ସଂଘ ଲୋକ ସେବା ଆୟୋଗର ସିଭିଲ ସର୍ଭିସ ପରୀକ୍ଷାରେ ବାର୍ଷିକ ଲକ୍ଷ ଲକ୍ଷ ଛାତ୍ରଛାତ୍ରୀ ସାମିଲ ହୋଇଥାନ୍ତି, କିନ୍ତୁ ବହୁ କମ ଛାତ୍ରଛାତ୍ରୀ ସଫଳ ହୋଇଥାନ୍ତି|ୟୁପିଏସି ପରୀକ୍ଷା ପାଇଁ ପ୍ରସ୍ତୁତ ହେଉଥିବା ଛାତ୍ରଛାତ୍ରୀମାନଙ୍କ ପାଇଁ ଭଲ ଖବର ଆସିଛି ଓ ସିଭିଲ ସର୍ଭିସ ପରୀକ୍ଷା ୨୦୨୨ ପାଇଁ କାର୍ମିକ ଲୋକ ଅଭିଯୋଗ ଓ ପେନସନ ମନ୍ତ୍ରଣାଳୟ ସିଟ ସଂଖ୍ୟା ଜାରି କରିଛନ୍ତି ଯେଉଁଥିରେ ନିଯୁକ୍ତି ପାଇଁ ସର୍ବମୋଟ ୧୦୧୧ ପଦ ଚିହ୍ନଟ କରାଯାଇଛି|
ୟୁପିଏସିରେ ୫ ବର୍ଷ ପରେ ଏପରି ହେଉଛି, ଯେଉଁଥିରେ ୧୦୦୦ ରୁ ଉର୍ଦ୍ଧ୍ବ ସିଟ ପାଇଁ ଚୟନ କରାଯିବ|ଏହା ପୂର୍ବରୁ ୨୦୧୭ରେ ୧୦୦୦ ରୁ ଉର୍ଦ୍ଧ୍ବ ସିଟ ପାଇଁ ଚୟନ ହୋଇଥିଲା|୨୦୨୧ରେ ୭୧୨,୨୦୨୦ରେ ୮୩୬,୨୦୧୯ରେ ୯୨୭,୨୦୧୮ରେ ୮୧୨,୨୦୧୭ରେ ୧୦୫୮ ପଦ ପାଇଁ ପରୀକ୍ଷା ଦ୍ଵାରା ଚୟନିତ କରିଥିଲେ|
ୟୁପିଏସି ୨ ଫେବୃଆରୀ ଦିନ ସିଭିଲ ସର୍ଭିସ ପରୀକ୍ଷା ୨୦୨୨ର ନୋଟିଫିକେସନ ଜାରି କରିଥିଲେ ଯେଉଁଥିରେ ଏବରରଷ ପାଇଁ ୮୬୧ ପଦବୀ ଥିଲା|ଏଵେ ରେଲୱେର ୮ ସେବା ମିଶାଇ ଏକ କ୍ୟାଡର ଆଇଆରଏମ୍ଏସ୍ ଗ୍ରୁପ ଏ ବନାଗଲା ଯେଉଁଥିରେ ଆଇଏଏସ ଜରିଆରେ ଭର୍ତ୍ତି ହେବ|ଆଇଆରଏମ୍ଏସ୍ ୧୫୦ ପଦବୀ ମଧ୍ୟରୁ ୬ ଦିବ୍ୟାଙ୍ଗ ବ୍ୟକ୍ତି ପାଇଁ ସଂରକ୍ଷିତ|ଆଇଆରଏମ୍ଏସ୍ ପଦବୀ ପାଇଁ ସେହି ଯୋଗ୍ୟତା ରହିଛି ଯାହା ସିଭିଲ ସର୍ଭିସ ପରୀକ୍ଷା ୨୦୨୨ ପାଇଁ ରଖାଯାଇଛି|ଯେଉଁ ଛାତ୍ରଛାତ୍ରୀମାନେ ସିଭିଲ ସର୍ଭିସ ପରୀକ୍ଷା ୨୦୨୨ ପାଇଁ ଆବେଦନ କରିଛନ୍ତି ସେମାନଙ୍କୁ ଆଉଥରେ ଆବେଦନ କରିବାକୁ ପଡିବ ନାହିଁ|
ପ୍ରତିବର୍ଷ ଭାରତୀୟ ପ୍ରଶାସନିକ ଅଧିକାରୀ ପାଇଁ ୧୮୦ ସିଟ ନିର୍ଧାରିତ ହୋଇଥାଏ ଓ ୨୦୧୨ ଠାରୁ ବାର୍ଷିକ ଏତିକି ସିଟ ନିର୍ଧାରିତ ହେଉଛି|ଆଇପିଏସ୍ ପାଇଁ ୨୦୦ ସିଟ ଚିହ୍ନଟ ହୋଇଛି ଓ ୨୦୨୦ ଠାରୁ ଏତିକି ପଦ ପାଇଁ ଚୟନ ହେଇଛି|୨୦୦୯-୨୦୧୯ ପର୍ଯ୍ୟନ୍ତ ଆଇପିଏସ୍ ପାଇଁ ବାର୍ଷିକ ୧୫୦ ସିଟ ରହିଥିଲା|ଏବର୍ଷ ଆଇଏଫେସ୍ ପାଇଁ ୩୮ ସିଟ ରହିଛି|ଏହା ପୂର୍ବରୁ ଏହି ପଦବୀ ସଂଖ୍ୟା ୩୦-୪୫ ମଧ୍ୟରେ ରହୁଥିଲା|
ୟୁପିଏସି ମେନ ପରୀକ୍ଷା ଫଳ ପ୍ରକାଶ ହେବା ପରେ ଆଶାୟୀକୁ ଗୋଟିଏ ଡିଏଏଫ୍ ଫର୍ମ ଭରିବାକୁ ପଡେ ଯାହା ଆଧାରରେ ପର୍ସନାଲିଟି ଟେଷ୍ଟ ହୋଇଥାଏ|ଫର୍ମରେ ଭରାଯାଇଥିବା ତଥ୍ୟ ଆଧାରରେ ପ୍ରଶ୍ନ ପଚରା ଯାଇଥାଏ|ଇଣ୍ଟରଭ୍ୟୁରେ ମିଳିଥିବା ନମ୍ବର ମିଶାଇ ମେରିଟ ଲିଷ୍ଟ ହୁଏ ଓ ଏହି ଆଧାରରେ ସର୍ବଭାରତୀୟ ରେଙ୍କିଙ୍ଗ କରାଯାଏ|ଅଲଗା ଅଲଗା କାଟାଗୋରୀ ରେଙ୍କିଙ୍ଗ କରାଯାଏ ଓ ଏହି ଆଧାରରେ ଆଇଏଏସ, ଆଇପିଏସ୍,ଆଇଏଫ୍ଏସ୍ ଦିଆଯାଏ|ଟପ ରେଙ୍କ ବାଲା ଆଇଏଏସ୍ ପାଇଥାଏ, କିନ୍ତୁ ବେଳେବେଳେ ଟପ ରେଙ୍କ ପ୍ରିଫରେନ୍ସ ଆଇପିଏସ୍ ଓ ଆଇଆରଏସ ଫଳରେ ତଳ ରେଙ୍କ ବାଲାକୁ ଆଇଏଏସ୍ ମିଳିପାରେ|ଏହାପର ରେଙ୍କ ବାଲାକୁ ଆଇପିଏସ୍ ଓ ଆଇଏଫ୍ଏସ ମିଳେ|