ପ୍ରଧାନମନ୍ତ୍ରୀଙ୍କ ସୁରକ୍ଷାରେ ତ୍ରୁଟି ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଉପରେ ବର୍ଷିଲେ ସିଦ୍ଧୁ, କହିଲେ ମୋଦି ୧୫ ମିନିଟ…
Get real time updates directly on you device, subscribe now.
ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କର ପଞ୍ଜାବ ଗସ୍ତ ସମୟରେ ସୁରକ୍ଷା ବ୍ୟବସ୍ଥାକୁ ନେଇ ଦେଶରେ ରାଜନୀତି ଚାଲିଛି। ଅନ୍ୟପକ୍ଷରେ ପଞ୍ଜାବ ପ୍ରଦେଶର କଂଗ୍ରେସର ସଭାପତି ନବଜୋତ ସିଂ ସିଦ୍ଧୁ ତାଙ୍କ ଉପରେ ଏକ କଠୋର ବୟାନ ଦେଇଛନ୍ତି। ସେ କହିଛନ୍ତିଯେ କୃଷକମାନେ କୃଷି ଆଇନ ଫେରସ୍ତ ଦାବିରେ ଏକ ବର୍ଷରୁ ଅଧିକ ସମୟ ଧରି ଦିଲ୍ଲୀର ସୀମାରେ ବସିଥିଲେ, କିନ୍ତୁ ଗତକାଲି ଯେତେବେଳେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ପାଖାପାଖି ୧୫ ମିନିଟ ଅପେକ୍ଷା କରିବା ପାଇଁ ପଡିଥିଲା ସେଥିରେ ସେ ବିରକ୍ତ ହୋଇ ଯାଇଥିଲେ।
ନବଜୋତ ସିଂ ସିଦ୍ଧୁ କହିଛନ୍ତିକି, “କୃଷକମାନେ ଏକ ବର୍ଷରୁ ଅଧିକ ସମୟ ଧରି ଦିଲ୍ଲୀର ସୀମାରେ ଧାରଣାରେ ବସିଥିଲେ, କିନ୍ତୁ ଗତକାଲି ପ୍ରଧାନମନ୍ତ୍ରୀଙ୍କୁ କେବଳ ୧୫ ମିନିଟ ଅପେକ୍ଷା କରିବା ପାଇଁ ପଡିଲା, ସେତେବେଳେ ସେ ଏଥିରେ ବିରକ୍ତ ହୋଇ ଯାଇଥିଲେ। କାହିଁକି ଏହି ପ୍ରକାର ଡବଲ ଷ୍ଟାଣ୍ଡାର୍ଡ? ମୋଦୀ ଜୀ, ଆପଣ କହିଲେକି ଆପଣ କୃଷକଙ୍କର ଆୟକୁ ଦ୍ୱିଗୁଣିତ କରିବେ, କିନ୍ତୁ ତାଙ୍କ ପାଖରେ ଯାହା ବି କିଛି ଥିଲା, ସେସବୁକୁ ମଧ୍ୟ ଆପଣ ନେଇଯାଇଛନ୍ତି।
ସୂଚନା ଅନୁସାରେ ପ୍ରଧାନମନ୍ତ୍ରୀ ମୋଦୀଙ୍କର ସୁରକ୍ଷା ଅଭାବରୁ ଯେଉଁଠାରେ ବିଜେପି ନେତା ଓ କର୍ମୀମାନେ ସାରା ଦେଶରେ ପଞ୍ଜାବ ସରକାର ଉପରେ ଆକ୍ରମଣ କରି ଆସୁଛନ୍ତି, ସେଠାରେ କଂଗ୍ରେସ ନେତାମାନେ ମଧ୍ୟ ଏହାର ନେତୃତ୍ୱ ନେଇଛନ୍ତି। କଂଗ୍ରେସ ନେତାଙ୍କ ଦ୍ୱାରା ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଉପରେ ପ୍ରଶ୍ନ କରାଯାଉଛି।
ଗୋଟିଏ ପଟେ ଗୃହ ମନ୍ତ୍ରାଳୟର ଏହି ଘଟଣା ସମ୍ପର୍କରେ ରାଜ୍ୟ ସରକାରଙ୍କ ନିକଟରୁ ରିପୋର୍ଟ ମାଗିଥିବା ସମୟରେ ଅନ୍ୟପଟେ ଚରଣଜିତ ସିଂ ସରକାର ଏହି ଘଟଣାରେ କାର୍ଯ୍ୟାନୁଷ୍ଠାନ ଗ୍ରହଣ କରୁଥିବାର ଦେଖିବା ପାଇଁ ମିଳିଛି। ପ୍ରଧାନମନ୍ତ୍ରୀଙ୍କ ସହିତ ସୁରକ୍ଷା ବ୍ୟବସ୍ଥାରେ ପଞ୍ଜାବ ସରକାର ଏକ ଉଚ୍ଚ ସ୍ତରୀୟ କମିଟି ଗଠନ କରିବା ପାଇଁ ନିଷ୍ପତ୍ତି ନେଇଛନ୍ତି। ଏହି କମିଟି ତିନି ଦିନ ମଧ୍ୟରେ ରିପୋର୍ଟ ପ୍ରସ୍ତୁତ କରି ଦେବ।
