ସମୟ ଖରାପ ପଡ଼ିଲେ ଯଦି ସାହାସ ହରାଇବେ ନାହିଁ, ତେବେ ଖରାପ ସମୟକୁ ମଧ୍ୟ ଭଲ ସମୟରେ ବଦଳାଇପାରିବେ । ଅମ୍ବାଲାର ଅମରଜିତ କୌର ମଧ୍ୟ ନିଜର ଇଚ୍ଛାଶକ୍ତି ଏବଂ ସାହାସ ଦ୍ଵାରା ସେହି କାମ କରି ଦେଖାଇଲେ, ଯାହାକୁ ମହିଳାଙ୍କ ଠାରୁ ବହୁତ୍ କମ ଆଶା କରାଯାଇଥାଏ । ନିଜର ସଫଳତା ବଳରେ ଆଜି ସେ କେବଳ ଅମ୍ବାଲା ନୁହେଁ ବରଂ ପଞ୍ଜାବ, କୁରୁକ୍ଷେତ୍ର, ଚଣ୍ଡୀଗଡ଼ ଏବଂ ଦିଲ୍ଲୀ ପର୍ଯ୍ୟନ୍ତ ନିଜର ପରିଚୟ ସୃଷ୍ଟି କରିଛନ୍ତି ।
ବାପା ରୋଗରେ ପଡ଼ିବାରୁ ସୁରକ୍ଷା କବଚ ପାଲଟିଗଲେ :-
ନାରିଶକ୍ତିର ଅନନ୍ୟ ଉଦାହରଣ ଅଧୋଇ ଗାଁର 33 ବର୍ଷୀୟ ଅମରଜିତ କୌର 2007 ମସିହାରେ ସେହି ସମୟରେ ପରିବାରର ସୁରକ୍ଷା କବଚ ପାଲଟି ଗଲେ, ଯେତେବେଳେ ତାଙ୍କ ବାପା ସରଦାର ବକ୍ସିସ ସିଂହ ଅଚାନକ ରୋଗରେ ପଡିଗଲେ । ବଡ ଭାଇ ପଢୁଥିଲେ ଏବଂ ଦୁଇଜଣ ଭଉଣୀଙ୍କର ବିବାହ ହେବାର ଥିଲା । ତେଣୁ ନିଜର ପାଠପଢ଼ା ମଝିରେ ଛାଡି ଅମରଜିତ୍ କୌର କୃଷକ ବାପାଙ୍କ ବ୍ୟବସାୟ ଅର୍ଥାତ୍ ଚାଷ କରିବାକୁ ସ୍ଥିର କଲେ ।
ବଡଭାଇକୁ ପଢ଼ାଇବା ସହିତ ଅମରଜିତ୍ ନିଜେ ମଧ୍ୟ ନିଜର ପାଠପଢ଼ା ପୁରା କଲେ ଏବଂ ପଞ୍ଜାବିରେ ମାଷ୍ଟର ଡିଗ୍ରୀ ହାସଲ କରି ଏଗରିକଲଚର ଡିପ୍ଲୋମା ଗୋବିନ୍ଦଗଢ଼ ପଞ୍ଜାବରୁ କଲେ । ଅମରଜିତ ଏସବୁ ସହିତ କଢାଇ ମଧ୍ୟ କରନ୍ତି । ନିଜର ଏହି ପ୍ରତିଭା ବଳରେ ସେ ନିଜ ଭାଇ ସହିତ ମିଶି ଶାହପୂର୍ ପାଖରେ ନେସନାଲ ହାଇୱେରେ ଗୋଟିଏ ହୋଟେଲ ମଧ୍ୟ ଚଲାଉଛନ୍ତି ।
ପ୍ରେରଣାସ୍ରୋତ ପାଲଟି ଯାଇଛନ୍ତି ଅମରଜିତ :-
