ଯେତେବେଳେ ନଥିଲା ସାବୁନ କି ସରଫ, ଜାଣନ୍ତୁ ସେତେବେଳେ କିପରି ଚମକୁଥିଲା ରାଜା-ରାଣୀମାନଙ୍କର ପୋଷାକ

ଆପଣ କେବେ ଭାବିଛନ୍ତି ଯେ ଆଜି ସାବୁନ ଏବଂ ପାଉଡର ସବୁକିଛି ଥାଇ ମଧ୍ୟ କପଡାର ଦାଗ ବାହାରିବା କେତେ କଷ୍ଟକର ଅଟେ, କିନ୍ତୁ ସେତେବେଳେ, ଯେତେବେଳେ କି ସାବୁନ ଏବଂ ସରଫ ନଥିଲା, ସେତେବେଳେ ଏହି କାମ କିପରି ହେଉଥିବ | କିପରି ମୂଲ୍ୟବାନ ଏବଂ ଚମକି ଉଠୁଥିବା ବସ୍ତ୍ରକୁ ସଫା କରାଯାଉଥିବ | କପଡାରୁ ଦାଗ ବାହାର କରିବାପାଇଁ କେଉଁ ଜିନିଷକୁ ବ୍ୟବହାର କରାଯାଉଥିବ | କଣ ଆପଣ ଜାଣିଛନ୍ତି ଯେ ଭାରତକୁ ପ୍ରଥମଥର ପାଇଁ ସାବୁନ କେବେ ଆସିଲା, ୧୮୯ ମସିହାରେ, ଏହାକୁ ଇଂରେଜମାନେ ଭାରତକୁ ଆଣିଥିଲେ | ପ୍ରଥମେ ସାବୁନ ବ୍ରିଟେନରୁ ଅଣାଯାଉଥିଲା, ତାପରେ ଦେଶରେ ହିଁ ଏହାର ଫ୍ୟାକ୍ଟ୍ରି ଖୋଲିଗଲା | କିନ୍ତୁ ସାବୁନ ଆସିବା ପୂର୍ବରୁ ଭାରତରେ କପଡାକୁ କିପରି ସଫା କରାଯାଉଥିଲା, ଆସନ୍ତୁ ଜାଣିବା |

୧୮୯୭ ରେ କରାଗଲା ପ୍ରଥମ ଫ୍ୟାକ୍ଟ୍ରି :-

ବ୍ରିଟିଶ ଇଣ୍ଡିଆର ଭାରତରେ ସ୍ଥାପିତ ଏହି ଫ୍ୟାକ୍ଟ୍ରି ଗାଧୋଇବା ଏବଂ କପଡା ସଫା କରିବା ଉଭୟ ପ୍ରକାରର ସାବୁନ ତିଆରି କରୁଥିଲା | ନର୍ଥ ୱେଷ୍ଟ ସୋପ ନାମକ ଏହି କମ୍ପାନୀ ପ୍ରଥମ କମ୍ପାନୀ ଥିଲା, ଯିଏକି ୧୮୯୭ ମସିହାରେ ମେରଠରେ ଦେଶର ପ୍ରଥମ ସୋପ ଫ୍ୟାକ୍ଟ୍ରି ଖୋଲିଥିଲା | ଏହି ବ୍ୟବସାୟ ସେତେବେଳେ ବୃଦ୍ଧି ପାଇଥିଲା | ଏହା ପରେ ଜମସେଦଜୀ ଟାଟା ଏହି ବ୍ୟବସାୟରେ ପ୍ରଥମ ଭାରତୀୟ କମ୍ପାନୀ ଭାବରେ ପ୍ରବେଶ କଲା | କିନ୍ତୁ, ସାବୁନ ପୂର୍ବରୁ କଣ ଥିଲା, ଏହି ପ୍ରଶ୍ନର ଉତ୍ତର ଆଗରେ ଅଛି |

