ଭାରତ ଓ ଶ୍ରୀଲଙ୍କା ମଧ୍ୟରେ ଏକ ଜମି ପାଇଁ ବିବାଦ ରହିଛି ଓ ଏହାକୁ ଭାରତ ଶ୍ରୀଲଙ୍କାକୁ ମାଗିବାରେ ଲାଗିଛି। ଜମିର ଏହି ଭାଗକୁ ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧୀ ନିଜ ସମୟରେ ଶ୍ରୀଲଙ୍କାକୁ ଗିଫ୍ଟ ଦେଇଥିଲେ। ଏହାକୁ କଚାତିବୁ ଦ୍ବୀପ କୁହାଯାଏ ଓ ଏହି ଦ୍ବୀପ କାରଣରୁ ଶ୍ରୀଲଙ୍କା ନାଭି ଭାରତୀୟ ମତ୍ସ୍ୟଜୀବୀଙ୍କୁ ଗିରଫ କରିବାରେ ଲାଗିଛି।
1974 ମସିହାରେ ଶ୍ରୀଲଙ୍କାକୁ ଗିଫ୍ଟ ଦେଇଥିଲେ ଇନ୍ଦିରା ଗାନ୍ଧୀ:-
ଶ୍ରୀଲଙ୍କା ଓ ରାମେଶ୍ବରମ ମଧ୍ୟରେ ଥିବା ଏହି ଦ୍ବୀପକୁ ଶ୍ରୀଲଙ୍କାର ତାମିଲିଆନ ଓ ତାମିଲନାଡ଼ୁର ମତ୍ସ୍ୟଜୀବୀ ଏହାକୁ ବ୍ୟବହାର କରନ୍ତି। ଭାରତ 1974 ମସିହାରେ ଏକ ଶସର୍ତ୍ତ ବୁଝାମଣା ସହିତ ଶ୍ରୀଲଙ୍କାକୁ ଏହି ଦ୍ବୀପ ଦେଇଥିଲା। 1974 ମସିହାରେ ଭାରତର ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧୀ ଶ୍ରୀଲଙ୍କାର ରାଷ୍ଟ୍ରପତି ଶ୍ରୀମାଭୋ ଭଣ୍ଡାରନାୟକେଙ୍କ ସହିତ ଏକ ଏକ ସନ୍ଧିରେ ହସ୍ତାକ୍ଷର କରି ଏହି ଦ୍ବୀପକୁ ଶ୍ରୀଲଙ୍କାକୁ ଦେଇଥିଲେ।
ଭାରତରେ ବିରୋଧ:-
1991 ମସିହାରେ ତାମିଲନାଡୁ ବିଧାନସଭା ପ୍ରସ୍ତାବ ପାସ କରିଥିଲା ଓ ଦ୍ବୀପକୁ ପୁଣିଥରେ ନେବାପାଇଁ ଦାବି କରିଥିଲେ। 2008 ମସିହାରେ ତତ୍କାଳୀନ ସିଏମ ଜୟଲଳିତା ଏହି ମୁଦ୍ଦାକୁ ସୁପ୍ରିମକୋର୍ଟରେ ପହଞ୍ଚାଇ ଥିଲେ। ସେ କହିଥିଲେ କି, ଶ୍ରୀଲଙ୍କାକୁ ଏହି ଦ୍ବୀପ ଗିଫ୍ଟ ଦେବା ଅସମ୍ବିଧାନିକ ଅଟେ।
ବହୁତ ମହତ୍ୱପୂର୍ଣ୍ଣ ଅଟେ ଏହି ଦ୍ବୀପ:-
