ବିଶ୍ୱର ଟପ ମୋଷ୍ଟ ଟେକ୍ନୋଲୋଜି କମ୍ପାନୀମାନଙ୍କ ମଧ୍ୟରୁ ଗୋଟିଏ ମାଇକ୍ରୋସଫ୍ଟର ସିଇଓ ସତ୍ୟା ନଡେଲାଙ୍କ ୨୬ ବର୍ଷୀୟ ପୁଅ ଜେନ ନଡେଲାଙ୍କର ମୃତ୍ୟୁ ହୋଇଯାଇଛି | ଜେନ ନଡେଲାଙ୍କୁ ଜନ୍ମରୁ ହିଁ ସେରେବ୍ରଲ ପାଲ୍ସି ରୋଗ ଥିଲା |
ମାଇକ୍ରୋସଫ୍ଟ ଅନୁଯାୟୀ ଜେନଙ୍କର ସୋମବାର ଦିନ ସକାଳେ ମୃତ୍ୟୁ ହୋଇଛି | କମ୍ପାନୀ ନିଜ ଷ୍ଟାଫଙ୍କୁ ମେଲ କରି ଏହି ଦୁଖଦ ସୂଚନା ଦେଇଛି | ନିଜ ପୁଅ କାରଣରୁ ହିଁ ୨୦୧୪ ରେ ମାଇକ୍ରୋସଫ୍ଟର ସିଇଓ ହେବା ପରଠାରୁ ସତ୍ୟା ନଡେଲା କମ୍ପାନୀର ପ୍ରଡକ୍ଟକୁ ଏହିପରି ଡିଜାଇନ କରିବା ଉପରେ ଧ୍ୟାନ କେନ୍ଦ୍ରିତ କରିଥିଲେ, ଯେପରିକି ଦିବ୍ୟାଙ୍ଗ ବ୍ୟବହାରକାରୀଙ୍କୁ ମଧ୍ୟ ଉତ୍ତମ ସେବା ଯୋଗାଇ ଦିଆଯାଇପାରିବ | ଏହି କାମରେ ସେ ଜେନଙ୍କ ସେବା କରିବା ସମୟରେ ମିଳିଥିବା ଅନୁଭବର ସାହାଯ୍ୟ ନେଲେ | ବୟାନରେ କୁହାଯାଇଛି ଯେ ଜେନ ସଂଗୀତକୁ ବହୁତ ଭଲ ପାଉଥିଲେ |
ଜେନଙ୍କର ଅଧିକାଂଶ ସମୟ ଆମେରିକାର ସିଏଟଲରେ ଥିବା ଶିଶୁ ହସ୍ପିଟାଲରେ ବିତିଥିଲା | ଏଠାରେ ଗତ ବର୍ଷ ସତ୍ୟା ନଡେଲା ଜେନ ନଡେଲା ନ୍ୟୁରୋ ସାଇନ୍ସେସ ସେଣ୍ଟର ପ୍ରତିଷ୍ଠା କରିଥିଲେ, ଯେପରିକି ମସ୍ତିଷ୍କ ରୋଗ ଉପରେ ସମନ୍ୱିତ ଅନୁସନ୍ଧାନ କରାଯାଇପାରିବ | ଏହି ହସ୍ପିଟାଲର ସିଇଓ ଜେଫ ସ୍ପ୍ରିଙ୍ଗ ତାଙ୍କ ବାର୍ତ୍ତାରେ ଲେଖିଛନ୍ତି ଯେ ଜେନ ସଂଗୀତକୁ ଭଲଭାବେ ଜାଣିଥିଲେ | ତାଙ୍କ ହସ ଏବଂ ନିଜ ପରିବାର ଏବଂ ପ୍ରିୟଜନଙ୍କୁ ତାଙ୍କ ଦ୍ୱାରା ଦିଆଯାଇଥିବା ଖୁସି ପାଇଁ ସ୍ମରଣୀୟ ରହିବେ |
