ରେଡଲାଇଟ ଏରିୟାରେ କିଡନାପ କରି ନିଆଯାଇଥିବା ନବମ ଶ୍ରେଣୀର ଛାତ୍ରୀ ଛାତରୁ ଡେଇଁ ଏହି କବଳରୁ ବାହାରକୁ ପଳାଉଥିଲେ, କିନ୍ତୁ ଦଲାଲ ମାନେ ଏ ବିଷୟରେ ଜାଣିଦେଲେ ଏବଂ ସେମାନେ ବାଇକ୍ ମାଧ୍ୟମରେ ତାଙ୍କୁ ପିଛା କରି ଧରିନେଲେ । ତାପରେ କଣ ହେଲା ଚାଲନ୍ତୁ ଆଗକୁ ଜାଣିବା ।
ଘଟଣାଟି ବିହାରର ବେଗସୁରାୟର ଅଟେ । ଏଠିକାର ବଖରିର ନଦେଇଲ ଘାଟ ରେଡଲାଇଟ ଏରିୟା କାରଣରୁ ବଦନାମ ରହିଛି । ରୋହତାସର ଜଣେ ନାବାଳିକା ଝିଅକୁ ବିକ୍ରି କରିବାପାଇଁ ଏଠାକୁ ଅଣାଯାଇଥିଲା । ଯୁବତୀ ପଳାଇ ଯାଇ ଯେକୌଣସି ପ୍ରକାରରେ ଗ୍ରାମବାସୀଙ୍କ ସାହାଯ୍ୟରେ ପୋଲିସ ପର୍ଯ୍ୟନ୍ତ ପହଞ୍ଚିଗଲା । ଏହି ମାମଲାରେ ଯାଞ୍ଚ କରିବାପାଇଁ ରବିବାର ଦିନ ଡିଏସପି ଚନ୍ଦନ କୁମାର ବଦନାମ ରେଡଲାଇଟ ଏରିୟାରେ ଚଢ଼ାଉ କଲେ । କୁହାଯାଉଛି ଯେ ଚଢ଼ାଉ ସମୟରେ ଗୋଟିଏ ଘରୁ ଆପତ୍ତିଜନକ ଜିନିଷ ମିଳିଛି ।
ଦୁଇ ମାସ ପୁର୍ବରୁ ହୋଇଥିଲେ କିଡନାପ :-
ରେଡଲାଇଟ ଏରିୟାରୁ ପଳାଇ ପୋଲିସ ହାତକୁ ଆସିଥିବା ଝିଅ କହିବା ଅନୁଯାୟୀ ସେ ନବମ ଶ୍ରେଣୀର ଛାତ୍ରୀ ଅଟେ । ଯାହାକୁ ପ୍ରାୟ ଦୁଇମାସ ପୂର୍ବରୁ ସ୍କୁଲରୁ ଯିବା ସମୟରେ ଏକୁଟିଆ ପାଇ କିଡନାପ କରାଯାଇଥିଲା । ମଣିଷ ଦେହର ସୌଦାଗର ତାଙ୍କୁ କିଶନଗଞ୍ଜରେ ରଖିଥିଲେ । ପାଞ୍ଚଦିନ ପୂର୍ବରୁ ସେଠାକାର ଦଲାଲ ତାଙ୍କୁ ବଖରି ପଠାଇ ଦେଇଥିଲେ ଏବଂ ବର୍ତ୍ତମାନ ତାଙ୍କୁ ସୀତାମଢି ପଠାଇବା ପାଇଁ ପ୍ରସ୍ତୁତି ଚାଲିଥିଲା ।
ଛାତ ଉପରୁ ଡେଇଁଲେ ଛାତ୍ରୀ :-
ଶନିବାର ଦିନ ସକାଳେ ସେ ଘରର ସବୁ ଲୋକଙ୍କୁ ଶୋଇଥିବା ଦେଖି ଛାତରୁ ଡେଇଁ ପଳାଇ ଯିବାରେ ସଫଳ ହେଲେ । ରାସ୍ତାରେ ସେହି ବଦମାସ ମାନେ ମୋଟରସାଇକେଲ ଦ୍ଵାରା ତାଙ୍କୁ ପିଛା କଲେ ଏବଂ ଧରି ନେଇଥିଲେ । କିନ୍ତୁ ସ୍ଥାନୀୟ ଲୋକଙ୍କ ସାହାଯ୍ୟରେ ତାଙ୍କୁ ବଦମାସ ମାନଙ୍କ ଠାରୁ ରକ୍ଷା କରାଗଲା ଏବଂ ପୋଲିସକୁ ସୂଚନା ଦେଇ ଥାନାକୁ ଅଣାଗଲା ।
ଏହି ମାମଲାରେ ଏସଡିପିଓ କହିଛନ୍ତି ଯେ ଝିଅକୁ ଯେଉଁଠାରେ ରଖାଯାଇଥିଲା, ସେ ସେହି ଘର ଏବଂ ବ୍ୟକ୍ତିଙ୍କୁ ଚିହ୍ନଟ କରିଛନ୍ତି । ଘରର ମାଲିକ ହେଉଛନ୍ତି ସଞ୍ଜୟ ଖଳିଫା । ସଞ୍ଜୟ ଚଢ଼ାଉ ସମୟରେ ନିଜ ଘରୁ ପଳାଇ ଯିବାରେ ସଫଳ ହେଲା । ଝିଅର ବାପାମାଆଙ୍କୁ ସୂଚନା ଦେଇ ଡକାଯାଇଛି । ମାମଲାର ପଞ୍ଜିକରଣ କରାଇ ମାନବ ଚୋରାଚାଲାଣ ବିରୋଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯିବ । ଆପଣଙ୍କୁ କହିରଖୁଛୁ ଯେ ଆରମ୍ଭରେ ଝିଅଟି ଘରକୁ ଯିବାକୁ ଏହା କହି ମନା କରି ଦେଇଥିଲା ଯେ ତାଙ୍କ ଘର ଲୋକେ ତାଙ୍କୁ ସ୍ବୀକାର କରିବେନାହିଁ ।