କଚାତିବୁ ପାକ ଜଳଡ଼ମରୁମଧ୍ୟ ସମୂଦ୍ର ତଟ ପାଖରୁ ବହୁତ ଦୂରରେ ରହିଛି। କୁହାଯାଉଛି କି, ଚତୁର୍ଦ୍ଦଶ ଶତାବ୍ଦରେ ଜ୍ବାଳାମୂଖୀ ବିସ୍ଫୋଟ କାରଣରୁ ଏହି ଦ୍ବୀପ ସୃଷ୍ଟି ହୋଇଥିଲା। ବ୍ରିଟିଶ ଶାସନ ସମୟରେ 285 ଏକର ଏହି ଜମିକୁ ଭାରତ ଓ ଶ୍ରୀଲଙ୍କା ମିଳିତ ଭାବରେ ଏହାର ବ୍ୟବହାର କରି ଆସୁଥିଲେ। କଚାତିବୁ ଦ୍ବୀପ ରାମନାଥପୁର ରାଜାଙ୍କ ଶାସନରେ ଥିଲା ଓ ପରେ ଏହା ମାଡ୍ରାସ ପ୍ରେସିଡେନ୍ସି ଅଣ୍ଡରକୁ ଚାଲିଯାଇଥିଲା। 1921 ମସିହାରେ ଭାରତ ଓ ଶ୍ରୀଲଙ୍କାର ମତ୍ସ୍ୟଜୀବୀ ମାନଙ୍କ ମଧ୍ୟରେ ଏହି ଦ୍ବୀପ ନିଜ ନିଜ ଦେଶର ବୋଲି ଦାବି କରିବାକୁ ଲାଗିଲେ। ସ୍ବାଧୀନତା ପରେ ଭାରତ ନିଜର ଆଭ୍ୟନ୍ତରୀଣ ସମସ୍ୟାକୁ ସମାଧାନ କରିବାକୁ ପ୍ରୟାସ କଲା।
ବୁଝାମଣା ପରେ ବିବାଦ ବଢ଼ିଲା:-
ବିବାଦ ସେହି ସମୟରେ ବଢ଼ିଲା ଯେତେବେଳେ ଦୁଇଦେଶ ସମୂଦ୍ର ସୀମା ଉପରେ ବୁଝାମଣା କରି ହସ୍ତାକ୍ଷର କଲେ। ଏହି ବୁଝାମଣା ପରେ ଭାରତ ଓ ଶ୍ରୀଲଙ୍କା ମଧ୍ୟରେ ଅନ୍ତରାଷ୍ଟ୍ରୀୟ ସମୂଦ୍ର ସୀମା ନିର୍ଦ୍ଧାରିତ ହୋଇଗଲା। ଏବେ ଭାରତୀୟ ମତ୍ସ୍ୟଜୀବୀକୁ କେବଳ ଅନୁମତି ଥିଲା କି, ସେମାନେ କେବଳ ଆରାମ କରିବା, ଜାଲ ଶୁଖାଇବା ଓ ବାର୍ଷିକ ସେଣ୍ଟ ଏନଥୋନି ଫେଷ୍ଟିଭାଲ ପାଇଁ ଆସିପାରିବେ। ତାଙ୍କୁ ଏହି ଦ୍ବୀପରେ ମାଛ ଧରିବାପାଇଁ ଅନୁମତି ନଥିଲା କିନ୍ତୁ ଭାରତୀୟ ମତ୍ସ୍ୟଜୀବୀ ଭଲ ଜାଗା ଅନୁସନ୍ଧାନ ପାଇଁ ସମୂଦ୍ର ଜଳକ୍ଷେତ୍ର ଆଡ଼କୁ ଯାଉଥିଲେ।
2009 ମସିହାରୁ ଶ୍ରୀଲଙ୍କା ନିଜର ନଜର କଡ଼ାକଡ଼ି କରିଥିଲା:-
2009 ମସିହାରେ ଶ୍ରୀଲଙ୍କା ପାକ ଷ୍ଟ୍ରେଟରେ ସମୂଦ୍ର ସୀମା ଉପରେ କଡ଼ା ନଜର ରଖିବା ଆରମ୍ଭ କରିଦେଲା। ତାଙ୍କର ଲକ୍ଷ୍ୟ ଥିଲା କି, ତାମିଲ ବିଦ୍ରୋହୀ ଦେଶକୁ ନଫେରି ପାରନ୍ତୁ। 2010 ମସିହାରେ ଯୁଦ୍ଧ ଶେଷ ହେବାପରେ ଶ୍ରୀଲଙ୍କାର ମତ୍ସ୍ୟଜୀବୀ ପୁଣି କ୍ଷେତ୍ରରେ ନିଜର ଭାଗ ବୋଲି ଦାବି କରିଥିଲେ।
