Get real time updates directly on you device, subscribe now.
କିଛି ଦିନ ଧରି ଭୁଲ ଭାବରେ 11 ଥର କରୋନା ଭାଇରସର ଟୀକା ନେବାପରେ ହେଡଲାଇନକୁ ଆସିଥିବା ବିହାରର ମଧେପୁରା ଜିଲ୍ଲାର ବାସିନ୍ଦା 84 ବର୍ଷୀୟ ବ୍ରହ୍ମଦେବ ମଣ୍ଡଳ ଖୁବ୍ ଶୀଘ୍ର ଗିରଫ ହେବାକୁ ଯାଉଛନ୍ତି । ବ୍ରହ୍ମଦେବ ମଣ୍ଡଳଙ୍କ ବିରୋଧରେ ମଧେପୁରାର ପୁରେଇନି ଥାନାରେ ଜିଲ୍ଲା ସ୍ୱାସ୍ଥ୍ୟ ଅଧିକାରୀ ଡକ୍ଟର ବିନୟ କୃଷ୍ଣ ପ୍ରସାଦଙ୍କ ଅଭିଯୋଗ ପରେ ବିଭିନ୍ନ ଧାରା ଅନୁଯାୟୀ ମାମଲା ରୁଜ୍ଜୁ କରାଯାଇଛି ଏବଂ ବର୍ତ୍ତମାନ ତାଙ୍କୁ ଗିରଫ କରିବାପାଇଁ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉଛି ।
ବ୍ରହ୍ମଦେବ ମଣ୍ଡଳଙ୍କ ବିରୋଧରେ ଆଇପିସି ର ଧାରା 188, 419 ଏବଂ 420 ଅନୁଯାୟୀ ମାମଲା ରୁଜ୍ଜୁ ହୋଇଛି । ତେବେ ବୟସକୁ ଦର୍ଶାଇ ବ୍ରହ୍ମଦେବ ମଣ୍ଡଳଙ୍କୁ ଗିରଫ ହେବାପରେ ଜାମିନ ମିଳିପାରେ ।
କୁହାଯାଉଛି ଯେ ବ୍ରହ୍ମଦେବ ମଣ୍ଡଳ ଗତ ଦିନ ଗୁଡିକରେ ସେହି ସମୟରେ ହେଡଲାଇନକୁ ଆସି ଯାଇଥିଲେ, ଯେତେବେଳେ ସ୍ବାସ୍ଥ୍ୟ କର୍ମଚାରୀ ମାନେ ତାଙ୍କର ଚାଲକୁ ଧରି ନେଇଥିଲେ । ବ୍ରହ୍ମଦେବ ମଣ୍ଡଳଙ୍କୁ ନେଇ ଏହି କଥା ଖୁଲାସା ହୋଇଥିଲା ଯେ ଯେବେଠୁ କରୋନା ଟୀକା ଆସିଛି, ସେବେଠୁ ସେ ନିଜର ଆଧାର କାର୍ଡ ଏବଂ ଭୋଟର କାର୍ଡ ବ୍ୟବହାର କରି ବର୍ତ୍ତମାନ ସୁଦ୍ଧା 11 ଥର ଟୀକା ନେଇଛନ୍ତି ।
ଅଜବ କଥା ଏହା ଯେ ମଣ୍ଡଳଙ୍କ ପାଖରେ ଟୀକା ନେବାର ସମସ୍ତ ସୂଚନା ରହିଛି । ସେ ପ୍ରଥମ ଦୋଜ 2021 ଫେବୃଆରୀ 13 ତାରିଖରେ ନେଇଥିଲେ ଏବଂ ଡିସେମ୍ବର 2021 ସୁଦ୍ଧା ଶେଷ ଟୀକା ନେଇଥିଲେ । ତାଙ୍କ ପାଖରେ ସବୁ ଟୀକାକରଣର ତାରିଖ ସମୟ ଲେଖାଅଛି ।
ବ୍ରହ୍ମଦେବ ମଣ୍ଡଳ ଦାବି କରିଥିଲେ ଯେ 11 ଥର ଟୀକା ନେବାପରେ କିଛି ଗମ୍ଭୀର ରୋଗ ଗୁଡ଼ିକ ଠାରୁ ସେ ମୁକ୍ତି ପାଇଛନ୍ତି । ମଣ୍ଡଳ ଡାକ ବିଭାଗରେ ସେବାନିବୃତ ସରକାରୀ କର୍ମଚାରୀ ଅଟନ୍ତି ଏବଂ ଯେପରି ଭାବେ ସେ ଗତ 1 ବର୍ଷରେ 11 ଥର କରୋନା ଭାଇରସର ଟୀକା ନେଇଛନ୍ତି, ସେଥିରୁ ସ୍ବାସ୍ଥ୍ୟ ବିଭାଗର ଅବହେଳା ମଧ୍ୟ ସାମ୍ନାକୁ ଆସିଛି ।
