‘ମେ ଧାରକ କୋ … ରୂପୟେ ଅଦା କରନେ କା ବଚନ ଦେତା ହୁଁ’ , ପ୍ରତ୍ୟେକ ନୋଟରେ ଏମିତି କାହିଁକି ଲେଖାଯାଇଥାଏ ? ଆପଣ ଜାଣିଛନ୍ତି କି ? ଜାଣନ୍ତୁ ଏମିତି ଲେଖାଯିବାର କାରଣ

କରେନ୍ସି ନୋଟ ଆମ ସମସ୍ତଙ୍କର ଦୈନନ୍ଦିନ ଜୀବନର ଅଂଶ ଅଟେ | ଡିଜିଟାଲ ପେମେଣ୍ଟ ଯୁଗ ମଧ୍ୟ କରେନ୍ସି ନୋଟର ଚଳନକୁ ପ୍ରାୟ ପ୍ରଭାବିତ କରିଛି | ବର୍ତ୍ତମାନ ମଧ୍ୟ ଅନେକ ଲୋକ ଡିଜିଟାଲ ପେମେଣ୍ଟର ଅସୁବିଧାଠାରୁ ବଞ୍ଚିବାପାଇଁ କରେନ୍ସି ନୋଟକୁ ହିଁ ବ୍ୟବହାର କରନ୍ତି | ୧ ଟଙ୍କାରୁ ନେଇ ୨,୦୦୦ ଟଙ୍କା ପର୍ଯ୍ୟନ୍ତ କରେନ୍ସି ନୋଟର ନିଜର ପରିଚୟ, ବିଶେଷତା ଏବଂ ମୂଲ୍ୟ ରହିଥାଏ | ଆପଣ ପ୍ରାୟତଃ ନୋଟ ଉପରେ ଏହା ଲେଖାଯାଇଥିବାର ଦେଖିଥିବେ, ‘ମେ ଧାରକ କୋ … ରୂପୟେ ଅଦା କରନେ କା ବଚନ ଦେତା ହୁଁ’ ଏହି ଲାଇନରେ ଖାଲି ସ୍ଥାନରେ ସେତିକି ଟଙ୍କା ଲେଖାଯାଇଥାଏ, ଯେତେ ଟଙ୍କାର ସେହି ନୋଟ ହୋଇଥାଏ |

କିନ୍ତୁ ପ୍ରତ୍ୟେକ ନୋଟରେ ଏହିପରି ଲେଖିବାର ଅର୍ଥ କ’ଣ ହୋଇପାରେ ? ପ୍ରକୃତରେ ନୋଟରେ ଏହା କାହିଁକି ଲେଖାଯାଇଥାଏ ? ଯଦି ଏପର୍ଯ୍ୟନ୍ତ ଆପଣଙ୍କୁ ମଧ୍ୟ ଜଣାନାହିଁ, ତେବେ ଚିନ୍ତା କରନ୍ତୁ ନାହିଁ | ଆଜି ଆମେ ଆପଣଙ୍କୁ ଏହି ବିଷୟରେ ସମ୍ପୂର୍ଣ୍ଣ ସୂଚନା ଦେବୁ |

କେବଳ ଆରବିଆଇ କାହିଁକି କରେନ୍ସି ନୋଟ ଛାପିଥାଏ ?

ହିଲଟନ ୟଙ୍ଗ କମିଶନଙ୍କ ରିପୋର୍ଟ ପରେ କେନ୍ଦ୍ରୀୟ ବିଧାନସଭାରେ ‘ଭାରତୀୟ ରିଜର୍ଭ ବ୍ୟାଙ୍କ ଆକ୍ଟ, ୧୯୩୪ ‘ ପାସ ହୋଇଥିଲା | ଏହା ପରେ ଏପ୍ରିଲ ୦୧,୧୯୩୫ ରେ ଭାରତୀୟ ରିଜର୍ଭ ବ୍ୟାଙ୍କ ଅସ୍ତିତ୍ୱରେ ଆସିଲା | ଏହି ଆକ୍ଟ ଅନୁଯାୟୀ ଆରବିଆଇକୁ ଦେଶରେ କରେନ୍ସି ପରିଚାଳନାର ଦାୟିତ୍ୱ ଦିଆଗଲା | ଆରବିଆଇ ଆକ୍ଟ, ୧୯୩୪ ର ସେକ୍ସନ ୨୨ ଅନୁଯାୟୀ ତାକୁ କରେନ୍ସି ନୋଟ ଜାରି କରିବାର ଅଧିକାର ମିଳିଛି | ୧୯୩୫ ପୂର୍ବରୁ ଭାରତ ସରକାର ହିଁ ନୋଟଗୁଡିକର ଛପା କାର୍ଯ୍ୟ ବା ପ୍ରିଣ୍ଟ କରୁଥିଲେ |

‘ମେ ଧାରକ କୋ …’ କାହିଁକି ଲେଖାଯାଇଥାଏ ?

