ଝିଅ ବିଦା ହେବାପରେ ପହଞ୍ଚିଲା ଶାଶୁଘରେ, ଶ୍ବଶୁର ଘରେ ପଶିବାକୁ ଦେଲେ ନାହିଁ, ତାପରେ ଯାହା ହେଲା ତାହା କେହି ଭାବି ମଧ୍ୟ ନଥିଲେ

ରାତିରେ ବିବାହର ସବୁ ରୀତିନୀତି ହୋଇଗଲା । ସକାଳେ ବର ନିଜ ନୂଆଁ ବୋହୂ ସହିତ ଘରେ ପହଞ୍ଚିଲା । କିନ୍ତୁ ଶାଶୁଘର ଲୋକେ ବର ଓ ବୋହୂଙ୍କ ପାଇଁ ଘରର କବାଟ ଖୋଲି ନଥିଲେ । ଅନେକ ଘଣ୍ଟା ବିତିଗଲା | ବର ଏବଂ କନ୍ୟା ଗରମ ଉତ୍ତାପରେ ଘର ବାହାରେ ଠିଆ ହୋଇଥିଲେ । ପଡୋଶୀ ଏବଂ ସମ୍ପର୍କୀୟମାନଙ୍କୁ ମଧ୍ୟ ଦୟା ଲାଗିଲା, କିନ୍ତୁ ଘରଲୋକଙ୍କ ହୃଦୟରେ ଟିକେ ବି ଦୟା ନଥିଲା । ଯିଏ ବି ଏହି ଦୃଶ୍ୟ ଦେଖିଲା, ସେ ଏହି ଚିନ୍ତାରେ ପଡ଼ିଗଲା ଯେ ପ୍ରକୃତରେ ଏମିତି କଣ ହେଲା, ଯେଉଁଥିପାଇଁ ଶାଶୂଘର ଲୋକ ନୂଆଁ ବୋହୂକୁ ଘରେ ଏଣ୍ଟ୍ରି କରିବାକୁ ଦେଲେନାହିଁ ।

ଘର ବାହାରେ ଘଣ୍ଟା ଘଣ୍ଟା ଧରି ଠିଆ ହୋଇଥିଲେ ବର ଏବଂ କନ୍ୟା :-

ବାସ୍ତବରେ ଏହି ପୁରା ମାମଲା ଉତ୍ତରପ୍ରଦେଶର ରାୟବରେଲିର କୋଟୱାଲି ପୋଲିସ୍ ଷ୍ଟେସନ ଅଞ୍ଚଳର ଗଲା ମଣ୍ଡିର ଅଟେ । ଏଠାରେ ବିରେନ୍ଦ୍ର ସୋନକର କୃଷ୍ଣନଗର ଅଞ୍ଚଳକୁ ଶନିବାର (ମେ 14 ତାରିଖରେ) ବରଯାତ୍ରୀ ନେଇ ଯାଇଥିଲେ । ବିବାହ ରାତିରେ କିଛି କଥାକୁ ନେଇ ଉଭୟ ପକ୍ଷ ମଧ୍ୟରେ ବିବାଦ ଲାଗି ରହିଥିଲା । ଏପରି ପରିସ୍ଥିତିରେ ବରର ଭାଇ, ବାପା ଏବଂ ଭଉଣୀ ସେହି ଦିନ ରାତିରେ ଘରକୁ ଫେରିଥିଲେ । କିନ୍ତୁ ବର ଫେରି ନଥିଲା ଏବଂ ସେ କନ୍ୟା ସହିତ ବିବାହ କରିଥିଲା । ପୁରା ବିବାହ ରୀତିନୀତି ସମ୍ପନ୍ନ ହେଲା । ତା’ପରେ ପରଦିନ ବିଦାୟ ନେବା ପରେ ବର ନିଜ ନୂଆଁ ବୋହୂକୁ ଘରକୁ ନେଇଗଲା ।

