ଓ୍ଵେଷ୍ଟଇଣ୍ଡିଜର ଷ୍ଟାର କ୍ରିକେଟର କିରଣ ପୋଲାର୍ଡ ବର୍ତ୍ତମାନ ଅନ୍ତର୍ଜାତୀୟ କ୍ରିକେଟରୁ ନିଜର ସନ୍ନ୍ୟାସ ଘୋଷଣା କରିଛନ୍ତି। ବୁଧବାର ଦିନ ଇନଷ୍ଟାଗ୍ରାମ କରିଆରେ ଏକ ବାର୍ତ୍ତା ଦେଇ ସେ ଏ ବିଷୟରେ ଘୋଷଣା କରିଛନ୍ତି। ୩୪ ବର୍ଷୀୟ ପୋଲାର୍ଡ ବର୍ତ୍ତମାନ ଭାରତରେ ଅଛନ୍ତି ଏବଂ ଆଇପିଏଲ ୨୦୨୨ରେ ସେ ସକ୍ରିୟ ଅଛନ୍ତି।
କିରଣ ପୋଲାର୍ଡ ଲେଖିଛନ୍ତିକି, ଦୀର୍ଘ ସମୟ ବିଚାର କରିବା ପରେ ମୁଁ ଅନ୍ତର୍ଜାତୀୟ କ୍ରିକେଟରୁ ସନ୍ନ୍ୟାସ ନେବା ପାଇଁ ନିଷ୍ପତ୍ତି ନେଇଛି। ଅନେକ ଯୁବ ଖେଳାଳିମାନଙ୍କ ପରି ମୋତେ ମଧ୍ୟ ଓ୍ଵେଷ୍ଟଇଣ୍ଡିଜ ତରଫରୁ କ୍ରିକେଟ୍ ଖେଳିବାର ଥିଲା। ମୁଁ ଗର୍ବର ସହ କହି ପାରିବିକି, ମୁଁ ୧୫ ବର୍ଷ ଧରି ଓ୍ଵେଷ୍ଟଇଣ୍ଡିଜ ପାଇଁ ଟି-୨୦ ଏବଂ ଦିନିକିଆ କ୍ରିକେଟ ଖେଳିପାରିଛି।
ଟି-୨୦ କ୍ରିକେଟରେ ଲିଜେଣ୍ଡ କୁହାଯାଉଥିବା ୩୪ ବର୍ଷୀୟ କିରଣ ପୋଲାର୍ଡ ଓ୍ଵେଷ୍ଟଇଣ୍ଡିଜ ପାଇଁ ୧୨୩ଟି ଦିନିକିଆ ଖେଳିଥିବା ସମୟରେ ୧୦୧ ଟି-୨୦ ଅନ୍ତର୍ଜାତୀୟ ମ୍ୟାଚ ଖେଳିଛନ୍ତି। ପୋଲାର୍ଡ ଦିନିକିଆରେ ୨୭୦୬ ରନ ଏବଂ ୫୫ଟି ଓ୍ଵିକେଟ ନେଇଛନ୍ତି। ସେହିପରି ଟି-୨୦ ଅନ୍ତର୍ଜାତୀୟରେ ୧୫୬୯ ରନ କରିବା ସହ ୪୨ଟି ଓ୍ଵିକେଟ ନେଇଛନ୍ତି।
କିରଣ ପୋଲାର୍ଡ ଓ୍ଵେଷ୍ଟଇଣ୍ଡିଜ ପାଇଁ ୨୦୦୭ ମସିହାରେ ଅନ୍ତର୍ଜାତୀୟ ପଦାର୍ପଣ କରିଥିଲେ। ଚଳିତ ବର୍ଷ ଫେବୃଆରୀ ମାସରେ ଭାରତ ବିପକ୍ଷରେ ସେ ନିଜର ଶେଷ ଦିନିକିଆ ମ୍ୟାଚ ଖେଳିଥିଲେ। ସେହିପରି ୨୦୦୮ ମସିହାରେ ଅଷ୍ଟ୍ରେଲିଆ ବିପକ୍ଷରେ ସେ ଟି-୨୦ ଅନ୍ତର୍ଜାତୀୟରେ ପଦାର୍ପଣ କରିଥିଲେ। କୋଲକାତାରେ ୨୦୦୨ ମସିହାରେ ଭାରତ ବିପକ୍ଷରେ ସେ ଶେଷ ଟି-୨୦ ମ୍ୟାଚ ଖେଳିଥିଲେ।
କିରଣ ପୋଲାର୍ଡ ଅନେକ ମ୍ୟାଚ୍ରେ ଓ୍ଵେଷ୍ଟଇଣ୍ଡିଜ ଦଳର ଟି-୨୦, ଦିନିକିଆ ଦଳର ନେତୃତ୍ଵ ନେଇଥିଲେ। ଓ୍ଵେଷ୍ଟଇଣ୍ଡିଜ କ୍ରିକେଟ ବୋର୍ଡ ସହ ବିବାଦ ଥିବା କାରଣରୁ ଅନେକ ଥର ସେ ଦଳରୁ ବାହାରେ ଥିଲେ। ଏହି କାରଣରୁ ସେ ୨୦୧୫ ମସିହା ଦିନିକିଆ ବିଶ୍ଵକପ, ୨୦୧୬ ମସିହା ଟି-୨୦ ବିଶ୍ଵକପ ମଧ୍ୟ ଖେଳିନଥିଲେ।