୧. କରେନ୍ସି ନୋଟରେ ଏହାକୁ ଲେଖିବା ଦ୍ୱାରା ଦେଶରେ ଏହି କରେନ୍ସିର ମୂଲ୍ୟକୁ ନେଇ ଲୋକମାନଙ୍କ ମଧ୍ୟରେ ଏକ ବିଶ୍ୱାସ ରହେ ଯେ ଏତିକି ମୂଲ୍ୟ ପାଇଁ ସେମାନେ ଏହି ନୋଟକୁ ଖର୍ଚ୍ଚ କରିପାରିବେ |

୨. ଏହା ଏକ ପ୍ରକାରର ପ୍ରୋମିସୋରି ନୋଟ ହୋଇଥାଏ | ଏହାଦ୍ୱାରା କରେନ୍ସି ହୋଲଡ଼ରଙ୍କୁ ଏହା ଜଣାପଡ଼ିଥାଏ ଯେ ଏହି ନୋଟ ଭାରତରେ ଆଇନଗତ ଭାବରେ ବୈଧ ଅଟେ ଏବଂ ଯେଉଁ ବ୍ୟକ୍ତିକୁ ଏହି ନୋଟ ଦିଆଯିବ, ତାଙ୍କୁ ନିୟମ ଅନୁଯାୟୀ ଏହି ନୋଟକୁ ନିଜ ପାଖରେ ରଖିବାରେ କୌଣସି ଆଇନଗତ ବିପଦ ନାହିଁ |

୩. ନୋଟରେ ଲେଖାଯାଇଥିବା ଏହି ‘ପ୍ରୋମିସୋରି ନୋଟ’ ଆରବିଆଇର ତରଫରୁ ଏକ ପ୍ରକାରର ବିନା ସର୍ତ୍ତରେ ପ୍ରତିଶୃତି ହୋଇଥାଏ ଯେ ସେ କରେନ୍ସି ହୋଲଡ଼ରଙ୍କୁ ଏତିକି ରାଶି ଦେବାର ଉତ୍ତରଦାୟୀ ଅଟେ |

୪. ଯଦି କୌଣସି କରେନ୍ସି ନୋଟରେ ଆରବିଆଇ ଗଭର୍ଣ୍ଣରଙ୍କ ଦସ୍ତଖତ ସହିତ ଏହି ପ୍ରୋମିସୋରି ନୋଟ ଲେଖାଯାଇ ନଥାଏ, ତେବେ କୌଣସି ଦେଶ/ବିଦେଶୀ ବ୍ୟକ୍ତି ଏହି କରେନ୍ସି ନୋଟକୁ ସ୍ୱୀକାର କରିବାରେ ସଂକୋଚ କରିବ | ସେ ଏହି ନୋଟର ଏକ୍ସଚେଞ୍ଜ ମୂଲ୍ୟକୁ ନେଇ ନିଶ୍ଚିତ ହୋଇପାରିବ ନାହିଁ |

ଏହି ପ୍ରକାର କରେନ୍ସି ନୋଟରେ ଏହି ଥିବା ଏହି ପ୍ରୋମିସୋରି ନୋଟ ଏକ ପ୍ରକାରର ଲିଖିତ ପ୍ରତିଜ୍ଞା ହୋଇଥାଏ | ଏଥିରେ ଏକ ପାର୍ଟି (ନୋଟ ପ୍ରଦାନକାରୀ, ଏଠାରେ ଆରବିଆଇ) ନୋଟ ଜାରି କରନ୍ତି, ଅନ୍ୟ ପାର୍ଟିକୁ ସେହି ନୋଟର ମୂଲ୍ୟକୁ ନେଇ ଲିଖିତ ପ୍ରତିଶୃତି ଦେଇଥାଏ | ଆରବିଆଇ ଗଭର୍ଣ୍ଣରଙ୍କ ଦସ୍ତଖତ ଏବଂ ଏହି ପ୍ରୋମିସୋରି ନୋଟ କରେନ୍ସି ନୋଟକୁ ଯେକୌଣସି ନାଗରିକ ସ୍ୱୀକାର କରିବାକୁ ମନା କରିପାରିବେ ନାହିଁ | ଏପରି କରିବାର ଅର୍ଥ ହେଉଛି ଯେ ବ୍ୟକ୍ତି ଜଣକ ଆରବିଆଇର ସେହି ଆଦେଶକୁ ପାଳନ କଲାନାହିଁ, ଯାହାକୁ ଭାରତ ସରକାର ମଧ୍ୟ ସମର୍ଥନ କରିଛନ୍ତି | ତାଙ୍କୁ ଆଇନଗତ କାର୍ଯ୍ୟାନୁଷ୍ଠାନର ସାମ୍ନା କରିବାକୁ ପଡିପାରେ |

ବନ୍ଧୁଗଣ ଆପଣ ଏହିପରି ଦେଶବିଦେଶ ଖବର, ଓଡ଼ିଶା ଖବର, କରୋ ଅପଡେଟ, ମନରୋଞ୍ଜନ୍ ଧର୍ମୀ ବିଷୟ, ଜ୍ୟୋତିଷ ଶାସ୍ତ୍ର, ବାସ୍ତୁଶାସ୍ତ୍ର ବିଷୟରେ ଅଧିକ ଜାଣିବା ପାଇଁ ଆମ ପୋର୍ଟାଲ କୁ ଲାଇକ କରନ୍ତୁ ଓ ଫୋଲୋ କରନ୍ତୁ । ଯଦି ଆପଣଙ୍କୁ ଏହି ଖବରଟି ପସନ୍ଦ ଆସିଲା ତେବେ ଏହାକୁ ଆପଣ ଆପଣଙ୍କ ସାଙ୍ଗସାଥୀ ଙ୍କୁ ସେୟାର କରନ୍ତୁ ଯାହାଫଳରେ ସେ ମଧ୍ୟ ଏ ବିଷୟରେ କିଛି ଜାଣି ପାରିବେ

Leave a Reply

Your email address will not be published. Required fields are marked *