ଚାରି ହାତ ଏବଂ ଚାରି ଗୋଡ଼ ଥିବା ଛୋଟ ଝିଅର ଚିକିତ୍ସା ପାଇଁ ସାମ୍ନାକୁ ଆସିଲେ ସୋନୁ ସୁଦ, କହିଲେ – ଟେନ୍ସନ ନିଅନ୍ତୁ ନାହିଁ, ଚିକିତ୍ସା ଆରମ୍ଭ…

ବଲିଉଡର ପ୍ରସିଦ୍ଧ ଅଭିନେତା ସୋନୁ ସୁଦ ତାଙ୍କ ଫିଲ୍ମ ଅପେକ୍ଷା ତାଙ୍କର ଉତ୍ତମ କାର୍ଯ୍ୟ ଯୋଗୁଁ ଚର୍ଚ୍ଚାରେ ରହିଛନ୍ତି । କରୋନା ମହାମାରୀ ସମୟରେ ସୋନୁ ସୁଦ ଗରିବ ଏବଂ ଅସହାୟ ଲୋକଙ୍କୁ ବହୁତ ସାହାଯ୍ୟ କରିଥିଲେ ଏବଂ ଆଜି ମଧ୍ୟ ସେ ଲଗାତାର ଭାବରେ ସମସ୍ତଙ୍କୁ ସାହାଯ୍ୟ କରୁଥିବାର ଦେଖାଯାଉଛନ୍ତି । ଯଦି କୌଣସି ଅଭାବୀ ବ୍ୟକ୍ତି ସୋନୁ ସୁଦଙ୍କ ସାହାଯ୍ୟ ମାଗନ୍ତି, ସେତେବେଳେ ଅଭିନେତା ଯଥାଶୀଘ୍ର ସେହି ବ୍ୟକ୍ତିଙ୍କ ନିକଟରେ ଯେତେ ସମ୍ଭବ ସାହାଯ୍ୟ ପହଞ୍ଚାଇବା ପାଇଁ ଚେଷ୍ଟା କରନ୍ତି ।

କରୋନା ସମୟରେ ଗରିବଙ୍କର ଦେବଦୂତ ପାଲଟିଥିବା ବଲିଉଡ ଅଭିନେତା ସୋନୁ ସୁଦଙ୍କ ଉଦାରତା ପୁଣି ଥରେ ସାମ୍ନାକୁ ଆସିଛି, ଯାହା ସମସ୍ତଙ୍କ ହୃଦୟ ଜିତିଛି । ବାସ୍ତବରେ, ବିହାରର ନୱାଡା ସହରର ଅଢେଇ ବର୍ଷର ଝିଅକୁ ସାହାଯ୍ୟ କରିବାକୁ ସୋନୁ ସୁଦ ଆଗେଇ ଆସିଛନ୍ତି ।

ଆପଣଙ୍କୁ କହିରଖୁଛୁ ଯେ ଏହି ଝିଅଟିର ଜନ୍ମରୁ ଚାରିଟି ହାତ ଏବଂ ଚାରିଟି ଗୋଡ ଅଛି । ଏହି ଝିଅର ବାପାମାଆ ଆର୍ଥିକ ଦୃଷ୍ଟିରୁ ବହୁତ ଦୁର୍ବଳ, ଯେଉଁଥିପାଇଁ ସେମାନଙ୍କ ଝିଅର ଚିକିତ୍ସା ପାଇଁ ପର୍ଯ୍ୟାପ୍ତ ଅର୍ଥ ତାଙ୍କ ପାଖରେ ନାହିଁ । ଏଭଳି ପରିସ୍ଥିତିରେ ସୋନୁ ସୁଦଙ୍କ ସାହାଯ୍ୟ ମିଳିବାକୁ ଯାଉଛି । ଅଭିନେତା ଏହି ଛୋଟ ଝିଅର ଚିକିତ୍ସା ମଧ୍ୟ ଆରମ୍ଭ କରିଦେଇଛନ୍ତି ।

ଝିଅର ଚିକିତ୍ସା ପାଇଁ ଦ୍ବାର ଦ୍ୱାର ବୁଲୁଛନ୍ତି ବାପାମାଆ :-

କୁହାଯାଉଛି ଯେ ନୱାଡା ଜିଲ୍ଲାର ବାସିନ୍ଦା ବସନ୍ତ ପାସୱାନଙ୍କ ଝିଅର ନାମ ହେଉଛି ଚୌମୁଖି, ଯାହାର ବୟସ ଅଢେଇ ବର୍ଷ ଅଟେ । ଏହି ନିରୀହ ଝିଅଟିର ଜନ୍ମରୁ ଚାରିଟି ହାତ ଏବଂ ଚାରିଟି ଗୋଡ ଅଛି । ବାପାମାଆଙ୍କ ଆର୍ଥିକ ଅବସ୍ଥା ଖରାପ, ଯେଉଁଥିପାଇଁ ସେମାନେ ନିଜ ଝିଅର ଭଲ ଡାକ୍ତରଖାନାରେ ଚିକିତ୍ସା କରିପାରୁ ନାହାନ୍ତି ।

