ଯେତେବେଳେ ବି ଆମେ ସାଉଣ୍ଡ ସହିତ ଜଡିତ ଉପକରଣ କିଣିବା ବିଷୟରେ ଚିନ୍ତା କରନ୍ତି, ସେତେବେଳେ ମୁଣ୍ଡକୁ ସର୍ବପ୍ରଥମେ ବ୍ରାଣ୍ଡ ‘ବୋଟ’ ଆସିଥାଏ | ଏହି ବ୍ରାଣ୍ଡ ମାର୍କେଟରେ ଭଲ ଚାଲିଛି | ଏହାର ଦାମ, ଟ୍ରେଣ୍ଡି ଷ୍ଟାଇଲ ଏବଂ ଭଲ କ୍ୱାଲିଟି କାରଣରୁ ଏହା ଅନେକ ଯୁବପିଢ଼ିଙ୍କର ଫେଭରେଟ ବ୍ରାଣ୍ଡ ଅଟେ |
୭୦୦ କୋଟି ଟଙ୍କାର ମାଲିକ ଅଟନ୍ତି ବୋଟର କୋ ଫାଉଣ୍ଡର ଅମନ ଗୁପ୍ତା :-
ବୋଟର ପ୍ରତିଷ୍ଠା ୨୦୧୫ ମସିହାରେ ଅମନ ଗୁପ୍ତା କରିଥିଲେ | ସେ ଏହି କମ୍ପାନୀର କୋ-ଫାଉଣ୍ଡର ଏବଂ CMO ଅଟନ୍ତି | ମାତ୍ର ୫ ବର୍ଷ ମଧ୍ୟରେ ଅମନ ନିଜ କମ୍ପାନୀର ସେଲ ୫୦୦ କୋଟିରୁ ଉପରେ ପହଞ୍ଚାଇ ଦେଇଥିଲେ | ସେହିପରି ଅମନଙ୍କ ବ୍ୟକ୍ତିଗତ ସମ୍ପତ୍ତି ବିଷୟରେ କହିବାକୁ ଗଲେ ସେ ୭୦୦ କୋଟି ଟଙ୍କାର ମାଲିକ ଅଟନ୍ତି |
ସାର୍କ ଟ୍ୟାଙ୍କ ଇଣ୍ଡିଆ ଦ୍ୱାରା ହେଲେ ଆହୁରି ଫେମସ :-
ନିକଟରେ ସୋନି ଟେଲିଭିଜନରେ ପ୍ରସାରିତ ହୋଇଥିବା ଟିଭି ରିୟଲିଟି ଶୋ ସାର୍କ ଟ୍ୟାଙ୍କ ଇଣ୍ଡିଆରେ ଅମନ ଜଜ ମଧ୍ୟ ଥିଲେ | ଏହି ଶୋରେ ତାଙ୍କର ଷ୍ଟାଇଲ ଏବଂ ଦ୍ରୁତ ବୁଦ୍ଧିକୁ ଲୋକମାନେ ବହୁତ ପସନ୍ଦ କରିଥିଲେ | ଏପରି ପରିସ୍ଥିତିରେ ଆଜି ଆମେ ଆପଣଙ୍କୁ ଅମନ ଗୁପ୍ତାଙ୍କ ଲାଇଫ ସହିତ ଜଡିତ କିଛି କୌତୁହଳପୂର୍ଣ୍ଣ କଥା କହିବାକୁ ଯାଉଛୁ |
ସବୁଠାରୁ କମ ବୟସରେ କଲେ CA କରିବାର ରେକର୍ଡ :-
ଅମନ ଗୁପ୍ତା ଜଣେ ଭଲ ବିଜନେସମ୍ୟାନ ହେବା ସହିତ CA ମଧ୍ୟ ଅଟନ୍ତି | ସବୁଠାରୁ କମ ବୟସରେ CA ର ପରୀକ୍ଷା କ୍ଲିୟର କରିଥିବା ଇଣ୍ଡିଆନ ରେକର୍ଡରେ ତାଙ୍କ ନାମ ରହିଛି |ଦେଶର ସବୁଠାରୁ ସଫଳ ବିଜନେସମ୍ୟାନଙ୍କ ଲିଷ୍ଟରେ ସାମିଲ ଅମନଙ୍କ ଜନ୍ମ ମାର୍ଚ୍ଚ ୪ ତାରିଖ ୧୯୮୨ ରେ ଦିଲ୍ଲୀରେ ହୋଇଥିଲା | ୪୦ ବର୍ଷୀୟ ଅମନ ଗୋଟିଏ ମିଡିଲ କ୍ଲାସ ହିନ୍ଦୁ ପରିବାରର ଅଟନ୍ତି |
ପିଲାଦିନରୁ ଥିଲା ଏଣ୍ଟରପ୍ରେନ୍ୟୋର ହେବାର ସ୍ୱପ୍ନ :-
