ମାର୍ଚ୍ଚ ୩୧ ପୂର୍ବରୁ ସରକାରୀ କର୍ମଚାରୀମାନେ ସାରିଦିଅନ୍ତୁ ଏହି କାମ , ନଚେତ୍ କଟିପାରେ ଆପଣଙ୍କ ଦରମା !

କେନ୍ଦ୍ର ସରକାର କର୍ମଚାରୀମାନଙ୍କୁ ଅନେକ ପ୍ରକାରର ଉପହାର ସମୟ ସମୟରେ ଦେଇଥାନ୍ତ। ମହଙ୍ଗା ଭତ୍ତାଠାରୁ ଆରମ୍ଭ କରି ଅନେକ କିଛି ଉପହାର ଲୋକମାନଙ୍କୁ ଭେଟି ଦେଇଥାନ୍ତି। ଏହାରି ମଧ୍ୟରୁ ଗୋଟିଏ ହେଉଛି ଶିଶୁ ଶିକ୍ଷା ଭତ୍ତା। ମହାମାରୀ ପାଇଁ ୨୦୨୦ ମସିହାରେ ଶିଶୁ ଶିକ୍ଷା ଭତ୍ତା ଦାବି କରିପାରୁନଥିବା କର୍ମଚାରୀମାନେ ଏହାକୁ ପାଇପାରିବେ। ଏଥିପାଇଁ ସେମାନଙ୍କୁ ଶେଷ ଥର ପାଇଁ ସୁଯୋଗ ପ୍ରଦାନ କରାଯାଇଛି।

ସରକାରୀ କର୍ମଚାରୀମାନେ କୌଣସି ଦଲିଲ ବିନା ୩୧ ମାର୍ଚ୍ଚ ୨୦୨୨ ପର୍ଯ୍ୟନ୍ତ ଶିଶୁ ଶିକ୍ଷା ଭତ୍ତା ରାଶି ଦାବି କରିପାରିବେ। ସପ୍ତମ ବେତନ ଆୟୋଗର ସୁପାରିଶ ଅନୁସାରେ କେନ୍ଦ୍ରୀୟ କର୍ମଚାରୀମାନେ ପ୍ରତ୍ୟେକ ମାସରେ ଦୁଇ ପିଲାଙ୍କ ପାଇଁ ଶିଶୁ ଭତ୍ତା ଭାବରେ ୪୫୦୦ ଟଙ୍କା ପାଇପାରିବେ। କିନ୍ତୁ କରୋନା ମହାମାରୀ ହେତୁ ସ୍କୁଲ ବନ୍ଦ ଅଛି ତେଣୁ ଏହି ଦାବି ହୋଇପାରିବ ନାହିଁ। ବର୍ତ୍ତମାନ ସରକାର ଏହାର କର୍ମଚାରୀମାନଙ୍କୁ ଏଥି ନିମନ୍ତେ ଶେଷ ସୁଯୋଗ ଦେଉଛନ୍ତି।

ଗତ ବର୍ଷ ବଡ ଆଶ୍ୱସ୍ତି ମିଳିଥିଲା:-

ଗତ ବର୍ଷ ଏହି ମହାମାରୀ ପାଇଁ କେନ୍ଦ୍ର ସରକାର ଶିଶୁ ଶିକ୍ଷା ଭତ୍ତା ଦାବିକୁ ସ୍ୱିକୃତ ଦେଇଥିଲେ। ସରକାରଙ୍କର ଏହି ନିଷ୍ପତ୍ତିରେ ୫୦ ଲକ୍ଷ କେନ୍ଦ୍ରୀୟ କର୍ମଚାରୀମାନଙ୍କୁ ଆଶ୍ୱସ୍ତି ପ୍ରଦାନ କରିଛି। ପର୍ସନାଲ ଆଣ୍ଡ ଟ୍ରେନିଂ ବିଭାଗ (DoPT) ମଧ୍ୟ ଏ ସମ୍ପର୍କରେ ଏକ କାର୍ଯ୍ୟାଳୟ ସ୍ମାରକପତ୍ର ଜାରି କରିଛି।

ପୂର୍ବରୁ ନିୟମ କ’ଣ ଥିଲା:-

ଏହାପୂର୍ବରୁ, କର୍ମଚାରୀମାନଙ୍କ ପାଇଁ ଶିକ୍ଷା ଭତ୍ତା ଦାବି କରିବାକୁ କର୍ମଚାରୀମାନଙ୍କୁ ସ୍କୁଲ ସାର୍ଟିଫିକେଟ୍ ଏବଂ ସହାୟକ ଦଲିଲ ଦାଖଲ କରିବାକୁ ପଡୁଥିଲା। ଏହା ବ୍ୟତୀତ, ଶିଶୁଙ୍କ ରିପୋର୍ଟ କାର୍ଡ, ସାର୍ଟିଫିକେଟ୍ କପି ଏବଂ ଫି ରସିଦ ପରି ଅନେକ ଡକ୍ୟୁମେଣ୍ଟ୍ ଦାଖଲ କରିବାକୁ ପଡିଲା। ଶିଶୁ ଶିକ୍ଷା ଭତ୍ତା ଦାବି କରିବାକୁ ଏହି ଦଲିଲଗୁଡ଼ିକ ଆବଶ୍ୟକ ଥିଲା। ବର୍ତ୍ତମାନ ସଂପୃକ୍ତ କର୍ମଚାରୀଙ୍କ ଠାରୁ ଆତ୍ମ-ପ୍ରମାଣପତ୍ର ଏବଂ ନିର୍ଦ୍ଦିଷ୍ଟ ପଦ୍ଧତି ସହିତ, ଫଳାଫଳ / ରିପୋର୍ଟ କାର୍ଡ / ଫି ପେମେଣ୍ଟ ଇ-ମେଲ୍ / SMS ର ପ୍ରିଣ୍ଟଆଉଟ୍ ମାଧ୍ୟମରେ ଦାବି କରାଯାଇପାରିବ ।

ଶିଶୁ ଭତ୍ତା ପାଇଁ ୨,୨୫୦ ଟଙ୍କା:-

କେନ୍ଦ୍ର ସରକାରୀ କର୍ମଚାରୀମାନେ ଦୁଇ ପିଲାଙ୍କର ଶିକ୍ଷା ପାଇଁ ଭତ୍ତା ପାଆନ୍ତି, ଯାହାକି ପ୍ରତ୍ୟେକ ପିଲାଙ୍କ ପାଇଁ ୨୨୫୦ ଟଙ୍କା। ଦୁଇ ପିଲାଙ୍କ ଉପରେ କର୍ମଚାରୀମାନେ ଦରମା ଯୋଗ କରି ପ୍ରତିମାସରେ ୪୫୦୦ ଟଙ୍କା ଲେଖାଏଁ ପାଆନ୍ତି। ଯଦି କର୍ମଚାରୀମାନେ ମାର୍ଚ୍ଚ ୨୦୨୦ ରୁ ମାର୍ଚ୍ଚ ୨୦୨୧ ପର୍ଯ୍ୟନ୍ତ ଏକାଡେମିକ ଅଧିବେଶନ ଦାବି କରିନାହାଁନ୍ତି, ତେବେ ସେମାନେ ବର୍ତ୍ତମାନ ଏହି ଦାବିକୁ କରିପାରିବେ।