ଆଜିକାଲି ଲେଖା ପଢା ବ୍ୟକ୍ତିମାନେ ମଧ୍ୟ ଲକ୍ଷ ଲକ୍ଷ ଟଙ୍କାର ଚାକିରି ଛାଡି ଚାଷ ଆଡ଼କୁ ମନ ବଳାଉଛନ୍ତି ଏବଂ ଲକ୍ଷ ଲକ୍ଷ ଟଙ୍କା ରୋଜଗାର କରୁଛନ୍ତି । ଚାଷ କରିବାପାଇଁ ଏମିତି କିଛି ନଗଦ ଫସଲ ରହିଥାଏ, ଯାହାକୁ ଉନ୍ନତ ଉପାୟରେ କରିଲେ ଲକ୍ଷ ଲକ୍ଷ ଟଙ୍କାର ରୋଜଗାର ଖୁବ୍ ସହଜରେ ହୋଇଥାଏ । ଅର୍ଥାତ୍ ନଗଦ ଫସଲ ଅଧିକ ରୋଜଗାରର ଭଲ ମାଧ୍ୟମ ହୋଇପାରେ । ଆଜି ଆମେ ଆପଣଙ୍କୁ ଏପରି ପ୍ରଡକ୍ଟ ବିଷୟରେ କହିବାକୁ ଯାଉଛୁ, ଯାହାର ଗାଁଠାରୁ ନେଇ ସହର ପର୍ଯ୍ୟନ୍ତ ସବୁଠାରେ ଡିମାଣ୍ଡ ରହିଥାଏ ।
ଆଜିକାଲି ଛୁଇଁ ଚାଷର ଚଳନ ବଢ଼ିବାରେ ଲାଗିଛି । ଏହାର ସବୁଠାରୁ ବଡ଼ କାରଣ ଏହା ଯେ ଏଥିରେ ବହୁତ୍ ସାରା ଲାଭକାରୀ ଗୁଣ ରହିଛି । ଏହାବ୍ୟତୀତ ଏହାର ଚାଷ ମଧ୍ୟ ବହୁତ୍ ସହଜରେ କରାଯାଇପାରେ । ଆଜି ଆମେ ଆପଣଙ୍କୁ ଛୁଇଁ ଚାଷ ବିଷୟରେ କହିବାକୁ ଯାଉଛୁ
ଏହିପରି ଆରମ୍ଭ କରନ୍ତୁ :-
ଛୁଇଁକୁ ଇଂରାଜୀରେ ଡ୍ରମଷ୍ଟିକ କୁହାଯାଏ । ଏହାର ବୈଜ୍ଞାନିକ ନାମ ମୋରିଙ୍ଗା ଓଲିଫେରା ଅଟେ । ଛୁଇଁ ଚାଷ କେବଳ ଭାରତରେ ନୁହେଁ ବରଂ ଦୁନିଆର ଅନେକ ଦେଶରେ କରାଯାଇଥାଏ । ଫିଲିପାଇନ୍ସ ଶ୍ରୀଲଙ୍କା ଠାରୁ ନେଇ ଅନେକ ଦେଶରେ ଏହି ଚାଷ କରାଯାଏ । ଛୁଇଁ ଗୋଟିଏ ମେଡ଼ିସିନାଲ ପ୍ଲାଣ୍ଟ ଅଟେ । କମ୍ ବିନିଯୋଗରେ ପ୍ରସ୍ତୁତ ହେଉଥିବା ଏହି ଫସଲର ବିଶେଷତା ଏହା ଯେ ଏହାକୁ ଥରେ ଲଗାଇଲେ ଚାରି ବର୍ଷ ପର୍ଯ୍ୟନ୍ତ ଲଗାଇବାକୁ ପଡେ ନାହିଁ ।
ଛୁଇଁ ବର୍ଷକୁ ଦୁଇଥର ତୋଳାଯାଏ । ପ୍ରତ୍ୟେକ ଗଛରୁ ବର୍ଷକୁ ପ୍ରାୟ 200-400(40-50 କିଲୋଗ୍ରାମ) ଛୁଇଁ ମିଳିଥାଏ । ଛୁଇଁ ତୋଳିବା କାମ ମାର୍କେଟ ଏବଂ ପରିମାଣ ଅନୁଯାୟୀ 1-2 ମାସ ପର୍ଯ୍ୟନ୍ତ ଚାଲିଥାଏ । ଛୁଇଁ ଫଳରେ ଦାଗ ଆସିବା ପୂର୍ବରୁ ହିଁ ତୋଳିବା କାମ ଆରମ୍ଭ କଲେ ବଜାରରେ ଏହାର ଡିମାଣ୍ଡ ଅଧିକ ରହିଥାଏ । ଏହାଦ୍ବାରା ଲାଭ ମଧ୍ୟ ଅଧିକ ମିଳିଥାଏ ।
ବର୍ଷା ଏବଂ ବନ୍ୟା ହେଲେ ମଧ୍ୟ ହୋଇନଥାଏ କ୍ଷତି :-
କମ୍ କିମ୍ବା ଅଧିକ ବର୍ଷା ଦ୍ଵାରା ଗଛକୁ କୌଣସି କ୍ଷତି ହୋଇନଥାଏ, ଏହା ଅନେକ ପ୍ରକାରର ପରିସ୍ଥିତି ମଧ୍ୟରେ ଉତ୍ପାଦନ ହେଉଥିବା ଗଛ ଅଟେ । ଏହାକୁ ସବୁ ପ୍ରକାରର ମାଟିରେ ଚାଷ କରାଯାଇପାରେ ।
କେତେ ହେବ ରୋଜଗାର :-
ଏକ ଏକର ଜମିରେ 1200 ଛୁଇଁ ଗଛ ଲଗାଇଲେ ପ୍ରାୟ 50,000-60,000 ଟଙ୍କା ଖର୍ଚ୍ଚ ହେବ । ଛୁଇଁ ଉତ୍ପାଦନ କରିବା ଦ୍ଵାରା 1 ଲକ୍ଷ ଟଙ୍କାରୁ ଅଧିକ ରୋଜଗାର ଖୁବ୍ ସହଜରେ ହୋଇପାରିବ ।