ବାପାମାଆ ନିଜ ଝିଅର ଚିକିତ୍ସା ପାଇଁ ଘର ଘର ବୁଲି ସାହାଯ୍ୟ ମାଗୁଥିଲେ, କିନ୍ତୁ ସେମାନଙ୍କୁ ସାହାଯ୍ୟ କରିବାକୁ କେହି ଆଗକୁ ଆସିନଥିଲେ । ତାଙ୍କ ଝିଅର ଚିକିତ୍ସାକୁ ନେଇ ବାପା ଅତ୍ୟନ୍ତ ଚିନ୍ତିତ ଥିଲେ, ଠିକ୍ ସେତିକିବେଳେ ସୋନୁ ସୁଦଙ୍କ ସାହାଯ୍ୟ ପୀଡିତାଙ୍କ ପରିବାରରେ ପହଞ୍ଚିଗଲା । ବର୍ତ୍ତମାନ ସୋନୁ ସୁଦଙ୍କ ପଦକ୍ଷେପ ପରେ ସମସ୍ତେ ତାଙ୍କୁ ସାହାଯ୍ୟ କରିବାକୁ ଆଗକୁ ଆସୁଛନ୍ତି ।

ଆପଣଙ୍କୁ କହିରଖୁଛୁ ଯେ ଏହି ଛୋଟ ନିରୀହ ଝିଅଟି ଚାରି ଗୋଡ ଏବଂ ଚାରି ହାତରେ ନିଜର ଜୀବନ ବିତାଉଛି । ବର୍ତ୍ତମାନ ଲୋକମାନେ ତାକୁ ଦେଖିବାକୁ ଏକାଠି ହେଉଛନ୍ତି । ଗୋଟିଏ ସମୟ ଥିଲା ଯେତେବେଳେ ଗାଁର ଅନ୍ୟ ପିଲାମାନେ ଏହି ଛୋଟ ଝିଅକୁ ଦେଖିଲେ ଡରୁଥିଲେ । ନିରୀହ ଝିଅଟି ନିଜେ କାହା ସହିତ ଖେଳି ପାରୁ ନଥିଲା କିମ୍ବା କାହା ସହିତ କଥାବାର୍ତ୍ତା କରିପାରୁ ନଥିଲା । ଝିଅଟିର ବାପା ପରିବାର ଚଳାଇବା ପାଇଁ ଶ୍ରମିକ ଭାବରେ କାମ କରନ୍ତି । ତାଙ୍କ ଝିଅକୁ ଗୋଟିଏ ବଡ ଡାକ୍ତରଖାନାରେ ଚିକିତ୍ସା କରିବା ପାଇଁ ତାଙ୍କ ପାଖରେ ପର୍ଯ୍ୟାପ୍ତ ଅର୍ଥ ନାହିଁ । କିନ୍ତୁ ବର୍ତ୍ତମାନ ସୋନୁ ସୁଦଙ୍କ ସାହାଯ୍ୟ ମିଳିଛି ।

ସୋନୁ ସୁଦ ପୁଣି ପାଲଟିଲେ ଦେବ ଦୂତ :-

ଝିଅଟିକୁ ସାହାଯ୍ୟ କରିବା ପାଇଁ ସୋନୁ ସୁଦ ଆଗେଇ ଆସିଛନ୍ତି । ଡାକ୍ତରଙ୍କ ଚିକିତ୍ସା ବେଳେ ସୋନୁ ସୁଦ ଏକ ଫଟୋ ମଧ୍ୟ ସେୟାର କରିଛନ୍ତି । ଅଭିନେତା ଟ୍ୱିଟ୍ କରି ଲେଖିଛନ୍ତି ଯେ, “ଟେନସନ ନିଅ ନାହିଁ, ଚିକିତ୍ସା ଆରମ୍ଭ କରାଇ ଦେଇଛି । କେବଳ ପ୍ରାର୍ଥନା କର ।” ସୋନୁ ସୁଦଙ୍କ ଟ୍ୱିଟ ସୋସିଆଲ ମିଡିଆରେ ଖୁବ ଭାଇରାଲ ହେଉଛି ଏବଂ ଅଭିନେତାଙ୍କୁ ସବୁ ଲୋକ ପ୍ରଶଂସା କରୁଛନ୍ତି ।