ମୋଟାପଣ ପାଇଁ ଚିନ୍ତିତ ଲୋକଙ୍କ ପାଇଁ ସରକାର ପ୍ରସ୍ତୁତ କରୁଛନ୍ତି ପ୍ଲାନ, ଏହି ଟେକ୍ନୋଲୋଜିର ହେବ ବ୍ୟବହାର,ଜାଣନ୍ତୁ ସମ୍ପୂର୍ଣ ସୂଚନା

ଭାରତୀୟଙ୍କ ମଧ୍ୟରେ ମୋଟାପଣକୁ ନେଇ ଚିନ୍ତା ମଧ୍ୟରେ ନୀତି ଆୟୋଗ ଅଧିକ ଚିନି, ଚର୍ବି ଏବଂ ଲୁଣଥିବା ଖାଦ୍ୟ ପଦାର୍ଥ ଉପରେ ଟିକସ ଏବଂ ‘ଫ୍ରଣ୍ଟ-ଅଫ-ଦ-ପ୍ୟାକ ଲେଭଲିଙ୍ଗ’ ଭଳି ପଦକ୍ଷେପ ନେବାକୁ ପ୍ରସ୍ତାବ ଉପରେ ବିଚାର କରୁଛି | ‘ଫ୍ରଣ୍ଟ-ଅଫ-ଦ-ପ୍ୟାକ ଲେଭଲିଙ୍ଗ’ ଦ୍ୱାରା ଗ୍ରାହକଙ୍କୁ ଅଧିକ ଚିନି, ଲୁଣ ଏବଂ ଚର୍ବି ଥିବା ଉତ୍ପାଦକୁ ଚିହ୍ନଟ କରିବାରେ ସାହାଯ୍ୟ କରେ |

ରିପୋର୍ଟରେ ହେଲା ଖୁଲାସା :-

ସରକାରୀ ଅନୁସନ୍ଧାନ ପ୍ରତିଷ୍ଠାନ ନୀତି ଆୟୋଗର ୨୦୨୧-୨୨ ର ବାର୍ଷିକ ରିପୋର୍ଟରେ କୁହାଯାଇଛି ଯେ ଦେଶର ଜନସଂଖ୍ୟା ମଧ୍ୟରେ ମୋଟାପଣର ବଢୁଥିବା ସମସ୍ୟା ସହିତ ମୁକାବିଲା ପାଇଁ ଏଭଳି ପଦକ୍ଷେପ ଉପରେ ବିଚାର ଚାଲିଛି | ଆୟୋଗ ରିପୋର୍ଟରେ କହିଛି ଯେ ଭାରତରେ ଶିଶୁ, କିଶୋର ଏବଂ ମହିଳାମାନଙ୍କ ମଧ୍ୟରେ ଅଧିକ ଓଜନ ଏବଂ ମୋଟାପଣର ସମସ୍ୟା ଲଗାତାର ବଢୁଛି |

IEG ଏବଂ PHFI ଏଥିପାଇଁ କାମ କରୁଛି :-

ରିପୋର୍ଟରେ କୁହାଯାଇଛି, ‘ଜୁନ ୨୪ ତାରିଖ ୨୦୨୧ ରେ ନୀତି ଆୟୋଗର ସଦସ୍ୟ(ସ୍ୱାସ୍ଥ୍ୟ)ଙ୍କ ଅଧ୍ୟକ୍ଷତାରେ ମାଆମାନଙ୍କୁ, କିଶୋର ଏବଂ ପିଲାମାନଙ୍କୁ ମେଦବହୁଳତାରୁ ରକ୍ଷା କରିବା ପାଇଁ ଜାତୀୟ ସ୍ତରରେ ଏକ ବିଚାର ବିଚାର-ବିମର୍ଶର ଆୟୋଜନ କରାଯାଇଥିଲା | ଏଥିରେ କୁହାଯାଇଛି ଯେ ଇନଷ୍ଟିଚ୍ୟୁଟ ଅଫ ଇକୋନୋମିକ ଡେଭଲପମେଣ୍ଟ (IEG) ଏବଂ ଭାରତୀୟ ସାର୍ବଜନିକ ସ୍ୱାସ୍ଥ୍ୟ ସଂଗଠନ (PHFI) ର ସହଯୋଗରେ ନୀତି ଆୟୋଗ ଏହି ଦିଗରେ କାମ କରୁଛି | ଏହା ମାଧ୍ୟମରେ ଉପଲବ୍ଧ ପ୍ରମାଣ ଆଧାରରେ ନିଆଯିବାକୁ ଥିବା ପଦକ୍ଷେପଗୁଡିକ ଚିହ୍ନଟ କରାଯାଉଛି |

ଏହି ଉପାୟରେ ଚାଲିଛି ବିଚାର :-

ଏହି ଉପାୟଗୁଡିକ ଅନୁଯାୟୀ ଫ୍ରଣ୍ଟ-ଅଫ-ଦ-ପ୍ୟାକ ଲେଭଲିଙ୍ଗ, HFSS (ଉଚ୍ଚ ଚିନି, ଲୁଣ ଏବଂ ଚର୍ବିଜାତ ଦ୍ରବ୍ୟ) ଉତ୍ପାଦର ବିଜ୍ଞାପନ ଏବଂ ଅଧିକ ଚିନି, ଚର୍ବି ଏବଂ ଲୁଣ ସହିତ ଉତ୍ପାଦଗୁଡିକ ଉପରେ ଟ୍ୟାକ୍ସ କରିବା ସାମିଲ ରହିଛି | ଅଣ-ବ୍ରାଣ୍ଡେଡ ନମକିନ୍, ଭୁଜିଆ, ଭେଜିଟେବଲସ ଚିପ୍ସ ଏବଂ ସ୍ନାକ୍ସ ଉପରେ ପାଞ୍ଚ ପ୍ରତିଶତ GST ଲାଗୁଥିବାବେଳେ ବ୍ରାଣ୍ଡେଡ ଏବଂ ପ୍ୟାକେଜ ବନ୍ଦ ଉତ୍ପାଦଗୁଡିକ ପାଇଁ GST ହାର ୧୨ ପ୍ରତିଶତ ଅଟେ |

ଲଗାତାର ବଢୁଛି ମୋଟାପଣରେ ଗ୍ରାସିତ ଲୋକଙ୍କ ସଂଖ୍ୟା :-

ଜାତୀୟ ପରିବାର ସ୍ୱାସ୍ଥ୍ୟ ସର୍ବେକ୍ଷଣ (NFHS-5) ୨୦୧୯-୨୦ ଅନୁଯାୟୀ, ମୋଟାପଣ ଦ୍ୱାରା ଗ୍ରାସିତ ମହିଳାଙ୍କ ସଂଖ୍ୟା ବୃଦ୍ଧି ପାଇ ୨୪ ପ୍ରତିଶତ ହୋଇଯାଇଛି, ଯାହାକି ୨୦୧୫-୧୬ ମସିହାରେ ୨୦.୬ ପ୍ରତିଶତ ଥିଲା | ଏହାସହିତ ପୁରୁଷକଙ୍କ ମାମଲାରେ ଏହି ସଂଖ୍ୟା ୧୮.୪ ପ୍ରତିଶତରୁ ବୃଦ୍ଧି ପାଇ ୨୨.୯ ପ୍ରତିଶତ ହୋଇଯାଇଛି |