ବର୍ତ୍ତମାନ ସମୟର ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡର ଅଧ୍ୟକ୍ଷ ସୌରଭ ଗାଙ୍ଗୁଲି ଓ ଭାରତୀୟ ଦଳର ପୂର୍ବତନ ଅଧିନାୟକ ବିରାଟ କୋହଲିଙ୍କ ମଧ୍ୟରେ ବିବାଦ ଜାରି ରହିଛି। ଭାରତୀୟ ଦଳର ଟେଷ୍ଟ ଅଧିନାୟକତ୍ୱ ଛାଡିବା ପରେ କୋହଲି ଏହି କଳ୍ପନାକୁ ଆହୁରି ତୀବ୍ର କରିଦେଇଛନ୍ତି।
ସୌରଭ ଗାଙ୍ଗୁଲି ପୂର୍ବରୁ କହିଥିଲେକି, ସେ ବିରାଟ କୋହଲିଙ୍କୁ ଟି-୨୦ର ଅଧିନାୟକ ଭାବରେ ଜାରି ରଖିବାକୁ କହିଥିଲେ କିନ୍ତୁ କୋହଲି ତାଙ୍କର କଥାକୁ ପ୍ରତ୍ୟାଖ୍ୟାନ କରିଦେଇଛନ୍ତି। କୋହଲିଙ୍କ ଅନୁସାରେ, ଯେତେବେଳେ ସେ ଟି-୨୦ ଫର୍ମାଟର ଅଧିନାୟକତ୍ୱରୁ ଇସ୍ତଫା ଦେଇଥିଲେ, ସେତେବେଳେ ସମସ୍ତେ ତାଙ୍କର ନିଷ୍ପତ୍ତିକୁ ଗ୍ରହଣ କରିଥିଲେ ଓ ତାଙ୍କୁ ଅଧିନାୟକ ପଦରୁ ନ ହଟିବା ପାଇଁ ମଧ୍ୟ କେହି କେବେବି କହିନଥିଲେ।
ଏହା ପରେ ବିବାଦ ଏତେମାତ୍ରାରେ ବଢ଼ିଯାଇଥିଲାଯେ କୋହଲିଙ୍କୁ ଦିନକିଆ ଦଳରର ଅଧିନାୟକ ପଦରୁ ହଟାଇ ଦିଆଯାଇଥିଲା ଓ ସେ ବର୍ତ୍ତମାନ ଟେଷ୍ଟ ଦଳର ଅଧିନାୟକତ୍ୱରୁ ମଧ୍ୟ ଛୁଟି ନେଇଛନ୍ତି। ସୋସିଆଲ ମିଡିଆରେ ଭାରତୀୟ ଦଳରେ ଚାଲିଥିବା ଏହି ବିବାଦ ପାଇଁ ଅନେକ ଲୋକ ସୌରଭ ଗାଙ୍ଗୁଲିଙ୍କୁ ମଧ୍ୟ ଦାୟୀ କରୁଛନ୍ତି ଓ କେହି କେହି କୋହଲି ଓ ରବି ଶାସ୍ତ୍ରୀଙ୍କୁ ନେଇ ଏହି ବିବାଦର କାରଣ କରୁଛନ୍ତି।
ଏଠାରେ ଜଣାଇଦେଉଛୁଯେ, ସୌରଭ ଗାଙ୍ଗୁଲି ଏହାପୂର୍ବରୁ ମଧ୍ୟ ବିବାଦରେ ଜଡିତ ଥିଲେ। ଭାରତୀୟ ଦଳର ଅଧିନାୟକ ଥିବା ସମୟରେ ସେ ଅନେକ ଖେଳାଳିଙ୍କର କ୍ୟାରିଅର ସହିତ ଖେଳ କରିଥିବାର ଅଭିଯୋଗ ଆସିଥିଲା। ଆମେ ଆପଣଙ୍କୁ ଏପରି ୩ ଖେଳାଳିଙ୍କ ନାମ କହୁଛୁ, ଯେଉଁମାନେ ପ୍ରତିଭାବାନ ହୋଇ ମଧ୍ୟ ଅଧିକ ନାମ ଉପାର୍ଜନ କରିପାରିନଥିଲେ ସେଥିପାଇଁ ସେମାନଙ୍କୁ ଅକାଳରେ କ୍ରିକେଟରୁ ଅବସର ନେବାକୁ ପଡ଼ିଥିଲା।
