ଦିଲ୍ଲୀରେ ଏହି ସମୟରେ ଜାହାଙ୍ଗୀରପୁରୀ ମାମଲା ଚର୍ଚ୍ଚାର ବିଷୟ ହୋଇଛି। ଏହାର କାରଣ ହେଉଛି ସେଠାରେ ବୁଲଡୋଜର ଚାଲୁଛି। ଏହି ବୁଲଡୋଜର ସେଠାରେ ଅବୈଧ ନିର୍ମାଣ ଓ ଅତିକ୍ରମଣକୁ ହଟାଇବା ପାଇଁ ଚାଲୁଛି। ବର୍ତ୍ତମାନ ସୁପ୍ରିମକୋର୍ଟ ଏହାଉପରେ ରୋକ ଲଗାଇ ଦେଇଛି। ମାମଲାର ଶୁଣାଣି ଗୁରୁବାର ଦିନ ହେବାକୁ ରହିଛି। ଏହାପରେ ହିଁ କିଛି ଫଇସଲା ହୋଇପାରିବ।
ସେହିପରି ଅନ୍ୟ ପଟରେ ରାଜଧାନୀ ଗରମରେ ସମୟ ଅତିବାହିତ କରୁଛି। ଏହି ସମୟରେ ଜାହାଙ୍ଗୀରପୁର ମାମଲାରେ ରାଜନୀତିକ ପାରା ଚଢ଼ିବାରେ ଲାଗିଛି। ବୁଲଡୋଜର ଚାଲିବା ଘଟଣା ଠାରୁ ମାମଲା ଗରମ ହୋଇଯାଇଛି। ଏବେ ଏହି ମାମଲାରେ କଂଗ୍ରେସ ନେତା ରାହୁଲ ଗାନ୍ଧୀ ମଧ୍ୟ ଡେଇଁ ପଡ଼ିଛନ୍ତି। ସେ ପିଏମ ନରେନ୍ଦ୍ର ମୋଦିଙ୍କ ଉପରକୁ ଟାର୍ଗେଟ କରିଛନ୍ତି।
ଲଗାତାର ଜାରି ରହିଛି ରାଜନୀତି:-
ଜାହାଙ୍ଗୀରପୁରୀ ଅଞ୍ଚଳ ସେହି ସମୟରେ ଚର୍ଚ୍ଚାକୁ ଆସିଥିଲା, ଯେଉଁ ସମୟରେ ଏଠାରେ ରାମ ନବମୀର ଶୋଭାଯାତ୍ରା ବାହାରୁଥିଲା। ଏହି ଶୋଭାଯାତ୍ରାରେ ସମ୍ପ୍ରଦାୟ ବିଶେଷର ଲୋକମାନେ ପଥର ମାରିବା ଆରମ୍ଭ କରିଦେଇଥିଲେ। ଏହାପରେ ଏଠାରେ ହିଂସା ବଢ଼ିଥିଲାମ ଉଭୟ ପକ୍ଷର କିଛିଲୋକେ ସେଠାରେ ଲଢେଇ ଆରମ୍ଭ କରିଦେଇଥିଲେ ଓ ଦେଖୁ ଦେଖୁ ସେଠାରେ ଦଙ୍ଗା ଆରମ୍ଭ ହୋଇଯାଇଥିଲା।
ବହୁତ ମୁସ୍କିଲରେ ଦଙ୍ଗାକୁ କାବୁ କରାଗଲା ଓ ପୋଲିସ କିଛିଙ୍କୁ ଗିରଫ କରିଥିଲା। ଏଠାରେ ଅଂସାର ନାମକ ଆରୋପୀ ଥିଲା ଯିଏକି ପିଲାମାନଙ୍କୁ ଲଢ଼ିବା ପାଇଁ ଉସକାଉଥିଲା।ଏହା ପରଠାରୁ ଏଠାରେ ଲଗାତାର ରାଜନୀତି ହେବାରେ ଲାଗିଛି। କଂଗ୍ରେସ ସହିତ ଅନ୍ୟ ଦଳ ମୌକା ମିଳିବା କ୍ଷଣୀ ଭାଜପାକୁ ଏଥିରେ ଘେରି ଯାଉଛନ୍ତି।