ଏଠାରେ ବରର ପରିବାର ଲୋକେ ବୋହୂକୁ ଘରକୁ ଆଣିବାକୁ ଦେଇନଥିଲେ । ବାସ୍ତବରେ, ବିବାହ ରାତିରେ ବରର ବାପା ପୁଅକୁ କହି ଦେଇଥିଲେ ଯେ ବୋହୂକୁ ଆମ ଘରକୁ ଆଣିବୁ ନାହିଁ । କିନ୍ତୁ ବର ଏ କଥା ମାନି ନଥିଲା, ସେ ସକାଳେ ନୁଆଁବୋହୁକୁ ଘରକୁ ଆଣିଥିଲା । ଏଭଳି ପରିସ୍ଥିତିରେ କ୍ରୋଧିତ ବାପା ଘରର କବାଟ ମଧ୍ୟ ଖୋଲି ନଥିଲେ । ବାଧ୍ୟତାମୂଳକ ଭାବରେ, ନୂଆଁବୋହୁକୁ ପ୍ରବଳ ଗରମରେ ଘଣ୍ଟା ଘଣ୍ଟା ବିତାଇବାକୁ ପଡିଲା । ଏହାପରେ ବରର ଖୁଡିଙ୍କ ହୃଦୟ ତରଳି ଗଲା ଏବଂ ସେ ତାଙ୍କ ଘରେ ବର ଏବଂ ବୋହୂକୁ ଆଶ୍ରୟ ଦେଇଥିଲେ ।

ଯୌତୁକ କାରଣରୁ ଦେଖାଦେଇଥିଲା ବିବାଦ :-

ଏହି ମାମଲାରେ ବର୍ତ୍ତମାନ ସୁଦ୍ଧା ବରର ପରିବାର ସଦସ୍ୟ ନିଜର ପକ୍ଷ ରଖି ନାହାଁନ୍ତି । ତେବେ ବର ଏବଂ କନ୍ୟା ଅଭିଯୋଗ କରିଛନ୍ତି ଯେ ଯୌତୁକ କଥାକୁ ନେଇ ପରିବାର ସଦସ୍ୟ ରାଗିଛନ୍ତି । ସେମାନେ ଗୋଟିଏ ଅପାଚେ ଗାଡ଼ି ଏବଂ ଯୌତୁକ ପାଇଁ ନଗଦ ପଚାଶ ହଜାର ଟଙ୍କା ଚାହୁଁଥିଲେ । ଏହା ନ ମିଳିବାରୁ ସେମାନେ ବିବାହ ରାତିରେ କ୍ରୋଧିତ ହୋଇ ଘରକୁ ଯାଇଥିଲେ । ତେଣୁ ପରଦିନ ମଧ୍ୟ ସେମାନେ ପୁଅ ବୋହୂକୁ ଘର ଭିତରକୁ ଯିବାକୁ ଦେଇନଥିଲେ ।

ଏଠାରେ ବର ବୀରେନ୍ଦ୍ରଙ୍କୁ ପ୍ରଶଂସା କରାଯିବା ଉଚିତ । ସେ ତାଙ୍କ ପରିବାର ବଦଳରେ ଠିକକୁ ସମର୍ଥନ କରିଥିଲେ । ସେ ଯୌତୁକ ନେବା ସପକ୍ଷରେ ନଥିଲେ । ଏହି କଠିନ ପରିସ୍ଥିତିରେ ମଧ୍ୟ ସେ କନ୍ୟାର ପାର୍ଶ୍ୱ ଛାଡି ନଥିଲେ । ଯେତେବେଳେ କି ଏପରି ପରିସ୍ଥିତିରେ ବର ପରିବାରର କଥାରେ ଆସିଥାଏ ଏବଂ ବିବାହରେ ଯୌତୁକ ପାଇଁ ଦାବୀ କରେ କିମ୍ବା ବିବାହ ଭାଙ୍ଗେ । କିନ୍ତୁ ବିରେନ୍ଦ୍ର ଏହାର ବିପରୀତ ଦେଖାଯାଇଛନ୍ତି । ବର୍ତ୍ତମାନ ବିରେନ୍ଦ୍ର ଆଶା କରୁଛନ୍ତି ଯେ ତାଙ୍କ ପରିବାର ସଦସ୍ୟ ଶୀଘ୍ର ତାଙ୍କ ସ୍ତ୍ରୀକୁ ଗ୍ରହଣ କରିବେ ଏବଂ ସେମାନଙ୍କ ରାଗ ଶାନ୍ତ ହୋଇଯିବ ।