Granny Skipping Video : ସାଧାରଣତଃ 60-65 ବର୍ଷ ବୟସ ପାର ହେବାପରେ ଲୋକମାନେ ଡେଇଁବା କିମ୍ବା ଦୌଡ଼ିବା ତ ଦୂରର କଥା, ଅଧିକ ଦୂର ପର୍ଯ୍ୟନ୍ତ ଚାଲିଲେ ହିଁ ଥକି ଯାଆନ୍ତି । ବର୍ତ୍ତମାନ ସୋସିଆଲ ମିଡିଆରେ ଗୋଟିଏ ଭିଡିଓ ଭାଇରାଲ ହେଉଛି, ଯେଉଁଥିରେ ବୃଦ୍ଧ ମହିଳା ରସି ଡେଉଁଥିବାର ଦେଖାଯାଉଛି । ଜେଜେମା ଯେତେ ଆରାମରେ ରସି ଡେଉଁଛନ୍ତି, ତାକୁ ଦେଖି ଆପଣ ଆଶ୍ଚର୍ଯ୍ୟ ହୋଇଯିବେ । କାରଣ ତାଙ୍କ ବୟସ 80 ବର୍ଷରୁ ଅଧିକ ହୋଇଥିବା ଦେଖାଯାଉଛି ।
ସୋସିଆଲ ମିଡିଆରେ ଭାଇରାଲ ହେଉଥିବା ଜେଜେମାଙ୍କୁ ରସି ଡେଉଁଥିବାର ଦେଖି ଲୋକମାନେ ବିଶ୍ୱାସ ମଧ୍ୟ କରିପାରୁ ନାହାନ୍ତି ଯେ କୌଣସି ବ୍ୟକ୍ତି ଏ ବୟସରେ ମଧ୍ୟ ଫିଟନେସ ଦେଖାଇ ପାରନ୍ତି । ଲୋକମାନେ ନିଜର ରସି ଡେଇଁବା ସମୟରେ 20-30 ସ୍କିପିଙ୍ଗରେ ହିଁ ଥକି ଯାଉଥିବାର ଦେଖିଥିବେ, କିନ୍ତୁ ଜେଜେମା ଜୀବନର ଶେଷ ପର୍ଯ୍ୟାୟରେ ମଧ୍ୟ ହସି ହସି ରସି ଡେଇଁ ଦେଖାଉଛନ୍ତି । ଆପଣ ମଧ୍ୟ ଏହି କ୍ୟୁଟ ଭିଡ଼ିଓ ନିଶ୍ଚିତ ଭାବରେ ଦେଖନ୍ତୁ ।
ଜେଜେମାଙ୍କ ଫିଟନେସ ଉପରେ ଫିଦା ହେଲେ ଲୋକମାନେ :-
ଭାଇରାଲ ହେଉଥିବା ଭିଡ଼ିଓରେ ଆପଣ ଦେଖିପାରିବେ ଯେ ଜଣେ ଜେଜେମା ନିଜ ଘର ଅଗଣାରେ ଠିଆ ହୋଇଛନ୍ତି । ତାଙ୍କ ହାତରେ ଡେଇଁବା ପାଇଁ ରସି ଅଛି । ସେ ହସି ହସି ଏହାକୁ ନିଜ ହାତରେ ନେଇ ସେହି ପିଲାଦିନର ଖେଳ ଆରମ୍ଭ କରନ୍ତି । ପ୍ରଥମେ ତ ସେ ରସିକୁ ଭଲ ଭାବେ ଡେଇଁ ପାରନ୍ତି ନାହିଁ, କିନ୍ତୁ ତଥାପି ସେ ହାର ମାନନ୍ତି ନାହିଁ ଏବଂ ରସି ଡେଇଁବା ଆରମ୍ଭ କରି ଦିଅନ୍ତି । ଏ ବୟସରେ ଥାଇ ମଧ୍ୟ ତାଙ୍କର ନିରିହତା ଏବଂ ଉତ୍ସାହକୁ ଦେଖି ଲୋକମାନେ ତାଙ୍କ ଉପରେ ବହୁତ୍ ଭଲପାଇବା ଦେଉଛନ୍ତି ।
ଦେଖନ୍ତୁ ଭିଡିଓ :-
ଲୋକଙ୍କୁ ଭଲ ଲାଗୁଛି ଭିଡିଓ :-
ଭିଡିଓକୁ ଇନ୍ଷ୍ଟାଗ୍ରାମରେ hepgul5 ନାମକ ଆକାଉଣ୍ଟରୁ ସେୟାର କରାଯାଇଛି । ଭିଡିଓ କେଉଁ ସ୍ଥାନର ଅଟେ ତ ଜଣାପଡି ନାହିଁ, କିନ୍ତୁ ଜେଜେମାଙ୍କ କ୍ୟୁଟ୍ ଡ୍ରେସ୍ ଏବଂ ତାଙ୍କ ନିରୀହତା ସମସ୍ତଙ୍କୁ ଖୁବ୍ ଭଲ ଲାଗୁଛି । ଦିନେ ପୂର୍ବରୁ ସେୟାର କରାଯାଇଥିବା ଏହି ଭିଡିଓକୁ ବର୍ତ୍ତମାନ ସୁଦ୍ଧା ପ୍ରାୟ 21 ହଜାର ଲୋକ ଲାଇକ କରିଛନ୍ତି ଏବଂ ଲାଇକ ବଢ଼ିବାରେ ଲାଗିଛି । 700 ରୁ ଅଧିକ ଲୋକ ଏହା ଉପରେ ନିଜ ନିଜର ପ୍ରତିକ୍ରିୟା ଦେଇଛନ୍ତି । ଅଧିକାଂଶ ଲୋକ ହାର୍ଟ ଇମୋଜି ଦ୍ଵାରା ରିଆକ୍ଟ କରିଛନ୍ତି ଏବଂ ଜେଜେମାଙ୍କ ଫିଟନେସକୁ ପ୍ରଶଂସା କରିଛନ୍ତି ।