– ଅଜିତ ଅଗରକର
– VVS ଲକ୍ଷ୍ମଣ
– ଜେପି ଯାଦବ
ଅଜିତ ଅଗରକର:-
ଅଜିତ ଅଗରକରଙ୍କୁ ଭାରତୀୟ ଦଳର ଏପରି ଏକ ଅଜ୍ଞାତ ହିରୋ ଭାବରେ ମନେ କରାଯାଏ ଯିଏକି ସମସ୍ତ ପ୍ରକାର ସଫଳତା ହାସଲ କରିଥିଲେ କିନ୍ତୁ ଅନ୍ତର୍ଜାତୀୟ କ୍ରିକେଟରେ ସେହି ସମ୍ମାନକୁ ସେ ହାସଲ କରି ପାରିନଥିଲେ, ଯାହାର ସେ ପ୍ରବଳ ହକଦାର ଥିଲେ।
ଅଜିତ ଅଗରକରଙ୍କୁ ୨୦୦୩ ମସିହା ବିଶ୍ୱକପ ଦଳରେ ସାମିଲ କରାଯାଇଥିଲା। ଏହି ଦଳ ଫାଇନାଲ ପହଞ୍ଚିଥିଲା। କିନ୍ତୁ ସୌରଭ ଗାଙ୍ଗୁଲିଙ୍କ ପାଇଁ ସେ ବିଶ୍ୱକପର ଗୋଟିଏ ମ୍ୟାଚରେ ମଧ୍ୟ ପ୍ଲେଇଙ୍ଗ ଇଲେଭେନରେ ସୁଯୋଗ ପାଇନଥିଲେ। ଅଗରକର ୧୯୯୯, ୨୦୦୩ ଏବଂ ୨୦୦୭ ମସିହାରେ ଭାରତ ପାଇଁ ବିଶ୍ୱକପ ଖେଳିଥିଲେ କିନ୍ତୁ ୨୦୦୩ ବିଶ୍ୱକପ ତାଙ୍କର କ୍ୟାରିୟରର ସବୁଠାରୁ ନିରାଶଜନକ ଟୁର୍ନାମେଣ୍ଟ ବୋଲି ପ୍ରମାଣିତ ହୋଇଥିଲା।
ଅଜିତ ଅଗରକର ଭାରତୀୟ ଦଳର ଅନେକ ଥର ଭିତର ବାହାର ହୋଇଛନ୍ତି କିନ୍ତୁ ସେ ଦଳରେ ସ୍ଥିରତା ପାଇନଥିଲେ। ୧୯୧ଟି ଦିନକିଆରେ ଅଗରକର ୨୮୮ ୱିକେଟ, ୨୬ ଟେଷ୍ଟରେ ୫୮ ୱିକେଟ ଏବଂ ୪ ଟି-୨୦ରେ ୩ଟି ୱିକେଟ ନେଇଥିଲେ।
୨୦୦୭ ମସିହା ଟି-୨୦ ବିଶ୍ୱକପ ଜିତିଥିବା ଦଳର ସଦସ୍ୟ ଥିଲେ। ଅଗରକର ୨୦୦୬ ମସିହାରେ ଶେଷ ଟେଷ୍ଟ ଓ ୨୦୦୭ ମସିହାରେ ଶେଷ ଦିନକିଆ ଖେଳିଥିଲେ। ଏହା ପରେ ସେ କେବେବି ସୁଯୋଗ ପାଇନଥିଲେ। ଗାଙ୍ଗୁଲିଙ୍କର ଅଧିନାୟକତ୍ୱରେ ତାଙ୍କୁ ଅଧିକାଂଶ ମ୍ୟାଚ୍ରେ ଦଳର ବେଞ୍ଚରେ ବସିବାକୁ ପଡିଥିଲା। ଏହି କାରଣରୁ ସେ ଦିନକିଆ ରେ ୩୦୦ ୱିକେଟ ନେବାରେ ମଧ୍ୟ ସଫଳତା ହାସଲ କରିପାରିନଥିଲେ।
ଭିଭିଏସ ଲକ୍ଷ୍ମଣ:-
