ଆମେ ଆଜି ଆପଣଙ୍କୁ ଲାଇନ୍ ବିଲ କମାଇବାର କିଛି ଉପାୟ କହିବାକୁ ଯାଉଛୁ, ଯାହାକୁ ବ୍ୟବହାର କଲେ ଆପଣଙ୍କର ଟିକେ ଲାଭ ନିଶ୍ଚୟ ହେବ । ଏହି ଉପାୟରେ କେବଳ ଗରମରୁ ମୁକ୍ତି ମିଳିବ ନାହିଁ ବରଂ ଲାଇନ୍ ବିଲକୁ ମଧ୍ୟ ଆପଣ କଣ୍ଟ୍ରୋଲ କରିପାରିବେ । ତେବେ ଚାଲନ୍ତୁ ଜାଣିବା ପ୍ରକୃତରେ ଏହି ଉପାୟ ଗୁଡିକ କଣ୍ କଣ୍ ।
ଫ୍ୟାନରେ ଇଲେକ୍ଟ୍ରୋନିକ ରେଗୁଲେଟରର ବ୍ୟବହାର :-
ଖରାଦିନେ ଅଧିକାଂଶ ଲୋକ ଫ୍ୟାନ ବ୍ୟବହାର କରନ୍ତି । ସବୁ ଲୋକମାନେ ନିଜ ଘରେ ସବୁଠାରୁ ଅଧିକ ଫ୍ୟାନ ଚଳାଇଥାନ୍ତି । ଏପରି ପରିସ୍ଥିତିରେ ଆପଣଙ୍କୁ ବେଳେବେଳେ ଫ୍ୟାନର ସର୍ଭିଶିଙ୍ଗ କରାଇବା ଉଚିତ୍ । ଆପଣ ଫ୍ୟାନରେ ଇଲେକ୍ଟ୍ରୋନିକ ରେଗୁଲେଟରର ବ୍ୟବହାର କରନ୍ତୁ । କଣ୍ଡେନସର୍ ଏବଂ ୱାଲ ୱେୟରିଂ ଖରାପ ହୋଇଗଲେ ଏହାକୁ ତୁରନ୍ତ ବଦଳାଇ ଦେବା ଉଚିତ୍ ।
କୁଲରର ଫ୍ୟାନ ଏବଂ ପମ୍ପର କରାନ୍ତୁ ଅଲିଙ୍ଗ- ଗ୍ରିଶିଙ୍ଗ :-
ଯଦି ଆପଣ କୁଲର ବ୍ୟବହାର କରୁଛନ୍ତି ତେବେ ଆପଣ କୁଲରର ଫ୍ୟାନ ଏବଂ ପମ୍ପର ଅଲିଙ୍ଗ- ଗ୍ରିଶିଙ୍ଗ ନିଶ୍ଚୟ କରାନ୍ତୁ । ଯେତେବେଳେ ଅଧିକ ପମ୍ପ ଚାଲେ, ସେତେବେଳେ ଅଧିକ କରେଣ୍ଟ ଟାଣି ଥାଏ । ଏପରି ପରିସ୍ଥିତିରେ ବେଳେବେଳେ ଅଲିଙ୍ଗ କରାଉଥିବା ଉଚିତ୍ । କୁଲରର ଫ୍ୟାନର କଣ୍ଡେନସର୍ ଏବଂ ରେଗୁଲେଟରର ଯାଞ୍ଚ ମଧ୍ୟ କରିବା ଉଚିତ୍ । ଇଲେକ୍ଟ୍ରୋନିକ ରେଗୁଲେଟର ଦ୍ଵାରା ମଧ୍ୟ ଲାଇନ୍ ବିଲକୁ କମ କରାଯାଇପାରିବ ।
AC କୁ 24 ରୁ 26 ଡିଗ୍ରୀ ମଧ୍ୟରେ ସେଟ୍ କରନ୍ତୁ :-
ଆପଣ AC ଚଳାଇବା ସହିତ ଫ୍ୟାନ ମଧ୍ୟ ଚଳାଇବା ଉଚିତ୍ । AC ର ତାପମାତ୍ରାକୁ ଆପଣ 24 ରୁ 26 ଡିଗ୍ରୀ ମଧ୍ୟରେ ସେଟ୍ କରି ରଖନ୍ତୁ । ପ୍ରତ୍ୟେକ 10-15 ଦିନରେ ଏୟାର ଫିଲ୍ଟରକୁ ଭଲ ଭାବେ ଧୋଇ ସଫା କରିଦିଅନ୍ତୁ, କାରଣ ଫିଲ୍ଟରରେ ଧୂଳି ଜମା ହେଲେ ସମ୍ପୂର୍ଣ୍ଣ ଥଣ୍ଡା ପବନ ମିଳିପାରେ ନାହିଁ ଏବଂ AC ଅଧିକ ସମୟ ପର୍ଯ୍ୟନ୍ତ ଚଳାଇବାକୁ ପଡ଼ିଥାଏ ।
ଆପଣ ଏହି କଥାକୁ ଧ୍ୟାନ ଦେବା ଉଚିତ୍ ଯେ ଯେତେବେଳେ ଆପଣ AC ଚଳାଉଛନ୍ତି, ସେତେବେଳେ କବାଟ ଝରକା ବନ୍ଦ ରଖିବା ଉଚିତ୍ । ନଚେତ୍ AC ର ଥଣ୍ଡା ପବନ ବାହାରକୁ ଅଧିକ ଯିବ, ଯେଉଁ କାରଣରୁ ରୁମ୍ ଥଣ୍ଡା ହୋଇପାରିବ ନାହିଁ ।