ଆପଣମାନଙ୍କ ମଳ ଅନ୍ୟମାନଙ୍କୁ କରିବ ଭଲ,ତେଣୁ ଆପଣମାନେ ଦାନ କରିବାକୁ ପ୍ରସ୍ତୁତ ଅଛନ୍ତି କି ?

ମଳ ଦାନର ଚାହିଦା ଏଥିପାଇଁ ବଢିଛି, ଏହା ମଣିଷର ଅନ୍ତନଳୀ ରୋଗର ଚିକିତ୍ସା କରିବ । ଯେଉଁମାନେ ଏହି ଦାନରେ ଯୋଗ ଦେଉଛନ୍ତି ସେମାନଙ୍କୁ ‘ଗୁଡ୍ ପୁ ଡୋନର୍ସ’ କୁହାଯାଉଛି । ଏହାର ଅର୍ଥ ହେଉଛି ଉଚ୍ଚମାନର ଦାନ କରାଯାଇଥିବା ମଳ ଆପଣଙ୍କ ପେଟ ଭିତରେ ଥିବା ଅନ୍ତନଳୀ ସମସ୍ୟାରୁ ମୁକ୍ତି ପାଇବ । କେବଳ ଏତିକି ନୁହେଁ, ଡିଜାଇନର୍ ଗୁଟ୍ ବ୍ୟାକ୍ଟେରିଆ ମଳ ମାଧ୍ୟମରେ ତିଆରି ହେବ, ଯାହାଦ୍ୱାରା ଲୋକଙ୍କ ପେଟ ସମ୍ବନ୍ଧୀୟ ରୋଗ ଦୂର ହୋଇପାରିବ। ଭଲ ମଳ ଦାତାମାନଙ୍କୁ ୟୁନିକର୍ନ କୁହାଯାଏ । ଭଲ ମଳ ଦାନ ସହିତ ଲୋକମାନେ ଫେକାଲ୍ ଟ୍ରାନ୍ସପ୍ଲାଣ୍ଟ ମଧ୍ୟ କରୁଛନ୍ତି । ମାନବ ମାଇକ୍ରୋବାୟୋମ୍ ଅର୍ଥାତ୍ ଅନ୍ତସ୍ଥ ମାଇକ୍ରୋବସ୍ ଉପରେ ନୂତନ ଅଧ୍ୟୟନ କରାଯାଉଛି । ଏହା ସହିତ ଅନ୍ତସ୍ଥ ଜୀବାଣୁରେ କିଛି ପରିବର୍ତ୍ତନ କରି ଲୋକଙ୍କ ସ୍ୱାସ୍ଥ୍ୟରେ ଉନ୍ନତି ହୋଇପାରିବ ।

ମାଇକ୍ରୋବସ୍ କେବଳ ଖାଇବା, ହଜମ କରିବା କାମ ନୁହେଁ ବରଂ ଆପଣଙ୍କ ମନୋବଳକୁ ମଧ୍ୟ ଠିକ୍ ରଖେ। ଏହା ସହିତ ଶାରୀରିକ ଏବଂ ମାନସିକ ସ୍ୱାସ୍ଥ୍ୟ କୁ ସୁସ୍ଥ ରଖିବାରେ ରୋଗ ପ୍ରତିରୋଧକ ଶକ୍ତି ବୃଦ୍ଧିରେ ମଧ୍ୟ ସାହାଯ୍ୟ କରେ । ଫାଷ୍ଟଫୁଡ୍ ପରି ଜିନିଷ ଆମ ସ୍ୱାସ୍ଥ୍ୟକୁ ନଷ୍ଟ କରୁଛି, ଯେଉଁ କାରଣରୁ ପେଟରେ ସମସ୍ୟା ବଢୁଛି।
ଅଷ୍ଟ୍ରେଲିଆର ଆଡିଲେଡରେ ଥିବା ବାୟୋମ୍ୟାଙ୍କର ସିଏମଓ ସାମ କୋଷ୍ଟେଲୋ ଏବଂ ମୁଖ୍ୟ କାର୍ଯ୍ୟନିର୍ବାହୀ ଥୋମାସ ମିଚେଲ ସୁସ୍ଥ ଲୋକଙ୍କୁ ଖୋଜୁଛନ୍ତି ଯାହାର ଉଚ୍ଚ ମାନର ଷ୍ଟୁଲ ଅଛି । ଡାକ୍ତରଙ୍କ ଦ୍ୱାରା ପରୀକ୍ଷା କରାଯିବା ପରେ ହିଁ ଏହି ଷ୍ଟୁଲକୁ ଦାନ ପାଇଁ ଅନୁମୋଦନ କରାଯିବ । ଯେଉଁମାନେ ମଳ ଦାନ କରିବାକୁ ଚାହୁଁଛନ୍ତି ସେମାନଙ୍କ ପାଇଁ ଏକ ୮ସପ୍ତାହ କାର୍ଯ୍ୟକ୍ରମ ସ୍ଥିର ହୋଇଛି ।