ମେ 25 ତାରିଖରେ ମହରୌଲି ଥାନାରେ ଜଣେ ଯୁବକ ନିଜ ମା ଏବଂ ଭଉଣୀ ସହିତ ପହଞ୍ଚିଲା । ସେ ଅଭିଯୋଗ କଲା ଯେ ତାର ସାନ ଭଉଣୀର କିଡନାପ ହୋଇଯାଇଛି । ପୀଡିତ ପରିବାର କହିଛନ୍ତି ଯେ ଯିଏ କିଡନାପ କରିଛି ସେ ତାଙ୍କ ଭଉଣୀ ଫୋନରୁ ହିଁ ହ୍ଵାଟସଆପ କଲ୍ କରୁଛି ଏବଂ ପଇସା ମାଗୁଛି । ଅପହରଣକାରୀ ଗୋଟିଏ ଫଟୋ ମଧ୍ୟ ପଠାଇଛି, ଯେଉଁଥିରେ ଝିଅର ହାତ ବନ୍ଧା ଯାଇଛି ଏବଂ ପାଟିକୁ କପଡ଼ାରେ ବାନ୍ଧି ଦିଆଯାଇଥିଲା । ଅଭିଯୋଗ ପରେ ଦିଲ୍ଲୀ ପୋଲିସ ତୁରନ୍ତ ଆକ୍ଟିଭ ହୋଇଗଲା ଏବଂ ଜଡିତ ଧାରା ଅନୁଯାୟୀ ମାମଲା ରୁଜ୍ଜୁ କରି ଯାଞ୍ଚ୍ କରିବାରେ ଲାଗିପଡ଼ିଛି ।
ପୋଲିସ କଲା ଯାଞ୍ଚ :-
କେସକୁ ଯାଞ୍ଚ କରିବାପାଇଁ ମହରୌଲି ଥାନାର ଏସଏଚଓ ପିଶି ଯାଦବ ସର୍ବପ୍ରଥମେ ପୀଡ଼ିତ ପରିବାରଙ୍କ ଘରେ ପହଞ୍ଚିଲେ । ଏଠାକୁ ଆସି ପୋଲିସ ଜାଣିବାକୁ ଚାହିଁଲା ଯେ ଯୁବତୀ ଘରୁ କେତେଟା ସମୟରେ ବାହାରିଥିଲେ ? ଆଖପାଖ ସିସିଟିଭି ଫୁଟେଜ ଯାଞ୍ଚ କରିବାପରେ ଜଣାପଡ଼ିଲା ଯେ ମେ 24 ତାରିଖ ସନ୍ଧ୍ୟା 4ଟା 15 ରେ ଯୁବତୀ ନିଜ ଘରୁ ବାହାରିଥିଲେ । ଏହାପରେ ପୋଲିସ ଆଖପାଖ ଅନେକ ସିସିଟିଭି ଫୁଟେଜ ଚେକ୍ କଲା, କିନ୍ତୁ ଆଉ କୌଣସି ସୁରାଗ ହାତରେ ଲାଗୁନାହିଁ ।
ଫୋନର ଲୋକେସନ୍ ମିଳିଲା ଆଗ୍ରାରେ :-
ଅପହରଣକାରୀ ମୋବାଇଲ ତ ବନ୍ଦ କରି ଦେଇଥିଲା, କିନ୍ତୁ ପୋଲିସ ହ୍ଵାଟସଆପ କଲ୍ ମାଧ୍ୟମରେ ଲଗାତାର ପଇସା ମାଗୁଥିଲା । ପୋଲିସ ଅଧିକ ଯାଞ୍ଚ କରିବାରୁ ଜଣାପଡ଼ିଲା ଯେ ଫୋନର ଲୋକେସନ୍ ଆଗ୍ରାରେ ଦେଖାଇଲା । 24 ଏବଂ 25 ତାରିଖ ରାତି 1 ଟାରେ ପୋଲିସକୁ ଆଗ୍ରା ଲୋକେସନ୍ ମିଳିବା ପରେ ତୁରନ୍ତ ଆଗ୍ରା ବାହାରିଲା । ପୋଲିସ ଆଗ୍ରାର ସେହି ଲୋକେସନରେ ପହଞ୍ଚିଲା, ଯେଉଁଠାରୁ ସେହି କଲର ଲୋକେସନ୍ ଆସୁଥିଲା ।
ଦିଲ୍ଲୀ ପୋଲିସ ସେହି ଅଞ୍ଚଳର ପ୍ରାୟ 50 ଟି ହୋଟେଲକୁ ଖୋଜାଖୋଜି କରିଥିଲା, ଯେଉଁ ସମୟରେ 24 ତାରିଖ ରାତିରେ ସେହି ଝିଅ ଗୋଟିଏ ହୋଟେଲରେ ଚେକ୍ ଇନ କରିଥିବାର ଜଣାପଡ଼ିଲା । ପୋଲିସ ଯେତେବେଳେ ହୋଟେଲର ରିସେପ୍ସନ ର ସିସିଟିଭି ଫୁଟେଜ ଚେକ୍ କଲା, ସେତେବେଳେ ପୋଲିସ ଦେଖିଲା ଯେ ଯୁବତୀ ଏକୁଟିଆ ସେଠାରେ ପହଂଚିଥିଲେ । ଏହାପରେ ପୋଲିସ ହୋଟେଲ ରୁମରେ ପହଞ୍ଚି ପୋଲିସ ଯୁବତୀଙ୍କୁ ହେପାଜତକୁ ନେଇ ପଚରାଉଚରା କଲା ।
ପଚରାଉଚରା ସମୟରେ ଯୁବତୀ କହିଲେ ଯେ ତାଙ୍କର ନିଜ ଇଚ୍ଛା ପୂରଣ କରିବାପାଇଁ ବହୁତ୍ ପଇସା ଦରକାର୍ ଥିଲା । ଅନେକ ଲୋକଙ୍କ ଠାରୁ ସେ ଋଣ ମଧ୍ୟ ନେଇଥିଲେ, ଯାହା ସୁଝିବାର ଥିଲା । ତେଣୁ ସେ ନିଜର ଅପହରଣର ମିଛ କାହାଣୀ ତିଆରି କଲେ । ନିଜେ ଆଗ୍ରାରେ ପହଞ୍ଚିଲେ ଏବଂ ଘରଲୋକଙ୍କୁ ନିଜ ଫଟୋ ପଠାଇଲେ । କେବଳ ଏତିକି ନୁହେଁ, ଭଏସ କଲିଙ୍ଗ ଆପ ମାଧ୍ୟମରେ ନିଜ ସ୍ୱର ବଦଳାଇ ସେ ଘର ଲୋକଙ୍କ ସହିତ ନିଜେ କଥା ହୋଇଥିଲେ । ଏହାପରେ ପୋଲିସ ସେହି ଯୁବତୀଙ୍କୁ ନେଇ ଦିଲ୍ଲୀ ପହଞ୍ଚିଲା ଏବଂ ଜବରଦସ୍ତି କିଡନାପ କେସ କରି ଯୁବତୀଙ୍କୁ ଗିରଫ କଲା ।