ଜେନ ସେରେବ୍ରଲ ପଲ୍ସି(CP) ନାମକ ରୋଗରେ ପୀଡିତ ଥିଲେ | ଏହି ରୋଗ ମସ୍ତିଷ୍କର ଅସ୍ୱାଭାବିକ ବିକାଶ କିମ୍ବା ସେହି ଅଙ୍ଗକୁ କ୍ଷତି ପହଞ୍ଚାଇବାର କାରଣ ହୋଇଥାଏ, ଯାହାଦ୍ୱାରା ଶରୀରର ସଂଚାଳନ ଏବଂ ସନ୍ତୁଳନ ରହିଥାଏ | ଏହି କାରଣରୁ ପୀଡିତ ବ୍ୟକ୍ତି ମାଂସପେଶୀଗୁଡିକର ସାଧାରଣ ଭାବରେ ସଂଚାଳନ କିମ୍ବା ନିୟନ୍ତ୍ରଣ କରିପାରେ ନାହିଁ | ସେରେବ୍ରଲ ପଲ୍ସି ଦ୍ୱାରା ପୀଡିତ ପିଲାମାନଙ୍କ ମଧ୍ୟରେ ମାନସିକ ରୋଗ, ଶିକ୍ଷଣ ଅକ୍ଷମତା, ଦେଖିବା, ଶୁଣିବା ଏବଂ କହିବାରେ ସମସ୍ୟା ଆସିଥାଏ |
ଜେନଙ୍କ ରୋଗ ସତ୍ୟା ନଡେଲାଙ୍କ ଉପରେ ଗଭୀର ପ୍ରଭାବ ପକାଇଲା :-
ସତ୍ୟା ନଡେଲା ୨୦୧୪ ମସିହାରୁ ମାଇକ୍ରୋସଫ୍ଟର ସିଇଓ ଅଟନ୍ତି |ସେ ଅନେକ ଅବସରରେ କୁହନ୍ତି ଯେ ତାଙ୍କ କ୍ୟାରିୟରରେ ପୁଅ ଜେନଙ୍କର ବହୁତ ଯୋଗଦାନ ରହିଛି | ସେ ଥରେ କହିଥିଲେ, ‘ଜେନ ଜନ୍ମ ହେବାପରେ ମୋ ପାଇଁ ସବୁ ଜିନିଷ ବଦଳିବାକୁ ଲାଗିଲା | ତା ଜନ୍ମ ସବୁ ଜିନିଷ ଉପରେ ପ୍ରଭାବ ପକାଇଲା | ମୁଁ କିପରି ଭାବୁଛି, କିପରି ଲିଡ଼ କରୁଛି ଏବଂ କିପରି ଭାବେ ଲୋକମାନଙ୍କ ସହିତ ରିଲେଟ କରୁଛି…ଏସବୁ ଜେନ ଆସିବା ପରେ ବଦଳିଗଲା |’
ସତ୍ୟା ନଡେଲାଙ୍କ ସ୍ତ୍ରୀ ଅନୁ ନଡେଲା ଥରେ କହିଥିଲେ ଯେ ତାଙ୍କ ପୁଅ ଜେନଙ୍କୁ ବଞ୍ଚାଇବାରେ ଟେକ୍ନୋଲୋଜିର ଗୁରୁତ୍ୱପୂର୍ଣ୍ଣ ଭୂମିକା ରହିଛି | ଏହି କାରଣରୁ ତାଙ୍କ ପରିବାରରେ ଟେକ୍ନୋଲୋଜିକୁ ଅଧିକ ଭ୍ୟାଲ୍ୟୁ ଦିଆଯାଇଛି | ସେ କହିଥିଲେ ଯେ ତାଙ୍କ ଘରେ ପୁଅ ଜେନ ଏବଂ ଦୁଇ ଝିଅ ଏବଂ ସତ୍ୟା ନଡେଲା ସବୁବେଳେ ପରସ୍ପର ମଧ୍ୟରେ ଟେକ୍ନୋଲୋଜି ଉପରେ କଥାବାର୍ତ୍ତା କରୁଥିଲେ |