ଅମନ ପିଲାଦିନରୁ ହିଁ ଏଣ୍ଟରପ୍ରେନ୍ୟୋର ହେବାକୁ ଚାହୁଁଥିଲେ | ସେ ନିଜର ଆରମ୍ଭ ପାଠପଢା ଦିଲ୍ଲୀ ପବ୍ଲିକ ସ୍କୁଲରୁ ହିଁ କରିଥିଲେ | ପରବର୍ତ୍ତୀ ପାଠପଢା ପାଇଁ ସେ ଦିଲ୍ଲୀ ୟୁନିଭର୍ସିଟି ଗଲେ | ଏଠାରେ ସେ ଆଇସିଏଆଇରୁ CA ର ଷ୍ଟଡି କରିବାକୁ ଲାଗିଲେ | ଏହାପରେ ସେ ଇଣ୍ଡିଆନ ସ୍କୁଲ ଅଫ ବିଜନେସରେ ଫାଇନାନ୍ସ ଆଣ୍ଡ ସ୍ଟ୍ରାଟେଜିରୁ MBA କଲେ |
ଏହିପରି ଆରମ୍ଭ କଲେ କ୍ୟାରିୟର :-
ଅମନ ଗୁପ୍ତା KPMG ସହିତ ନିଜ କ୍ୟାରିୟର ଆରମ୍ଭ କଲେ | ଏଠାରେ ସେମାନେ ଗୋଟିଏ କାର୍ଯ୍ୟକାରୀ ପରାମର୍ଶଦାତାର ଜବ କରୁଥିଲେ | ତାପରେ ସେ ସିଟି ବ୍ୟାଙ୍କରେ ସହାୟକ ନିର୍ଦେଶକ ଚାକିରୀ କରିବାକୁ ଲାଗିଲେ | ତାପରେ ସେ ଆଡ଼ଭାନ୍ସଡ଼ ଟେଲିମିଡ଼ିଆ ପ୍ରାଇଭେଟ ଲିମିଟେଡ଼ର ସହ-ପ୍ରତିଷ୍ଠିତ କଲେ | ପରେ ସେ ଏହି କମ୍ପାନୀର ସିଇଓ ହେଲେ |
ଅମନ ୨୦୧୨ ରୁ ୨୦୧୩ ପର୍ଯ୍ୟନ୍ତ ଅନ୍ୟ ଏକ ଜବ ମଧ୍ୟ କଲେ | ତାପରେ ସେ ଇମେଜିନ ମାର୍କେଟିଙ୍ଗ ଇଣ୍ଡିଆର ପ୍ରତିଷ୍ଠାତା ହେଲେ | ଏହି ବିଜନେସ କ୍ୟାରିୟର ସମୟରେ ସେ ଇଣ୍ଟରନେଟ ଆଣ୍ଡ ମୋବାଇଲ ଏସୋସିଏସନ ଏ ଇଣ୍ଡିଆର ବୋର୍ଡ ଅଧ୍ୟକ୍ଷ ମଧ୍ୟ ହେଲେ |
୨୦୧୫ ମସିହାରେ ବୋଟର ପ୍ରତିଷ୍ଠା :-
ଅନେକ ସ୍ଥାନରେ ନିଜର ଚପଲ ଘଷିବା ପରେ ଅମନ ଗୁପ୍ତା ୨୦୧୫ ମସିହାରେ ବୋଟ କମ୍ପାନୀ ପ୍ରତିଷ୍ଠା କଲେ | ସେତେବେଳେ ତାଙ୍କ ବୟସ ୩୫ ବର୍ଷ ଥିଲା | ବୋଟ ଗୋଟିଏ ଇଣ୍ଡିଆନ ଇଲେକ୍ଟ୍ରୋନିକ କମ୍ପାନୀ ଅଟେ | ଏହା ହେଡ଼ଫୋନ, ବ୍ଲ୍ୟଟୁଥ, ଇୟରଫୋନ, ସ୍ପିକର, ସ୍ମାର୍ଟ ୱାଚ ଭଳି ପ୍ରଡକ୍ଟ ତିଆରି କରିଥାଏ | ଅମନ ନିଜର ପରିଶ୍ରମ ଏବଂ ମଜବୁତ ମାର୍କେଟିଙ୍ଗ ରଣନୀତି ଦ୍ୱାରା ବୋଟ କମ୍ପାନୀକୁ ମାତ୍ର ୫ ବର୍ଷ ମଧ୍ୟରେ ଗୋଟିଏ ବଡ଼ କମ୍ପାନୀ କରିଦେଲେ |
୫ ବର୍ଷ ମଧ୍ୟରେ କମ୍ପାନୀର ସେଲ ନେଇଗଲା ୫୦୦ କୋଟି ଟଙ୍କା ଉପରକୁ :-
୨୦୧୭ ମସିହାରେ ତାଙ୍କ କମ୍ପାନୀର ସେଲ ୨୭ କୋଟି ଟଙ୍କା ପାଖାପାଖି ଥିଲା | ତାପରେ ୨୦୧୮ ରେ ଏହା ବୃଦ୍ଧି ପାଇଁ ୧୦୮ କୋଟି ଟଙ୍କା ହୋଇଗଲା | ସେହିପରି ୨୦୨୦ ରେ ଅମନ ଏହି କମ୍ପାନୀର ସେଲକୁ ୫୦୦ କୋଟି ଟଙ୍କା ଉପରକୁ ନେଇଗଲେ | ଆଜି ସେ ଅନେକ ନୂତନ ଏଣ୍ଟରପ୍ରେନ୍ୟୋରଙ୍କ ପାଇଁ ପ୍ରେରଣା ଅଟନ୍ତି |