ଦ୍ବୀପ ଫେରାଇ ନେବାକୁ ଦାବି:-
ବିଗତ ଦିନରେ ସାଂସଦରେ ଆଲୋଚନା ହୋଇଥିଲା କି, କେଉଁଭଳି ଭାବରେ କଚାତିବୁ ଦ୍ବୀପ ଦେବାପରେ ଭାରତୀୟ ମତ୍ସ୍ୟଜୀବୀଙ୍କୁ ଅସୁବିଧାର ସାମ୍ନା କରିବାକୁ ପଡ଼ୁଛି। AIADMK ର ଜଣେ ସାଂସଦ କହିଥିଲେ କି, ସରକାର 1974 ମସିହାରେ ହୋଇଥିବା ବୁଝାମଣାକୁ ରଦ୍ଧ କରି ଏହି ଦ୍ବୀପ ଫେରାଇ ଆଣନ୍ତୁ।
AIADMK ସାଂସଦ ଥଂବିଦୁରେଙ୍କ କହିବାହେଲା ଏହି ଦ୍ବୀପ ଉପରେ ମାଛ ଧରିବା ତାମିଲନାଡ଼ୁ ମତ୍ସ୍ୟଜୀବୀଙ୍କ ପରମ୍ପରାଗତ ଅଧିକାର ଅଟେ। କିନ୍ତୁ ବୁଝାମଣା କାରଣରୁ ଏହି ଅଧିକାରର ଉଚ୍ଛେଦ ହେଉଛି।
ବର୍ତ୍ତମାନ ସ୍ଥିତି କଣ ରହିଛି ?:-
ମାମଲା ଏବେ ଭାରତର ସୁପ୍ରିମକୋର୍ଟରେ ରହିଛି।ଶ୍ରୀଲଙ୍କା ଭାରତକୁ ବିନା କୌଣସି ଭିଜା ଦ୍ୱାରା ଧାର୍ମିକ ପ୍ରୟୋଜନ ରୁ ଦ୍ବୀପ ଆସିବାକୁ ଛାଡ଼ ରଖିଥିଲା। ତତ୍କାଳୀନ ପ୍ରଧାନମନ୍ତ୍ରୀ ଜୟଲଳିତା ପତ୍ର ଲେଖି ଏହାଉପରେ ପୁନଃବିଚାର କରିବାର କଥା କହିଥିଲେ। ଏବେ ପୁଣିଥରେ ଏହି ମାମଲା ଉଠିଛି।
ଯେଉଁ ଦ୍ବୀପକୁ ପିଏମ ଇନ୍ଦିରା ଗାନ୍ଧୀ ଶ୍ରୀଲଙ୍କାକୁ ଗିଫ୍ଟ ଦେଇଥିଲେ, କଣ ପୁଣିଥରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ନିଜ ମତ୍ସ୍ୟଜୀବୀଙ୍କ ପାଇଁ ଏହାକୁ ଫେରାଇନେବେ ? ତର୍କ ଦିଆଯାଉଛି କି, କୌଣସି ପ୍ରକାରର ବୁଝାମଣା ଦେଶର ହିତ ଆଧାରରେ ନିଆଯିବା ଉଚିତ। ଯଦି ଇନ୍ଦିରା ଗାନ୍ଧୀଙ୍କ ଏହି ନିଷ୍ପତ୍ତି ଯୋଗୁଁ ଭାରତକୁ କ୍ଷତି ସହିବାକୁ ପଡ଼ୁଛି ତାହେଲେ ଏହାକୁ ରଦ୍ଧ କରିଦେବା ଉଚିତ। ହୁଏତ ଏହି ଜାଗା 1.15 ବର୍ଗ କିଲୋମିଟରର ଅଟେ କିନ୍ତୁ ଏହା ଭାରତୀୟଙ୍କ ପାଇଁ ବହୁତ ଜରୁରୀ ସ୍ଥାନ ଅଟେ।