ଶନିବାର ଦିନ 14 ତମ ଭାରତ-ଜାପାନ ବାର୍ଷିକ ସମ୍ମିଳନୀରେ ଭାରତୀୟ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ତାଙ୍କର ଜାପାନ ପ୍ରତିପକ୍ଷ ଫୁମିଓ କିଶିଡା ସମ୍ବୋଧିତ କରିଛନ୍ତି। ଏହା ପରେ ଦୁଇ ଦେଶର ବରିଷ୍ଠ ନେତାମାନେ ମିଳିତ ପ୍ରେସ ବିବୃତ୍ତି ଜାରି କରି କହିଛନ୍ତି ଯେ ଦୁଇ ଦେଶ ମଧ୍ୟରେ ଦ୍ୱିପାକ୍ଷିକ ସମ୍ପର୍କକୁ ମଜବୁତ କରିବା ଦ୍ୱାରା ଭାରତ-ପ୍ରଶାନ୍ତ ମହାସାଗରୀୟ ଦେଶ ତଥା ବିଶ୍ୱରେ ଶାନ୍ତି, ସମୃଦ୍ଧତା ଏବଂ ସ୍ଥିରତା ବୃଦ୍ଧି ପାଇବ।
ଏଥିସହ ଆସନ୍ତା ପାଞ୍ଚ ବର୍ଷ ମଧ୍ୟରେ ଜାପାନ ଭାରତରେ 3.2 ଲକ୍ଷ କୋଟି ଟଙ୍କା ବିନିଯୋଗ କରିବ ବୋଲି ପ୍ରଧାନମନ୍ତ୍ରୀ ମୋଦୀ ସୂଚନା ଦେଇଛନ୍ତି। ଏଥି ସହିତ ପ୍ରଧାନମନ୍ତ୍ରୀ ମୋଦୀ ଏହା ମଧ୍ୟ କହିଛନ୍ତି ଯେ ଉଭୟ ଦେଶ 2014 ରେ ଧାର୍ଯ୍ୟ ହୋଇଥିବା ପୁଞ୍ଜି ବିନିଯୋଗ ଲକ୍ଷ୍ୟ ହାସଲ କରିସାରିଛନ୍ତି।
ପ୍ରଧାନମନ୍ତ୍ରୀ ମୋଦୀ କହିଛନ୍ତି ଯେ ଉଭୟ ଭାରତ ଏବଂ ଜାପାନ “ନିରାପଦ, ନିର୍ଭରଯୋଗ୍ୟ, ପୂର୍ବାନୁମାନଯୋଗ୍ୟ ଏବଂ ସ୍ଥିର ଶକ୍ତି ଯୋଗାଣ” ର ମହତ୍ୱ ବୁଝନ୍ତି ଏବଂ ନିରନ୍ତର ଅର୍ଥନୈତିକ ଅଭିବୃଦ୍ଧି ତଥା ଜଳବାୟୁ ପରିବର୍ତ୍ତନ ସହ ମୁକାବିଲା କରିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ ଅଟେ।
ସେ କହିଛନ୍ତି, “ପ୍ରଧାନମନ୍ତ୍ରୀ କିଶିଦା ଭାରତର ଜଣେ ପୁରୁଣା ବନ୍ଧୁ। ସେ ଜାପାନର ବୈଦେଶିକ ମନ୍ତ୍ରୀ ଥିବା ସମୟରେ ତାଙ୍କ ସହ ମତ ବିନିମୟ କରିବାର ସୁଯୋଗ ପାଇଥିଲି। ଜାପାନ ଭାରତର ସବୁଠାରୁ ବଡ ନିବେଶକ ଅଟେ। ଆମେ 3.5 ଟ୍ରିଲିୟନ ୟନର ପୁଞ୍ଜି ବିନିଯୋଗ ଲକ୍ଷ୍ୟକୁ ଅତିକ୍ରମ କରିଛୁ ଏବଂ ଆମେ ଆମର ଆକାଂକ୍ଷାକୁ ବଢ଼ାଇବାକୁ ନିଷ୍ପତ୍ତି ନେଇଛୁ। ଆସନ୍ତା ପାଞ୍ଚ ବର୍ଷ ମଧ୍ୟରେ ଆମେ 5 ଟ୍ରିଲିୟନ୍ ୟେନ୍ ଅର୍ଥାତ୍ ପ୍ରାୟ 3.20 ଲକ୍ଷ କୋଟି ପାଇଁ ଏକ ନୂତନ ବିନିଯୋଗ ଲକ୍ଷ୍ୟ ସ୍ଥିର କରିଛୁ।
ପ୍ରଧାନମନ୍ତ୍ରୀ କହିଛନ୍ତି ଯେ COVID-19 ର କୁପ୍ରଭାବକୁ ନେଇ ବିଶ୍ୱ ଏବେ ବି ମୁକାବିଲା କରୁଛି। “ବିଶ୍ୱର ଆର୍ଥିକ ସଂସ୍କାର ପ୍ରକ୍ରିୟାରେ ବାଧା ଉପୁଜିଛି। ଭୌଗୋଳିକ ବିକାଶ ମଧ୍ୟ ନୂତନ ଆହ୍ୱାନ ଉପସ୍ଥାପନ କରୁଛି। ଏହି ପରିପ୍ରେକ୍ଷୀରେ କେବଳ ଭାରତ ଏବଂ ଜାପାନ ପାଇଁ ଦ୍ୱିପାକ୍ଷିକ ଭାଗିଦାରୀକୁ ମଜବୁତ କରିବା ନୁହେଁ ବରଂ ଭାରତରେ ଶାନ୍ତି, ସମୃଦ୍ଧତା ଆଣିବା ମଧ୍ୟ ଗୁରୁତ୍ୱପୂର୍ଣ୍ଣ ଅଟେ। ପ୍ରଶାନ୍ତ ଅଞ୍ଚଳ ଏବଂ ବିସ୍ବରେ ସେ କହିଛନ୍ତି।
ଡେଡିକେଟସ ମାଲ ପରିବହନ କରିଡର ଏବଂ ମୁମ୍ବାଇ-ଅହମ୍ମଦାବାଦ ହାଇ ସ୍ପିଡ୍ ରେଳ ପ୍ରକଳ୍ପ ଭଳି ପ୍ରମୁଖ ପ୍ରକଳ୍ପରେ ଜାପାନ ମହତ୍ୱ ପୂର୍ଣ ଅବଦାନ ରଖିଛି। ପ୍ରଧାନମନ୍ତ୍ରୀ କହିଛନ୍ତି ଯେ ମୁମ୍ବାଇ-ଅହମ୍ମଦାବାଦ ହାଇ ସ୍ପିଡ ରେଳ ଉପରେ ଭଲ ଅଗ୍ରଗତି କରାଯାଉଛି।
ଜାପାନର ପ୍ରଧାନମନ୍ତ୍ରୀ ଭାବରେ ଭାରତ ଗସ୍ତ ପାଇଁ କିଶିଦା ଆଜି ଜାତୀୟ ରାଜଧାନୀରେ ପହଞ୍ଚିଛନ୍ତି। ଅକ୍ଟୋବର 2018 ରେ ଟୋକିଓରେ ଶେଷ ଭାରତ-ଜାପାନ ବାର୍ଷିକ ସମ୍ମିଳନୀ ଅନୁଷ୍ଠିତ ହୋଇଥିଲା।