ଗୋଟିଏ ଗଛରେ ୧୨୧ ପ୍ରକାର ଆମ୍ବ,ଦେଖିବା ପାଇଁ ଲାଗିଲା ଲୋକଙ୍କର ଭିଡ

ଉତ୍ତରପ୍ରଦେଶର ସହାରନପୁରରେ ଏପରି ଆମ୍ବ ଗଛ ଅଛି, ଯେଉଁଥିରେ ୧୨୧ ପ୍ରକାରର ଆମ୍ବ ବଢିଥାଏ। ଲୋକମାନେ ଏହି ଅନନ୍ୟ ଆମ୍ବ ଗଛକୁ ଦେଖିବା ପାଇଁ ବହୁ ଦୂରରୁ ଆସୁଛନ୍ତି ଏବଂ ଏହା କିପରି ସମ୍ଭବ ତାହା ଜାଣିବାକୁ ଚେଷ୍ଟା କରୁଛନ୍ତି।

ଏହା ବିଶ୍ୱାସ କରାଯାଏଯେ, ସମଗ୍ର ବିଶ୍ୱରେ ୧୫୦୦ ରୁ ଅଧିକ ପ୍ରକାରର ଆମ୍ବ ଅଛି, ସେଥିମଧ୍ୟରୁ ୧୦୦୦ ପ୍ରକାର ଭାରତରେ ଚାଷ କରାଯାଏ। ପ୍ରତ୍ୟେକ ପ୍ରକାରର ଆମ୍ବରେ ଏକ ଭିନ୍ନ ପରିଚୟ, ଗନ୍ଧ ଏବଂ ସ୍ୱାଦ ଥାଏ। କିଛି ଲୋକ ‘ଲାଙ୍ଗ୍ରା’କୁ ପ୍ରଶଂସା କରୁଥିବାବେଳେ ଅନେକ ‘ ଦଶହେରୀ ବା ଚୋସା’ର ମଧୁରତା ଉପରେ ବିଶ୍ୱାସ କରନ୍ତି। ବିଭିନ୍ନ ସହରର ଆମ୍ବମାନଙ୍କର ନିଜସ୍ୱ ବିଶେଷତା ଅଛି। କିନ୍ତୁ ଗୋଟିଏ ଗଛରେ ୧୨୧ ପ୍ରକାରର ଆମ୍ବ ବଢିବା ଏକ ନିଆରା ଜିନିଷ ଅଟେ।

ଆପଣଙ୍କୁ ଜଣାଇଦେଉଛୁଯେ, ସହାରନପୁରରେ ଯେଉଁ ଆମ୍ବ ଗଛର ଯାହାକି ସବୁଆଡେ ଆଲୋଚନା ହେଉଛି, ଏହାକୁ ଏକ ବିଶେଷ ଢଙ୍ଗରେ ରୋପଣ କରାଯାଇଥିଲା। ଏହାକୁ ପ୍ରସ୍ତୁତ କରିବାକୁ ପ୍ରାୟ ପାଞ୍ଚ ବର୍ଷ ଲାଗିଥିଲା ଏବଂ ବର୍ତ୍ତମାନ ବିଭିନ୍ନ ପ୍ରକାରର ଆମ୍ବ ଏହି ଗୋଟିଏ ଉଦ୍ଭିଦ ଉପରେ ଫଳିବାକୁ ଲାଗିଲା,

ସହାରନପୁରର କମ୍ପାନୀ ବାଗ ଅଞ୍ଚଳରେ ଏକ ସ୍ୱତନ୍ତ୍ର ପ୍ରକାରର ଉଦ୍ଭିଦ ଲଗାଯାଇଥିଲା। ଏହି ଉଦ୍ଭିଦ ରୋପଣ ହେବାର ପ୍ରାୟ ୧୫ ବର୍ଷ ବିତିଗଲାଣି। କିନ୍ତୁ ମାତ୍ର ୫ ବର୍ଷ ପୂର୍ବେ ଉଦ୍ୟାନ କୃଷକମାନେ ଏହା ଉପରେ ପରୀକ୍ଷା କରୁଛନ୍ତି, ଯାହାଦ୍ଵାରା ଏକ ନୂତନ କିସମ ପ୍ରସ୍ତୁତ ହୋଇପାରିବ….

