ସାହାସ ଏବଂ ଇଚ୍ଛା ଶକ୍ତି ଥିଲେ ବୟସକୁ ମଧ୍ୟ ହରାଇବା କଷ୍ଟକର ହୋଇନଥାଏ । ଏମିତି କିଛି କରି ଦେଖାଇଛନ୍ତି 62 ବର୍ଷୀୟ ଜଣେ ଜେଜେମା । ଆଡଭେଞ୍ଚର ଏବଂ ହାଇକିଙ୍ଗକୁ ସୁସ୍ଥ ସବଳ ଲୋକମାନଙ୍କ ଆକ୍ଟିଭିଟି ବୋଲି କୁହାଯାଏ । ଅନେକ ଥର ତ ଶାରୀରିକ ଭାବରେ ମଜବୁତ୍ ଲୋକଙ୍କ ପାଇଁ ମଧ୍ୟ ହ୍ୟାକିଙ୍ଗ ଏବଂ ଟ୍ରାକିଙ୍ଗ ଇତ୍ୟାଦି କଷ୍ଟକର କାମ ହୋଇପଡେ ।
ଏପରି ପରିସ୍ଥିତିରେ ଯଦି କୌଣସି ମହିଳା ଉଚ୍ଚ ପାହାଡ଼ ଉପରକୁ ଚଢ଼ନ୍ତି, ତା ପୁଣି 60 ବର୍ଷ ବୟସ ପାର୍ ହେବାପରେ, ତେବେ ଲୋକମାନେ ନିଶ୍ଚୟ ଆଶ୍ଚର୍ଯ୍ୟ ହୋଇଯିବେ । କିନ୍ତୁ ଜଣେ 62 ବର୍ଷୀୟ ବୃଦ୍ଧ ମହିଳା ୱେଷ୍ଟର୍ନ ଘାଟିର ପାହାଡ଼ ଉପରକୁ ଚଢ଼ି ପ୍ରମାଣିତ କରି ଦେଇଛନ୍ତି ଯେ ବଡ ସାହାସ ସାମ୍ନାରେ ବୟସ ବାଧା ଦେଇପାରିବ ନାହିଁ । ଏହି ସାହସୀ ମହିଳାଙ୍କ ନାମ ହେଉଛି ନାଗରତନମ୍ମା ।
ନାଗରତନମ୍ମାଙ୍କ ସାହାସକୁ ସଲାମ :-
ନାଗରତନମ୍ମାଙ୍କ ବୟସ 62 ବର୍ଷ ଅଟେ ସେ ବେଙ୍ଗାଲୁରୁର ବାସିନ୍ଦା ଅଟନ୍ତି । ତାଙ୍କ ନାମରେ ଗୋଟିଏ ବଡ ଉପଲବ୍ଧି ରହିଛି । ନାଗରତନମ୍ମା ଏହି ବୟସରେ କେରଳର ଦ୍ୱିତୀୟ ସବୁଠାରୁ ଉଚ୍ଚ ପାହାଡ଼ ତିରୁବନନ୍ତପୁରମର ଅଗସ୍ତ୍ୟକୁଡ଼ମ୍ ଉପରେ ଚଢ଼ିଛନ୍ତି । ସୋସିଆଲ ମିଡିଆରେ ନାଗରତନମ୍ମାଙ୍କ ପାହାଡ଼ ଉପରକୁ ଚଢ଼ୁଥିବାର ଭିଡିଓ ଭା
ଇରାଲ ହେବାପରେ ସେ ପ୍ରସିଦ୍ଧ ହୋଇଗଲେ ।
ନାଗରତନମ୍ମା ଉଚ୍ଚ ପାହାଡକୁ ଚଢିଲେ :-
ଫେବୃଆରୀ 16 ତାରିଖରେ ନାଗରତନମ୍ମା ଅଗସ୍ତ୍ୟକୁଡ଼ମ୍ ପାହାଡ଼ ଉପରେ ରୋପ କ୍ଲାଇବିଙ୍ଗ କରିଛନ୍ତି । ନାଗରତନମ୍ମାଙ୍କ ସହିତ ତାଙ୍କ ପୁଅ ଏବଂ ତାଙ୍କ ପୁଅର ସାଙ୍ଗ ଥିଲେ । ନାଗରତନମ୍ମାଙ୍କର ଏହା ପ୍ରଥମ ପାହାଡ଼ ଯାତ୍ରା ଥିଲା । ବିବାହ ପରଠାରୁ ହିଁ ପରିବାର ଏବଂ ଘରର କାମରେ ଲାଗିଥିବା ଜଣେ ଘରୋଇ ମହିଳା ବୟସ ବଢିବା ପରେ ମଧ୍ୟ ନିଜର ସାହାସ ଏବଂ ନିର୍ଭୟତାକୁ ବଜାୟ ରଖିଲେ ।
ଶାଢୀ ପିନ୍ଧି ଚଢ଼ିଗଲେ ଉଚ୍ଚ ପାହାଡ଼ :-
ବିଶେଷ କଥା ଏହା ଯେ ଉଚ୍ଚ ପାହାଡ଼ ଚଢ଼ିଥିବା ଜେଜେମା ନାଗରତନମ୍ମା କୌଣସି ଟ୍ରାକିଙ୍ଗ ସୁଟ କିମ୍ବା ପ୍ୟାଣ୍ଟ୍ ଓ ସାଲୱାର ପିନ୍ଧିନଥିଲେ ବରଂ ପାରମ୍ପରିକ ଶାଢ଼ୀ ପିନ୍ଧିଥିଲେ । ଯେଉଁ ଶାଢ଼ୀକୁ ପିନ୍ଧି ଚାଲିବା ମୁସ୍କିଲ ହୋଇପାରେ, ତାକୁ ପିନ୍ଧି ସେ କେରଳର ଗୋଟିଏ ଉଚ୍ଚ ପାହାଡ଼ ଉପରକୁ ଚଢ଼ିବାକୁ ସଫଳ ହେଲେ । ଶାଢ଼ୀରେ ଟ୍ରାକିଙ୍ଗ କରୁଥିବାର ତାଙ୍କର ଭିଡିଓ ଯେତେବେଳେ ସାମ୍ନାକୁ ଆସିଲା, ସେତେବେଳେ ତାକୁ ଦେଖି ସମସ୍ତେ ଜେଜେମାଙ୍କୁ ପ୍ରଶଂସା କରୁଛନ୍ତି ।