫୋନ୍ ଡିଟେଲ ମଧ୍ୟ ଦେଖୁଛି । ଏହା ଜାଣିବାକୁ ଚେଷ୍ଟା କରାଯାଉଛି ଯେ ପାରିବାରିକ ଝଗଡା କାରଣରୁ ବିକ୍ରମ ନିଜର ଜୀବନ ଦେଇଦେଲେ କିମ୍ବା ଏହା ପଛରେ ଆଉ କିଛି କାରଣ ଅଛି । ସେହିପରି ମାମଲାରେ ବର୍ତ୍ତମାନ ସୁଦ୍ଧା ପରିବାର ଲୋକେ କାହା ବିରୋଧରେ କୌଣସି ପ୍ରକାରର ମାମଲା ରୁଜ୍ଜୁ କରିନାହାନ୍ତି । ପୋଲିସ ଏହି ମାମଲାରେ ପଡ଼ୋଶୀମାନଙ୍କୁ ଏବଂ ବିକ୍ରମଙ୍କ ସାଙ୍ଗସାଥୀମାନଙ୍କୁ ମଧ୍ୟ ପଚରାଉଚରା କରୁଛି ।