ଫଳର ରାଜା ଆମ୍ବ ଗଛରେ ୧୨୧ ପ୍ରକାର ଆମ୍ବ ଲଗାଯାଇଥିଲା। ବର୍ତ୍ତମାନ ଗୋଟିଏ ଗଛରେ ୧୨୧ ପ୍ରକାରର ଆମ୍ବ ବଢିବାକୁ ଲାଗିଲା। କୁହାଯାଉଛିଯେ, ଗବେଷଣା ପାଇଁ ଯେଉଁ ଗଛକୁ ଚୟନ କରାଯାଇଥିଲା ଗଛଟି ସେତେବେଳେ ପ୍ରାୟ ୧୦ ବର୍ଷ ପୁରୁଣା ଥିଲା। ସେହି ସମୟରେ ଦେଶୀ ଆମ୍ବ ଗଛର ଶାଖା ଉପରେ ବିଭିନ୍ନ ପ୍ରକାରର ଆମ୍ବର କଲମ ଲଗାଯାଇଥିଲା। ଏହି ବୃକ୍ଷର ଯତ୍ନ ନେବା ପାଇଁ ଏକ ଅଲଗା ନର୍ସରୀ ଦାୟିତ୍ୱ ନିଯୁକ୍ତ କରାଯାଇଥିଲା।

ଏନଏନଆଇ ନ୍ୟୁଜ ଏଜେନ୍ସି ଅନୁଯାୟୀ, ଉଦ୍ୟାନ କୃଷି ଏବଂ ତାଲିମ କେନ୍ଦ୍ରର ଯୁଗ୍ମ ନିର୍ଦ୍ଦେଶକ ଭାନୁ ପ୍ରକାଶ ରାମ କହିଛନ୍ତିଯେ, ଏହି ଅନନ୍ୟ ପରୀକ୍ଷଣ ପ୍ରାୟ ପାଞ୍ଚ ବର୍ଷ ପୂର୍ବେ କମ୍ପାନୀର ଉଦ୍ୟାନରେ ଏକ୍ସପେରିମେଣ୍ଟ କରାଯାଇଥିଲା। ଏହି ପରୀକ୍ଷଣର ଉଦ୍ଦେଶ୍ୟ ଥିଲା ନୂତନ କିସମର ଆମ୍ବ ଉପରେ ଗବେଷଣା କରିବା। ଏହାପୂର୍ବରୁ ମଧ୍ୟ ସହାରନପୁରରେ ଆମ୍ବ ଏବଂ ଅନ୍ୟାନ୍ୟ ଫଳ ଉପରେ ଅନେକ ପରୀକ୍ଷଣ କରାଯାଇଛି।

ଏହି ଗଛରେ ଦଶହେରୀ, ଲାଙ୍ଗ୍ରା, ରାମକେଲା, ଚାଉନ୍ସା, ଆମ୍ରାପାଲି, ସାହାରନପୁର ଅରୁଣ, ସାହାରନପୁର ବରୁଣ, ସାହାରନପୁର ସୌରଭ, ସାହାରନପୁର ଗୌରବ, ସାହାରନପୁର ରାଜୀବ, ଲକ୍ଷ୍ନୌ ସଫେଡା, ଏହି ଗଛରେ ୧୨୧ ପ୍ରକାରର ଆମ୍ବ ଫଳିଛି। ଅନେକ ନୂତନ ପ୍ରଜାତି ଉପରେ ମଧ୍ୟ କାର୍ଯ୍ୟ ଚାଲିଛି। ଅନୁସନ୍ଧାନକାରୀଙ୍କ କହିବା ଅନୁଯାୟୀ ଅନେକ ନୂତନ ପ୍ରକାର ଉପରେ କାର୍ଯ୍ୟ କରାଯାଉଛି ଯାହାଦ୍ଵାରା ମଧ୍ୟ ଉନ୍ନତ ଉତ୍ପାଦନ ହୋଇପାରିବ।

Leave a Reply

Your email address will not be published. Required fields are marked *