ରିଠାର ବ୍ୟବହାର :-

ଏହା ତ ସାରା ବିଶ୍ୱ ଜାଣେ ଯେ ଭାରତ ଦେଶ ଉଦ୍ଭିଦ ଏବଂ ଖଣିଜ ପଦାର୍ଥରେ ଭରପୂର ଥିଲା | ଦେଶରେ ରିଠା ନାମକ ଏକ ଗଛ ଅଛି, ଏହାକୁ କପଡା ସଫା କରିବାପାଇଁ ବ୍ୟବହାର କରାଯାଉଥିଲା | ଆଜି ବି ରିଠାକୁ କେଶକୁ ସୌନ୍ଦର୍ଯ୍ୟ କରିବାପାଇଁ ବ୍ୟବହାର କରାଯାଇଥାଏ, ସେତେବେଳେ ପୋଷାକ ସଫା କରିବା ପାଇଁ ରିଠାକୁ ବହୁତ ବ୍ୟବହାର କରାଯାଉଥିଲା | ମହଙ୍ଗା ରେଶମ ପୋଷାକକୁ ବ୍ୟାକ୍ଟେରିଆରୁ ମୁକ୍ତ ଏବଂ ଉଜ୍ଜ୍ୱଳ କରିବା ପାଇଁ ଆଜି ମଧ୍ୟ ରିଠାକୁ ବ୍ୟବହାର କରାଯାଇଥାଏ | ରିଠାର ବ୍ୟବହାର ଦେଶରେ ଏକ ସୁପର ସୋପ ଭାବରେ ବ୍ୟବହାର ହେଉଥିଲା | ଏଥିରେ ପୋଷାକ ମଧ୍ୟ ସଫା ହେଉଥିଲା ଏବଂ ସେଥିରେ ଚମକ ମଧ୍ୟ ଆସୁଥିଲା | ପୁରାତନ କାଳରେ ମଧ୍ୟ ରାଣୀମାନେ ଏହାଦ୍ୱାରା ନିଜର ଲମ୍ବା କେଶକୁ ଧୋଉଥିଲେ |

ଗରମ ପାଣିରେ ଫୁଟା ଯାଉଥିଲା କପଡା :-

ସେହି ସମୟରେ କପଡାକୁ ଗରମ ପାଣିରେ ପକାଇ, ତାପରେ ସେଗୁଡିକୁ ଥଣ୍ଡା କରି ପଥରରେ ପିଟାଯାଉଥିଲା, ଯାହାଦ୍ୱାରା ସେଗୁଡିକର ମଳି ବାହାରି ଯାଉଥିଲା | ଭାରତରେ ଆଜି ବି ଅନେକ ଧୋବା ଘାଟ ଅଛି, ଯେଉଁଠାରେ ପାରମ୍ପରିକ ଭାବରେ କପଡାକୁ ସଫା କରାଯାଇଥାଏ |

ଉଜ୍ଜ୍ୱଳ, ନରମ ପୋଷାକକୁ କିପରି ସଫା କରାଯାଏ :-

କିନ୍ତୁ ମହଙ୍ଗା ଏବଂ ନରମ ପୋଷାକକୁ ପଥରରେ ପିଟାଯାଇନଥାଏ | ସେମାନଙ୍କ ପାଇଁ ରିଠାକୁ ବ୍ୟବହାର କରାଯାଉଥିଲା, ପାଣିରେ ରିଠାର ଫଳଗୁଡିକୁ ପକାଇ ତାକୁ ଗରମ କରାଯାଉଥିଲା | ଏହା ଦ୍ୱାରା ପାଣିରେ ଫେଣ ସୃଷ୍ଟି ହେଉଥିଲା, ଏଥିରେ ପୋଷାକକୁ ପକାଇ ହାତ କିମ୍ବା ବାଡ଼ି ସାହାଯ୍ୟରେ ସେଗୁଡିକୁ ହଲାଯାଉଥିଲା |

ରେହର ବ୍ୟବହାର :-

ରିଠା ବ୍ୟତୀତ ‘ରେହ’କୁ ମଧ୍ୟ ପୋଷାକ ସଫା କରିବାରେ ବ୍ୟବହାର କରାଯାଉଥିଲା, ଭାରତ ମାଟିରେ ଏହି ଧଳା ରଙ୍ଗର ପାଉଡର ବହୁତ ମିଳୁଥିଲା | ଏହି ପାଉଡରକୁ ପାଣିରେ ମିଶାଇ ପୋଷାକକୁ ଭିଜାଇ ଦିଆଯାଉଥିଲା, ଏହା ପରେ ଗଛର ଚେରରେ ଘଷିବା ଦ୍ୱାରା ସଫା କରାଯାଉଥିଲା |

Leave a Reply

Your email address will not be published. Required fields are marked *