ରାହୁଲ ଗାନ୍ଧୀ ମଧ୍ୟ ଏଥିରେ ମୋଦିଙ୍କୁ ଆଙ୍ଗୁଠି କଲେ:-
ଜାହାଙ୍ଗୀରପୁରୀ ରୁ ଏହି ମାମଲା ପୂର୍ବରୁ ଜାରି ରହିଛି। ଏବେ କଂଗ୍ରେସ ସାଂସଦ ରାହୁଲ ଗାନ୍ଧୀ ମଧ୍ୟ ଏଥିରେ ଡେଇଁ ପଡ଼ିଛନ୍ତି। ସେ ପିଏମ ମୋଦିଙ୍କୁ ଟାର୍ଗେଟ କରିଛନ୍ତି। ସେମାନେ ପିଏମଙ୍କୁ ଘେରିବା ପାଇଁ ସୋସିଆଲ ମିଡ଼ିଆର ସାହାରା ନେଇଛନ୍ତି। ଟ୍ୱିଟରରେ ସେ ମୋଦିଙ୍କ ବୁଲଡୋଜର ଚଲାଇବାକୁ ନେଇ ଗମ୍ଭୀର ଆରୋପ ଲଗାଇଦେଲେ।
ରାହୁଲ ଗାନ୍ଧୀଙ୍କ କହିବାହେଲା 8 ବର୍ଷର କାହାଣୀର ଫଳାଫଳ ସାମନାରେ ରହିଛି। ସେ କହିଛନ୍ତି, ମୋଦିଜୀ ମହଙ୍ଗାଇ ବଢ଼ୁଛି, ପାୱାର କଟ ଛୋଟ ଛୋଟ ଉଦ୍ୟୋଗକୁ ନାଶ କରିଦେବ, ଏହାପରେ ଲୋକଙ୍କ ଚାକିରୀ ମଧ୍ୟ ଚାଲିଯିବ। ଘୃଣାର ବୁଲଡୋଜର ବନ୍ଦ କର ଓ ପାୱାର ପ୍ଲାଣ୍ଟର ବୁଲଡୋଜର ଚାଲୁ କର।
କେତେକ ରାଜ୍ୟରେ ଜାରି ହୋଇଛି ବିଜୁଳି ସଙ୍କଟ:-
ରାହୁଲ ଗାନ୍ଧୀ ଗୋଟିଏ ତୀରରେ ଦୁଇଟି ଶିକାର କରିଛନ୍ତି। ସେ ଜାହାଙ୍ଗୀରପୁରୀ ମୁଦ୍ଦା ଉଠାଇଦେଲେ। ସେହିପରି କେତେକ ରାଜ୍ୟରେ ଜାରି ବିଜୁଳି ସଙ୍କଟକୁ ନେଇ ସେ ମୋଦିଙ୍କୁ ଘେରିଲେ। ଆପଣଙ୍କୁ ଜଣାଇଦେଉଛୁ କି, କିଛି ରାଜ୍ୟରେ ଏସମୟରେ କୋଇଲା ସଙ୍କଟ ବହୁତ ଅଧିକ ହୋଇଯାଇଛି। ଏହି କାରଣରୁ ସେହି ରାଜ୍ୟ ବିଜୁଳି ସଙ୍କଟର ସାମ୍ନା କରୁଛନ୍ତି।
କୋଇଲା କମ ହେବା କାରଣରୁ ବିଜୁଳି ସପ୍ଲାଏ ବାଧିତ ହେଉଛି। ଏଥିରେ ଛୋଟ ଉଦ୍ୟୋଗ ଉପରେ ପ୍ରଭାବ ପଡ଼ୁଛି। ଏହି କାରଣରୁ ଗୃହମନ୍ତ୍ରୀ ଅମିତ ଶାହ, ମଙ୍ଗଳବାର ଦିନ ଏକ ବୈଠକ ଡ଼କାଇଥିଲେ। ଏହି ବୈଠକରେ ଚାରିଜଣ କେନ୍ଦ୍ରୀୟ ମନ୍ତ୍ରୀ ସାମିଲ ଥିଲେ। ଏହି କାରଣରୁ ରାହୁଲ ଗାନ୍ଧୀ ମୋଦିଙ୍କ ସାମ୍ନାରେ ଏହି ମୁଦ୍ଦା ଉଠାଇ ତାଙ୍କୁ ଘେରିବାକୁ ଚେଷ୍ଟା କରିଥିଲେ।