ଅମରଜିତ କୌର ଟ୍ରାକ୍ଟର ଚଳାଇବା ବ୍ୟତୀତ ବୁଲେଟ, କାର ଏବଂ ସବୁ ପ୍ରକାରର ଗାଡ଼ି ଚଳାନ୍ତି । ତେଣୁ ଗାଁରେ ଅନେକ ପରିବାର ତାଙ୍କୁ ଦେଖି ନିଜ ଝିଅମାନଙ୍କୁ ମଧ୍ୟ ଏହିପରି ସଶକ୍ତ କରିବାକୁ ସ୍ଥିର କରୁଛନ୍ତି । କିଛି ପରିବାର ତ ନିଜ ବୋହୁକୁ ମଧ୍ୟ ଅମରଜିତ କୌରଙ୍କ ଉଦାହରଣ ଦେଲେ ଏବଂ ଏମିତି ହେବାପାଇଁ ପ୍ରେରିତ କରିଛନ୍ତି ।
କେବଳ ଗାଁରେ ନୁହେଁ ବରଂ ଅମ୍ବାଲା, କୁରୁକ୍ଷେତ୍ର, ପଞ୍ଜାବ, ଚଣ୍ଡିଗଡ ଏବଂ ଦିଲ୍ଲୀ ପର୍ଯ୍ୟନ୍ତର ଲୋକ ଅମରଜିତ୍ ଙ୍କ ଫଟୋ ନିଜ ଝିଅ ଏବଂ ବୋହୂକୁ ଦେଖି ସେମାନଙ୍କୁ ପ୍ରେରିତ କରିବାର କାମ କରନ୍ତି ।
ଅମରଜିତଙ୍କ ସାହାସ ଏବଂ ଇଚ୍ଛାଶକ୍ତିକୁ ସଲାମ :-
ଅମରଜିତ କୌର ମୀଡ଼ିଆକୁ କହିଛନ୍ତି ଯେ ଡିସେମ୍ବର 2007 ମସିହାରେ ବାପା ଡିପ୍ରେଶନକୁ ଚାଲିଗଲେ । ପରିବାର ବାପାଙ୍କ ଚିକିତ୍ସା ଏବଂ ଆର୍ଥିକ ପରିସ୍ଥିତିରେ ଅବସ୍ଥା ବହୁତ୍ ଖରାପ ହେଇଗଲା । ପରିବାର ଚାଷରୁ ବଞ୍ଚିତ ହେଉଥିଲେ, ତା ମଧ୍ୟ ବନ୍ଦ୍ ହେଇଗଲା । ଘରର ବିଗିଡିଥିବା ପରିସ୍ଥିତି ଏବଂ ବଡ ଭାଇଙ୍କ ପାଠପଢ଼ା ବନ୍ଦ୍ ହେବା ଡରରେ ଅମରଜିତ୍ ମୋର୍ଚ୍ଚା ସମ୍ଭାଲିଲେ । 18 ବର୍ଷୀୟ ବୟସରେ ଟ୍ରାକ୍ଟର ଚଳାଇବା, ଚାଷ କରିବା ଶିଖି ପରିବାରକୁ ସମସ୍ୟା ଠାରୁ ବାହାର କରିବାକୁ ସ୍ଥିର କଲେ ।
ଆରମ୍ଭରେ ତାଙ୍କର ଚାଷ ପ୍ରତି କିଛି ବି ସୂଚନା ନଥିଲା । ଆଖପାଖର ଲୋକଙ୍କ ସାହାଯ୍ୟ ନେଇ କିଛି କିଛି କରି ଆଜି ସେ ଏତେ ଶିଖି ଯାଇଛନ୍ତି ଯେ ବର୍ତ୍ତମାନ ଗାଁର ଲୋକମାନେ ତାଙ୍କଠାରୁ ପଚାରି ଚାଷ କରନ୍ତି । ବର୍ତ୍ତମାନ ପ୍ରାୟ 10 ଏକର ଜମିର ସବୁ କାମ ନିଜେ କରନ୍ତି । ସେ ସବୁ ପ୍ରକାରର ଚାଷ କରୁଛନ୍ତି । ସେ ପାଠ ପଢିଥିବା ସହିତ ବହୁତ୍ ବୋଲ୍ଡ ମଧ୍ୟ ଅଟନ୍ତି । ସେ ସବୁ ପରିସ୍ଥିତିକୁ ହ୍ୟାଣ୍ଡେଲ କରିପାରନ୍ତି ।