ଭିଭିଏସ ଲକ୍ଷ୍ମଣ ଥରେ ଦିନକିଆରେ ଚମତ୍କାର ବ୍ୟାଟିଂ କରୁଥିଲେ କିନ୍ତୁ ୨୦୦୩ ଦିନକିଆ ବିଶ୍ୱକପରେ ତାଙ୍କୁ ଆଦୌ ସୁଯୋଗ ମିଳିନଥିଲା। ତାଙ୍କ ସ୍ଥାନରେ ଦୀନେଶ ମୋଙ୍ଗିଆଙ୍କୁ ମଧ୍ୟ ଚୟନ କରାଯାଇଥିଲା। ଏହା ପରେ ଲକ୍ଷ୍ମଣ ତତ୍କାଳୀନ ଅଧିନାୟକ ସୌରଭ ଗାଙ୍ଗୁଲିଙ୍କ ଉପରେ ଏତେ ରାଗି ଯାଇଥିଲେ ଯେ ସେ ଅବସର ନେବାକୁ ଯାଉଥିଲେ।
ଲକ୍ଷ୍ମଣ ଦିନକିଆରେ ଅନେକ ସ୍ମରଣୀୟ ଇନିଂସ ଖେଳିଥିଲେ କିନ୍ତୁ ଅଧିନାୟକ ସୌରଭ ଗାଙ୍ଗୁଲିଙ୍କର ବିଶ୍ୱାସକୁ ଜିତିପାରିନଥିଲେ। ଶେଷରେ, ଲକ୍ଷ୍ମଣଙ୍କୁ ଟେଷ୍ଟ ବ୍ୟାଟ୍ସମ୍ୟାନ୍ସ ଟ୍ୟାଗ ସହିତ କ୍ୟାରିଅର୍ ଶେଷ କରିବାକୁ ପଡିଥିଲା। ୨୦୧୨ ମସିହାରେ ଅନ୍ତର୍ଜାତୀୟ କ୍ରିକେଟରୁ ବିଦାୟ ନେଇଥିବା ଲକ୍ଷ୍ମଣ ୨୦୦୬ ମସିହାରେ ଶେଷ ଥର ପାଇଁ ଦିନକିଆ ମ୍ୟାଚ୍ ଖେଳିଥିଲେ, ଯାହା ପରେ ତାଙ୍କୁ ଦିନକିଆ ଦଳରେ କୌଣସି ପ୍ରକାର ସୁଯୋଗ ମିଳିନଥିଲା।
ଜେପି ଯାଦବ:-
ଜୟପ୍ରକାଶ ଯାଦବ ଓରଫ ଜେପି ଯାଦବଙ୍କୁ ୨୦୦୩ ମସିହା ବିଶ୍ୱକପ ଦଳରେ ରିଜର୍ଭ ଖେଳାଳିଙ୍କ ମଧ୍ୟରେ ତାଙ୍କୁ ସାମିଲ କରାଯାଇଥିଲା। ସେ ସମୁଦାୟ ୧୨ଟି ଦିନକିଆ ଖେଳି ମାତ୍ର ୬ଟି ୱିକେଟ ନେଇଥିଲେ।
ସେ ସୌରଭ ଗାଙ୍ଗୁଲିଙ୍କର ଅଧିନାୟକତ୍ୱରେ ଡେବ୍ୟୁ କରିଥିଲେ ଓ ୨୦୦୫ ମସିହାରେ ଶେଷ ମ୍ୟାଚ ଖେଳିଥିଲେ। ଏହା ପରେ ତାଙ୍କୁ ଭାରତୀୟ ଦଳରେ କୌଣସି ପ୍ରକାର ସୁଯୋଗ ମିଳିନଥିଲା। ସେ ୨୦ଟି ଦିନକିଆ ଇନିଂସରେ ୮୧ ରନ୍ ସଂଗ୍ରହ କରିଥିଲେ। ଜେପି ଯାଦବଙ୍କର ସର୍ବାଧିକ ସ୍କୋର ହେଉଛି ୬୯ ରନ।
ସେ ଦକ୍ଷିଣ ଆଫ୍ରିକା ବିପକ୍ଷରେ ନିଜର ଶେଷ ଦିନିକିଆ ଖେଳିଥିଲେ। ସୌରଭ ଗାଙ୍ଗୁଲିଙ୍କ ଉପରେ ସେ ଅଧିକ ଭରସା କରିନଥିଲେ, ଏହି କାରଣରୁ ସେ ଭବିଷ୍ୟତରେ ଭାରତୀୟ ଦଳରେ ମଧ୍ୟ ଅଧିକ ସୁଯୋଗ ପାଇନଥିଲେ।